لوقمان غەفووری30/6/2019 182 جار بینراوە

سه‌رۆك تره‌مپ، وه‌ڵامی نامه‌كه‌ی دامه‌وه‌

شه‌وی رابردوو 27 ی جون، نامه‌یه‌كی پڕ گله‌یم نارد بۆ سه‌رۆك تره‌مپ، له‌ناوه‌ڕۆكدا پێموت، هه‌رچه‌نده‌ ئه‌زانم سه‌رقاڵی به‌كاره‌كانی G20 ه‌وه‌ له‌ ژاپۆن، به‌ڵام چه‌ند ده‌قیقه‌یه‌ك له‌كاته‌كه‌تم بده‌رێ، یه‌ك له‌سه‌ر ده‌ی ئه‌و كاته‌ی بۆ مێركل و پۆتن سه‌رفت كرد تا منیش باسی ئه‌و كوشتارگه‌له‌-ت بۆ بكه‌م كه‌ ده‌وڵه‌تێكی په‌یمانی ناتۆ (توركیا) به‌رامبه‌ر گه‌لی كوردستانی باشور كردوویه‌تی له‌دوو رۆژی رابردوودا.

 

دیار بوو نامه‌كه‌ زۆر نیگه‌ران و توڕه‌یی كردبوو، بۆیه‌ بێ پێشه‌كی، بێ ده‌ستپێك، وه‌ڵامی دابۆوه‌ و نوسیبووی كه‌ ئێوه‌ی كورد كه‌ دوژمنه‌كانتان هه‌ڕه‌شه‌تان لێده‌كات ئه‌وكات ئێمه‌تان بیرئه‌كه‌وێته‌وه‌. بۆیه‌ من به‌كورتی ئه‌م وه‌ڵامه‌م هه‌یه‌ بۆت ئه‌ویش له‌به‌رئه‌وه‌ی تۆ هاووڵاتیه‌كی باكوری عیراق و حكومه‌ته‌ خۆجێییه‌كه‌ی كوردستانی و چه‌ند مانگێكیشت ماوه‌ ببیت به‌ هاوڵاتیی ئه‌مریكا.

 

بۆی نووسیبووم: "مانگێك له‌مه‌وبه‌ر كاتێك گرژی نێوان دۆخی ئه‌مریكا و ئێران ده‌ستی پێكرد سه‌ركرده‌كانی عیراق هه‌ره‌شه‌ی ئه‌وه‌یان له‌ ئێمه‌ كرد كه‌ ناهێڵین سه‌روه‌ری خاكی عیراق له‌كه‌دار بێت و ئه‌مریكا خاكی عیراق به‌كاربهێنێت بۆ لیدانی ئیران، وه‌ك ئه‌وه‌ی سه‌رۆكی ئه‌مریكا له‌سه‌ر قسه‌ی ئه‌وان وه‌ستابێت. به‌ڵام ئه‌ی ئه‌وه‌ی توركیا ده‌یكات ده‌ستدرێژی نییه‌ بۆ سه‌ر خاكی عیراق و سه‌روه‌رییه‌كه‌ی، ئه‌ی بۆ قسه‌ ناكه‌ن؟!". 

 

 

نوسیبووی كه‌ ئێوه‌ی كورد كه‌ دوژمنه‌كانتان هه‌ڕه‌شه‌تان لێده‌كات ئه‌وكات ئێمه‌تان بیرئه‌كه‌وێته‌وه‌. بۆیه‌ من به‌كورتی ئه‌م وه‌ڵامه‌م هه‌یه‌ بۆت ئه‌ویش له‌به‌رئه‌وه‌ی تۆ هاووڵاتیه‌كی باكوری عیراق و حكومه‌ته‌ خۆجێییه‌كه‌ی كوردستانی و چه‌ند مانگێكیشت ماوه‌ ببیت به‌ هاوڵاتیی ئه‌مریكا

 

 

 

هه‌روه‌ها نووسیویه‌تی: "وابزانم سه‌رۆك كۆماری عیراق له‌ خۆتانه‌ و كورده‌، ئه‌ی بۆ قسه‌ ناكات. ئه‌ی ئه‌و هه‌ڕه‌شه‌ی له‌ ئێمه‌ نه‌كرد كه‌ ناهێڵێت خاكی وڵاته‌كه‌ی به‌كاربێت بۆ لێدانی ئێران... بیریشت خستمه‌وه‌ دوو هه‌فته‌یه‌ك له‌مه‌وبه‌ر ئێوه‌ سه‌رۆكێكی نوێ-تان بۆ حكومه‌ته‌ خۆجێیه‌كه‌تان هه‌ڵبژارد، ئه‌و ده‌سه‌ڵاتی هه‌یه‌ هێزی پێشمه‌رگه‌ بجوڵێنێت بۆ ده‌ست به‌ بانگهێشتی شه‌ڕ ناكات و كۆمه‌ڵگه‌ی نێوده‌وڵه‌تی تێناگه‌یه‌نێت تا وه‌ك كورده‌كانی سوریا دژی حكومه‌ته‌كه‌ی ئه‌ردۆغان بوه‌ستینه‌وه‌ و پێی بڵێین هه‌پرون به‌ هه‌پرونت ده‌كه‌ین ده‌ستدرێژی بكه‌یته‌ سه‌ر كورده‌كانی عیراق، ئه‌گه‌ر ناتوانن خۆتان بپارێزن ئه‌ی چۆن باسی ده‌وڵه‌تی كوردی ئه‌كه‌ن!".

 

 

به‌رێزم: له‌م دیدگایه‌وه‌ جارێ گله‌یی له‌ سه‌رۆكی عیراق بكه‌ كه‌ مانگێ له‌مه‌وبه‌ر سه‌ردانی توركیا-ی كرد، ئەرێ تۆ نامه‌یه‌كت بۆ نارد لێی بپرسی چیت باسكرد له‌گه‌ڵ سه‌رۆك وه‌زیرانی توركیا. یاخود دوو هه‌فته‌ له‌مه‌وبه‌ر وه‌زیری ده‌ره‌وه‌ی توركیا، دوو شه‌و و دوو ڕۆژی له‌ هه‌ولێر كرده‌وه‌، بۆ ئه‌وه‌نده‌ ئازا نه‌بویت نامه‌یه‌ك بۆ به‌رپرسه‌كانی هه‌ولێر بنێریت و بڵیت ئه‌م دوو رۆژه‌ باسی چی له‌گه‌ڵ وه‌زیری ده‌ره‌وه‌ی توركیا ده‌كه‌ن.

 

 

سه‌رۆك كۆماری عیراق له‌ خۆتانه‌ و كورده‌، ئه‌ی بۆ قسه‌ ناكات. ئه‌ی ئه‌و هه‌ڕه‌شه‌ی له‌ ئێمه‌ نه‌كرد كه‌ ناهێڵێت خاكی وڵاته‌كه‌ی به‌كاربێت بۆ لێدانی ئێران... بیریشت خستمه‌وه‌ دوو هه‌فته‌یه‌ك له‌مه‌وبه‌ر ئێوه‌ سه‌رۆكێكی نوێ-تان بۆ حكومه‌ته‌ خۆجێیه‌كه‌تان هه‌ڵبژارد، ئه‌و ده‌سه‌ڵاتی هه‌یه‌ هێزی پێشمه‌رگه‌ بجوڵێنێت بۆ ده‌ست به‌ بانگهێشتی شه‌ڕ ناكات و كۆمه‌ڵگه‌ی نێوده‌وڵه‌تی تێناگه‌یه‌نێت تا وه‌ك كورده‌كانی سوریا دژی حكومه‌ته‌كه‌ی ئه‌ردۆغان بوه‌ستینه‌وه‌ و پێی بڵێین هه‌پرون به‌ هه‌پرونت ده‌كه‌ین

 

 

گله‌یی بۆ له‌من ده‌كه‌یت، ئێوه‌ سه‌دان بنكه‌ی میت و ئیلاعات-تان له‌ شاره‌كانی عیراق و هه‌رێمه‌ خۆجێییه‌كه‌ی كوردستانتان بۆ ئێران و توركیا كردۆته‌وه‌، ئیتر ئێمه‌ چیتان لێبكه‌ین. له‌ 1991ه‌وه‌ كوردستان-مان له‌ سه‌ر سینییه‌كی زێرین ته‌سلیمكردوون و عیراق-یشمان به‌ هه‌مان شێوه‌ له‌سه‌ر سینیه‌كی تر له‌ 2003 ه‌وه‌ ته‌سلیم به‌ عیراقییه‌كان كرد. ئێمه‌ چی بكه‌ین ناتوانن ئیداره‌ی خۆتان بكه‌ن و سه‌روه‌ری خاكی خۆتان بپارێزن و له‌ باوه‌شی توركیا و ئیران نایه‌نه‌ ده‌ره‌وه‌. 

 

 

له‌ كۆتایدا: ئه‌وه‌نده‌ ده‌ڵێم ئه‌وه‌نده‌ی ئێمه‌ دوژمنه‌كانتانمان (ئێران و توركیا) گوشار داوه‌ یه‌ك له‌سه‌ر ده‌ له‌ناوخۆ سه‌ركرده‌كانی عیراق بیانكردایه‌ ئێستا دوژمنه‌كانتان نه‌ك بۆ ئێوه‌ی كورد بۆ هه‌موو عیراقییه‌كان چۆكیان دابوو.

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure