کاوسێن بابەکر5/9/2019 98 جار بینراوە

شکەستی سەرکردایەتی سیاسی کورد لەدۆزی کەرکوکدا


کاتێ قسەدێتە سەر کەرکوک دەبێتە دڵ وقودس وهەموان بەکلیلی چارەسەری سەرجەم کێشەکانی کوردی دەزانن،بەڵام بەکردەوە نەک شتێکی ئاوایان پێشان نەداوە بەڵکو کەرکوکیان کردۆتە قوربانی دەستکەوتە کەسی وحزبیەکان،سەرەتا گیرۆدەیان کرد بەمادەی ١٤٠ وهیچ نیشانەیەکی بەجدی کارکردنمان بۆ جێبەجیکردنی نەدیت، بەڵکو هەردەستی دەستی پێکراو کوردیش خەمساردانە ڕۆژگاری بەڕێکرد،جگە لەپڕۆژەکەی مامجەلال هیچ پڕۆژەوگەلەکۆمەگێکی جدی نەکرا بۆ چارەسەروسەرخستنی ئەومادەیە.هۆکارەکانیش زۆرن ڕاستە عەرەب وتورکمان هەموهەوڵیکیان ڕێگریکردن بووە لە جێبەجیکردنی ئەو مادەدەستوریە ودەستەڵاتدارانیش لەبەغدا پاڵپشتیان بوون و بەپێچەوانەی دەستور کاریان کرد،لەولاشەوە دەستەڵاتی کوردی شکەستیهێنا لە رازیکردنی لایەنەکان لانی کەم تورکمانەکان،نەک هەر ئەوە بەڵکو خۆیان بەدژایەتی یەکتری ودروستنەکردنی کۆدەنگی ویەکڕیزی لەپێناو بەرژەوەندی تایبەت وحزبی هێندەی تر زەمینەی چارەسەریان وێران کرد.


ئێستا خەریکن دەچنە سەر ڕیگا ڕاستەکە کەلە گفت وگۆ و دان وساندان لەگەڵ عەرەب وتورکمان،ئەگەر لەوە تێبگەین کە گێڕانەوەی کەرکوک بۆسەر هەرێم هەنگاوە بنچینەودروستەکەیە و دەبێ ئامادەی ئەوەبین قوربانی بە کۆمەڵیک پۆست بدەین بۆ تورکمان،کە ئەوانیش لەکۆتاییدا ئەگەر بزانن ئەوەیان قازانجەو زوڵمیان لێناکرێ پشت لەبەغدا دەکەن کەهیچ خێرو خۆشیەکیان لێ نەبینیوەو لەگەل کورد پێکەوە تاڵاوی زۆریان نۆشیوە.پێدانی پۆست بەتورکمان بەپاریزگاریشەوە بەمەرجی مسۆگەر کردنی پشتگیری تورکمان بۆ تەواوکردنی پرۆسەی جێبەجێکردنی مادەی ١٤٠ کە کۆتاییەکەی گێڕانەوەی کەرکوکە بۆسەر هەرێم سەرکەوتنێکی مێژوویی گەورەدەبێ،بەڵام کاتێ تورکمان وەک مافی خۆی داوای ئەم پۆستەدەکات بەبێ ئەوەی ڕازی بێ بەکۆتاییهێنان بەجێبەجێکردنی مادەی ١٤٠ گێڕانەوەی بۆ باوەشی کوردستان ئەوە جێگای قبوڵکردن نییە.

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure