دیاری حاجی عومەر25/7/2019 296 جار بینراوە

ڕاستکردنەوەیەک بۆ قسەکانی مەلا بەختیار

ئەم چەند ڕۆژە زۆر لەهاوڕێیان باسیان لە کۆنگرەرۆژنامەنوسییەکەی مەلابەختیار کرد بەندە وەک کارەکتەرو شایەتحاڵێک پێمباشە ئەو زانیاریانەی بۆڕاست بکەمەوە .

سەبارەت بە پڕۆژەکەی مەلابەختیار بۆ یەکیتی ئەوە هیچ پەیوەندییەکی بە منە وە نییە، وە مەلابەختیار خۆی لێپرسراوی کارگیری مەکتەبی سیاسیە هەموانیش دەزانین کەکێشەی هەیە لەناویەکیتی بەڵام لە ناوهێنانی ڕەوانشاد نەوشیروان مستەفا ئەگەر بەمەبەست بێت یان بێمەبەست هەست بە ئەو رق وکینە وبوغزەی مەلابەختیار دەکەی لەناو هێنانی ڕەوانشاد دا. خۆی لە ڕاستیدا ئەو هێزەی ئەو شەوە جولەی پێکرا بە رازیبونی خوالیخۆشبوو مام جلال سەرۆک کۆماری ئەوسای عێراق وسکرتێری یەکیتی نیشتیمانی کوردستان بوو کەخۆی سەفەری ئەوروپای کردبوو سەرۆکی هەریمی کوردستانیش سەفەری ئەوروپایان کردبوو، لە و کاتەدا کەهەموانیش دەزانین جوڵاندنی هێز بەبڕیاری کێ بووە ، بەرهەم صالح سەرۆکی حکومەتی هەریم بوو شیخ جعفر وەزیری پیشمەرگە . ئەو شەوە بەندە وەک هەموو ئەو گۆرانخوازانەی لەوێ ئامادەبون لەمالی رەوانشاد کاک نەوشیروان بووم کە من پێموایە هەموو گۆرانخوازەکان لەخانەقینەوە تازاخۆ ئەو شەوە سنگیان کردبوە قەڵغان بۆ پاراستنی گردی زەرگەتە کەتەلەفزیۆنی کەیئین ئینی تیایەو ماڵی سەرکردەی مەزن کاک نەوشیروان ئەو شەوە سەرجەم سەرکردایەتی گۆران وهەڵسوڕاوان لەئامادە باشیبون هێز لە پشدەر ودەروازەی راپەرین لەکۆیە لە گەرمیان لەچەمچەمال وبازیان لەجوڵەدابون بەرەو سلێمانی بێن ، ئەمە جگە لە ناو شەقام و کۆڵانەکانی سڵێمانی بەتایبەت چوار دەوری گردی زەرگەتەو مالی کاک نەوشیروان کە بەهەزاران هەڵسوڕاو پیشمەرگەی گۆران و یەکیتی لیبوو. ئەو هەواڵەشمان پێگەشت کە یەکەی حەفتا لە فەرماندەی گشتی بون بە دوبەشەوە وبەشیکیان ووتبویان دەبێت بەسەرلاشەی ئیمە داخڵی سلیمانی ببن و ئەمەو چەندین هەواڵیتر کە ئەو شەوە دەبیسترا ئەو شەوە بەندەو خلیل سەرکانی و ریبوار و ئاوات و سیداحمدی چەمچەمال وسەرکەوت هەلەبجەی وکاک وەهاب کاک صلاح چاوشین وکاک علی بچکۆل وجلال عەینەک ودلاوەری حاجی عسمان و وعقیدنەریمان بەڕێوبەری گشتی مرووری سلێمانی و نما و چیاو کاک سەرکەوت لە هۆلەکەی ماڵی کاک نەوشیروان بوین کاک نەوشیروانیش لەقاتی دووەم بوو لە گردی علی ناجی کاتژمیر یانزەونیوی شەو کاک ملازم عمروکاک دلیری سیدمەجیدهاتن کاک نەوشیروان کاک عمرسیدعلی کاک عوسمانی حاجی محمود کاک قادری حاجی علی کاک سالارعزیزو محمدتۆفیق رەحیم ومستەفای سیدقادرومامۆستاجلال جەوهەر ومامۆستاجمال و دانااحمدمجیدوشمال عبدلوەفا وکوردۆقاسم وئاسۆرەحیم وچەندین کەسیتر لەوێبون کەبەداوای لیبوردنەوە لەئیستادا ناوەکانیانم لەخەیاڵ نیە وئەوان لەکۆبونەوەی مەکتەبی سیاسی یەکیتی هاتبون ومەسجێکیان پێبوو کە ئەویش خۆی لەداخستنی تەلەفزیۆنی کەیئین ئین دەبینیوە ، دوای تەواوبونی قسەکانی ئەو وەفدە کاک نەوشیروان پرسی؟ ئەی مەوقیفی یەکیتی چی دەبێت؟؟؟ دیاربوو ئەو کاتە مەوقیفی یەکیتی زۆر ڕوون بوو وە ڕێکەوتن هەبوو لەنێوان سەرکردایەتی و(م. س) هەردوو لا کە خۆی لەداخستنی کەناڵەکەدەبینیەوە هەموو ئەوانەی لەوێ ئامادەبوین ئەو ئازایەتی ومەردایەتییەی کاک نەوشیروانمان لەیادە کە ووتی با یەکیتی لەگەل ئەو هێزەبێن بەچەکی ئەتۆمی بە زەرە لێمانبدەن ئێمە کەناڵەکە داناخەین خۆیان توانیان بابچن دایبخەن، بەڵام دەبێت تابوت بۆ ئەو هێزانەی دێنە سلیمانیەوە ئامادەبکەن وەک جکڵێت بۆیان دەنێرینەوە دوابەدوای رۆشتنی ئەو وەفدە کاک نەوشیروان بە ئۆتۆمبیلەکەی خۆی وچەندین ئۆتۆمبیلی تر رۆشتینە گردی زەرگەتەو چوینە کەناڵی کەیئین ئین ئەوشەوە من وپیشرەوی ئەحمدک ەلان بەئۆتۆمبیلەکەی پێشەی ئەحەکەلان یاوەری کاک نەوشیروان بوین بۆگردەکە، لەوێش بەسەدان هەڵسوڕاوی گۆران وئەنجومەنی سلیمانی کەلەوی بەرچاوم کەوتن پاش چارەکە سەعاتیک کاک نەوشیروان هاتەوە بۆماڵەکەی خۆی لەگردی علی ناجی هەموو ئەو هەڤاڵانەی لەوێ بوون لەهۆڵەکە دانشتبوین کە کەیئێن ئین نوسیبوی پاش کەمیکیتر نەوشیروان مستەفا راگەیاندراوێک بڵاودەکاتەوە .لێرەوە مەوقیفی مەلابەختیار دەرکەوت کە سەرەتا ئەو وەفدەی یەکیتی ناردی هەموان دەزانین بۆچونی هەموو یەکیتی بوو لەناو سەرکردایەتی ومەکتەبی سیاسی ، بەڵام پەرچەکرداری کادری وەسەتی یەکیتی وهێزی پیشمەرگە وئەندامانی خوارسەرکردایەتی وەک گۆران بوو. کەکاک ملازم عمر و کاک دلیری سیدمەجید رۆشبونەوە بۆمەکتەبی سیاسی وتبویان کاک نەوشیروان دەڵی با یەکیتی لەگەل ئەو هیزەی پارتی بێت ئێمە چاوەڕوانیانین ئەوجا مەلابەختیار وتبوی من دڵنیام کاک نەوشیروان خۆی بۆ ئەم هێزە ئامادە کردوە و گۆمی خوێن لەسلیمانی هەلدەستێ ئەوە نەوشیروانە هەموو ئامادەکاریەکی کردوە و ژیانی ئیمەش دەکەوێتە مەترسیەوە، بۆیە دەبیت ئیمە هەلویستمان هەبیت ، بەڵێ تاکە کەس لەناومەکتەبی سیاسی یەکیتی مەوقیفی هەبوو مەلابەختیار بوو ئەویش دوای گەرانەوەی وەفدەکە هەموشمان دەزانین لەیادی یەکیتی لە یەکی حوزەیران ڕێگری کرا لە چونەژوورەوەی سەرکردایەتی یەکیتی لە دیگەڵەو ئەو خوێندنەوەیە لەناوهێزی یەکیتی دروست بوو کەنابیت ئەمە قبوڵ بکرێت ئەگەر سەرکردایەتیش ئەمە قبۆل بکات ئەوە خوارسەرکردایەتی یەکیتی وهیزی پیشمەرگە ئەمە قبۆڵ ناکەن کاک مەلابەختیار دەیزانی لەوکاتەدا کەکاریزمای کاک نەوشیروان چۆنەبەسەر هیزی پیشمەرگەو ئەندامانی یەکیتی ئەوجا بیستمان کە مەلا بەختیار بەوەفدی پارتی وتووە گۆمی خۆین لەسلیمانی هەڵدەستێ و یەکیتیش ئەمە قبوڵ ناکات و نەوشیروان مستەفا کاریگەری زۆری هەیە لەسەر پیشمەرگەی یەکیتی و جڵەو لەدەستی ئیمە نامێنێت. دوابەدوای ئەو هەواڵەی لە کەیئین ئین بڵاو بوەوە یەکیتی تکاو رجای کرد لە کاک نەوشیروان ئەو بەیاننامە بڵاونەکاتەوە و هێزەکەی پارتیدەکشێنەوە بۆیە کاک ملازم عمر وکاک دلیری سیدمەجید زۆرداوایان لەکاک نەوشیروان کرد کە سەرکردایەتی یەکیتی تکادەکات ئەو بەیاننامەیە بلاونەکاتەوە بۆیە داوای ئەوەیان لەکاک نەوشیروان کرد کە لەشوینیتر کاک نەوشیروان ببینن لەماڵی هاوڕێیەکیان کەمن دەزانم ماڵەکە ماڵی کێ یە ، بەڵام لێرە پیویست ناکات ناوی بهێنم ئەوەبوو کاک نەوشیروان ڕازی بوو کاک ئاواتی شیخ جەناب هات بەدوای کاک نەوشیروان و پێکەوە ڕۆشتن بۆ ئەوماڵە بەئۆتۆمبیلیک کە کاک ئاوات هینابوی کاک نەوشیروان وتی دوای کاتژمیرک دەگەڕێمەوە ئێرە لەگردی علی ناجی، ئەوە بوو گەڕایەوە کاک ملازم عمریشی لەگەڵ بوو ،مەلابەختیار ویەکیتی وپارتی باش ئەو ڕاستیەشیان دەزانی کەلەڕێگەی فراکسیۆنی گۆران لەبغداد وحکومەتی عیراق وسەفارەتەکان وسونەی عەربی و شیعەکان هاتبونەسەرخەت کەنابیت ڕێگەبدریت شەڕی ناوخۆ دروست ببێتەوە ئیوارەی هەمان رۆژیش قنسوڵی بریتانیا لەگەل گۆران لەکۆبونەوەدابون، ئەوە ڕاستی رووداوەکان بوو کەمەلابەختیار زۆرباش ڕاستیەکان دەزانێت ، بەڵام ئاوەژووی دەکات بەمەبەست ئیستا مەلابەختیار پرۆژەی هەیە لەناویەکیتی چی پیویست دەکات باس لەگۆران وڕەوانشاد بکات .

 

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure