دیار موفتی19/7/2019 342 جار بینراوە

نامەیەکی کراوە بۆ مــەســرور بـــارزانــی

لە قۆناغێکی دژواردا، پۆستێکی هەستیار و مێژوییت وەرگرتووە.


بێگومانبە هەرچی نەیاریشت بێ، ئارەزووی ڕوخانی هەرێم ناخوازێ!


پێموایە هەر کوردێک، بۆ میللەتەکەی ڕۆژێک ماندوو بوبێ، هەرگیز ئارەزووی ئەوە ناکات، هەرێمی کوردستان لە دەست بچێ، ئەگەر لەو کوردایەتییەی لە ڕابردوو کردوویەتی، تەنیا زەرەرمەندیی بەشی بووبێ.


ئەرکت قورسە، لە هەمان کات مێژووییە، کورد پێویستی بە قۆناغێکی نوێیە.


دوو پارچەی گرنگی کوردستان ئازادن کە باشور و ڕۆژ ئاوان سنوری سێمیڵکا هەڵبگرە و بیانکە بە دەستە خوشك بێگومانبە دوژمنان دەخەیتە سەر ئەژنۆ و دوو پارچەی ڕۆژهەڵات و باکور، لە کات و ساتی گۆڕانکاری گەورەدان، گەر هیممەتی خودی خۆت و سەرکردایەتی کوردی لەگەڵدابێ.


لەبیرت نەچێ ( ليست الألقاب هي التي تكسب المجد ، بل الناس من يُكسبون الألقاب مجداً) .
واتا گرنگە خۆت ببیتە شانازی، تا مێژوویەکی نوێ، بۆ خۆت و میللەتی کورد بەم چەند خاڵە، تۆمار بکەیت نەك بەشانازی ڕابردووەوە حوکمڕانی بکەیت:


۱ـ دەستوری عیراق سوودی گرنگی هەیە، بۆ هەرێمی کوردستان، تا گەل بەئاسودەیی و خۆشگوزەرانی بژیت. زۆر داواکاریی گرنگی کوردی تێدا جێبەجێ دەبێ و بیرت نەچێ کورد داڕێژەری ئەم دەستورەیە .


۲ـ هەرگیز ئەوە لە بیر نەکەیت، کاتی ڕیفراندۆم ئەردۆغان چ گاڵتەیەکی بە کورد و سەرکردایەتی هەرێمی کوردستان و سەرکردایەتی ڕیفراندۆم دەکرد .


۳ـ هەرگیز لەبیری نەکەی، کە کورد لە هەرکوێ بێ هەرکوردە و ئازاریان دەبێ ئازاری تۆ بێ.


٤ـ ئەوە لەبیر نەکەی، کە هەرێمی کوردستان توشی گرفت ببێ دوژمنەکەی ئەردۆغان بەهانات دێ، وەك جاری پێشوو ڕویدا کاتێ پەکەکە هەموو ناکۆکییەکیان وەلانا لەکاتی داعش هێرشیبۆ هەولێر کرد و تورکیا پشتی تێکردین.


٥ـ هەرگیز ئەوەت لەبیر نەچێ ژیان هەر کۆتایی دێ، بەڵام مێژووی جوان، بە هەموو کەس دروستناکرێ و بەتەمای مێژووی ڕابردوو مەبە و خۆت مێژووی نوێ دروست بکە .


٦ـ هیوا خوازم، یاسا بەرقەرار بکەیت و بوێرانە، گەندەڵکارانی دوورو نزیکت بەسزای مستەهەقی خۆیان بگەیەنیت و هەرێم بکەیتە وڵاتی یاسا و ئاوەدانی.


۷ـ هەرگیز مەڵێ، کوردستان دەکەم بە دوبەی، بەڵکو بڵێ کوردستان دەکەم بە ئەڵمانیا، دیواری ڕۆژهەڵات و ڕۆژئاوای لادەبەم.


٨ـ سوود لە دەسەڵاتی سەرۆك کۆماری عیراق ببینە و ناکۆکیەکان وەلا نێ وەك حاجی قادری کۆیی دەڵێ هەر بە ئۆیین تابع بە دەوڵەتێ بن کە ئێستا زۆر زۆر ئاسانترە لەو کاتەی حەزرەتی حاجی فەرموویەتی .

 

۹ـ هیواخوازم هەرێمی کوردستان ئەوندە بەهێز بێ ئەمریکا ئیرەییمان پێببا نەك ملکەچ و سەرشۆڕی داگیرکەرانی کورد بین.


۱۰ـ گەر کورد بەرز بکەیتەوە و هەوڵی یەکخستن بدەیت هەموو کوردێک دەبێتە پێشمەرگە و پارێزەری کوردستان و حکومەتەکەت .


۱۱ـ هەرگیز گوێ لە کۆیلە و ماستاو چیەکان نەگریت چونکە بەرەو هەڵدێری کاکی بەکاکیت دەبەن بەڵکو نامەی ڕەخنەگرانت بخوێنەوە و گوێیان لێبگرە چونکە ڕەخنەگر دڵسۆزی میللەتن نەک کەس پەرست بن.


۱۲ـ عەقڵیەتی تۆڵە سەندنەوە و دوژمنکارانەی ڕابردووی کورد وەلا نێ و بەخشندەیی و لێبوردەیی و برایەتی و دۆستایەتی و سەرکردایەتی هەڵبگرە .


۱۳ـ واتێنەگەی باو و باپیرانمان ڕاست و دروست بون گەر ڕاست بان ئێستا نە ئەرکت قورس دەبوو نە هەرێمێکی لاواز دەبوین بەڵکو دەوڵەتێکی سەربەخۆی بەهێز دەبووین.


۱٤ـ واتێنەگەی تورك قەندیل داگیر بکا پشتت ئەستور دەبێ بەڵکو پشتت بەرەو شکان دەچێ چونکە بێگومان بە قەندیل و پەکەکە پشتێنەی ئەمنی حکومەتەکەی بەڕێزتن.


۱٥ـ واتێنەگەی پارتی بم یان ببم بە پارتی بەڵکو کوردێکم و خۆم بە خاوەنی کورد و کوردستان دەزانم و ناشزانم ماستاو سارد بکەمەوە بۆیە سوود ببینە لەنامەکەم

 

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure