کاوسێن بابەکر20/9/2019 240 جار بینراوە

کێشەکە ڕادەستکردنی ٢٥٠هەزار بەرمیلەکەیە یان زۆرقوڵترە؟



کەسانێک کێشەی قوڵ و ئاڵۆزی نێوان بەغداوهەولێریان هێندە سادەکردۆتەوە گوایە ئەگەر هەولێر ٢٥٠ هەزار بەرمیلی ڕۆژانە رادەستی بەغدا بکات ئاوێک بەئاورەکەدا دەکریت وکێشە سەدان ساڵیەکە کۆتایی دێت!


سەردانی د.بەرهەم سەرۆکی کۆماروحەلبوسی سەرۆکی پەرلەمان هەنگاوی باش بوون بۆ زەمینەخۆشکردن بۆ گفتوگۆو لێکگەیشتنەکان،هەڵوێستەکانی عەبدولمەهدی سەرۆکی وەزیرانیش هەمان هەڵوێستە بەئاڕاستەی تەبایی ولێکگەیشتن وچارەسەر،بەڵامکێشەی نێوان بەغداوهەولیر هەر لێرەدا کۆتایی نایەت وبەنیەت باشی ئەو بەڕێزانە بەئەنجام ناگات،ئەوکێشەیە کێشەیەکی سیاسی مێژوویی دێموکراسی خاک ونەتەوەیەو سەدان ساڵە بەهەڵواسراوی ماوەتەوە،هەرچەند لەدوای ڕوخانی ڕژێم دەستور دانی بەمافەکانی نەتەوەی کورد داناوەو تاڕادەیەک چارەسەری بۆ کێشەکانیش داناوە،بەڵام ئەم کێشەیە لەبنەڕەتدا لەوسنورانەدا قەتیس نابێ،ئەگەر هەولێریش ئامادەیی تەواوی هەبێ کەنیەتی ودابەشی دووڕای جیاواز بووە کەڕایەکیان کەکەمینەیەکە لەپارتی بەبیانوی سەربەخۆیی ئابوری ئامادەی ڕادەستکردنی نەوتەکە نییەو رای دووەمیش کەیەکێتی وسەرجەم حزبەکان وحکومەت وزۆرینەلەپارتی پاڵپشتی دەکەن چارەسەری کێشەکان لەبەغدادا دەبینن، زۆرخراپ ئاقای دوو ئاستەنگی زۆر ئاڵۆزە کە ئاستەنگی یەکەم هەستی فاشستی قوڵی ناوکەلتورو ئەقڵیەتی عەرەبەو لەناو حزب وسیاسەتمەدارانیشیاندا رەنگی داوەتەوەو ناتوانن دان بەئەویتردا بنێن وبەگیانی دێموکراسی مامەڵەبکەن وکار بەدەستوربکەن کەزۆربەی زۆری عێڕاقیەکان دەنگیان پێداوە،ئاستەنگی دووەم قوڵایی ئەوکێشەیەیە لەهەرێمەکەدا کەدابەشبونی کوردستان بەسەر چوار دەوڵەتی ناوچەکەدا بەپێی نەخشەیەکی ئیمپریالیستی (سایکس بیکۆ)خوڵقاندویەتی وئەودەوڵەتانەش سیستەمێکی دیکتاتۆری ناسیۆنالیست فاشین ودژی مافەنەتەوەییەکانی کوردن، بۆیە بەهیچ شێوەیەک ڕازی نابن مافی کورد لەهیچ یەکێک لەودەوڵەتانەدا بگاتە چارەسەری کۆتایی وهەوڵی بەردەوام دەدەن بەهەر نرخێک بێ لەباشوری کوردستانیش کەقۆناغی باشی بڕیوە لەقاوغی خۆیدا بمێنێتەوەو بەردەوم نوقمی کێشەبێ ونەگاتە چارەسەر چونکە پێیانوایە ئەوە دەبێتە سەرچاوەی کێشە بۆ ئەوانیش!


لەمەوە تێدەگەین گفتوگۆودانیشتن وڕێککەوتنەکان کاتین وکێشەکە لەبنەڕەتدا گرێدراوی چەندین دەوڵەتی هەرێمەکەیەوپێویستی بەچارەسەری دێموکراسی ودەستتێوەردانی دەرەکی هەیە،سەرەڕای تەبایی ویەکڕیزی هێزەکوردیەکان کەتائێستا بەداخەوە لەئاستی پێویستدا نیە.

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure