هونەر تۆفیق 24/7/2019 190 جار بینراوە

دیوێکی تری سەعاتەکەی سەماوە


کاتێک جێگری کونسوڵی تورکیا لە هەولێر کوژرا ، سەرۆکی هەرێم بەپەلە کۆتایی بە سەفەرەکەی هێنا لە فەرەنسا و گەڕایەوە هەرێمی کوردستان .


ئەحمەد مەنفی پارێزگاری موسەنا ، شەوێکی درەنگ هەواڵی دۆزینەوەی گۆڕێکی بەکۆمەڵیان لە دووری سەماوە بە ١٦٠ کلم پێگەیاند . هەر ئەو شەوە ئەو پیاوە ١٦٠ کلم بیابانی بڕی بۆ ئەوەی گۆڕەبەکۆمەڵەکە بەسەربکاتەوە . وەک خۆی دەڵێت پەیوەندی بە دەستەڵاتدارانی هەرێمەوە کردووە کە گۆڕێکی بەکۆمەڵی کوردە ئەنفالکراوەکان دۆزراوەتەوە . لیژنەی تایبەت بەهەڵدانەوەی لێ ئاگادارکردۆتەوە ، بەوپەڕی ڕێزەوە ئێسک و پروسکەکان لێکدی جیادەکەنەوە .


رۆژی دواتر سەرۆک کۆماری عێراق لەگەڵ وەفدێکی نەتەوە یەکگرتووەکان سەردانی گۆڕەکە دەکات . گۆڕەکە بۆ جیهان ئاشکرادەکەن .


ئەوەی مایەی سەرسامیە ، نە سەرۆکی هەرێم ، نە سەرۆکی حکومەت ، نەسەرۆکی پارلەمان ، وەک ئەوەی ئەو گۆرە بەکۆمەڵە ڕوفاتی قەومێکی تربێت ، ئەوەندە خۆیان نەڕەنجاند بچن لەکاتی هەڵدانەوەیدا ڕێز لە قوربانیەکانیان بگرن .


سەرۆکی هەرێم لەپێناو کوشتنی جێگری کونسوڵی تورکیادا لەماوەی چەند سەعاتێکدا لە پاریسەوە گەڕایەوە هەولێر ، بەڵام لەپێناو دەیان ژن و منداڵی کوژراوی وڵاتەکەی خۆیدا چەند سەعاتێک ڕێگا ، خۆی ماندوونەکرد !!


ئەو سەعاتەی لە گۆڕەکەدا دۆزراوەتەوە ، حەقە بکرێتە سەعاتی خەمساردی سەرۆکایەتی و حکومەت و پارلەمانی کوردستان ، کە نەیانتوانی بچن دوو مۆم لەسەر روفاتی ناو ئەو گۆرە دابگیرسێنن و تاجە گوڵینەیەکی لەسەر دابنێن .

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure