ئارام ئه‌حمه‌د19/5/2019 432 جار بینراوە

ئەگەر لە سلێمانی بومایە!

ئەگەر لە سلێمانی بومایە ئەمرۆ نەئەهاتمە سەر مەزارەکەت!

ئەگەر دەسەڵاتم هەبایە تەنها ڕۆژێکم لەساڵێک بۆ دانەئەتاشیت!.

ئەگەر لەوێ بومایە بازرگانیم بە ناوەکەت و مێژوەکەتەوە نەئەکرد، ڕێگام نەئەدا گۆرانی گردەکە بتکەنە دەسرەی سواڵی و خەڵکت پێکۆبکەنەوە، تا لە شاشەی تیڤیەکەیانەوە پیشانی بدەن و بڵێن:

 

ئەوەتا گۆرانمان بچوک کردەوەو کردمانە تەیرە مەعقولەکە، پێچەوانەی دنیابینیەکەی نەوشیروان مستەفا هەنگاومان نا، لەگەڵ پارتی کە ئێستایش سکالاکەی لە دادگا ڕسواکەی هەولێر وەک خۆی ماوە ڕێکوتین و دەستی نەیارەکانمان ماچکردی، ئەوەتا بزوتنەوەکەمان فرۆشت و سەرقالی پۆست و پارەین، ئەوەتا مۆری خۆمان دا لە سیستەمی سەرۆکایەتی بۆ بنەماڵەی بارزانی ، کەچی ئاپۆرەی جەماوەر لەدەورمانن، ئەوەتا لە گردەکەن.

 

لەوێ بومایە ڕێگام نەئەدا یەک کە س بە بۆنەی تۆوە بێنە سەرمەزارەکەت و ئەوانیش پیشانی دنیا بدەن و بیکەنە موڵکی خۆیان وزیاتر پارەی پێ پەیدا بکەن.

 

ئەگەر لە سلێمانی بومایە ئەمڕۆ بانگەوازم ئەکرد کەس نەیەتەسەر مەزارت، بە دنیام ئەوت گۆرانی گردەکە درۆزنن، بازرگانی بە گۆرەکەتەوە ئەکەن، بە دنیام ئەوت ئەم پیاوە هەمو تەمەنی دژی بە پیرۆزکردن و گڵکۆ پەرستن بو، بەخەلكم ئەوت ئەم پیاوە هەمو تەمەنی دژی ئەقڵیەتی خێڵەکی و بنەماڵەچێتی بو.

 

هاوارم ئەکرد، ئەم پیاوە تا مرد خەلکی فێر کرد، دژی بنەمالەی بارزانی بن کە ساڵانە خەلکی کۆ ئەکەنەوەو ئەیان بەنە سەر گۆڕی مەلا مستەفاو ئیدریس و حەمایل، پێیان ئەلێم تا مابو، هەمو گۆرانخوازەکان لاقرتێ و گاڵتەیان بەو خەلکە ئەهات کە پۆل پۆل ئەچونە سەر گۆڕی مەلا مستەفا، کەچی ئێستا گۆرانی گردەکە خۆی ئەوە ئەکات تا لە مێژوەکەت و ئەقلەکەت بدات.

 

ئەگەر لە سلێمانی بومایە،خەلکم فێر ئەکرد، ئەگەر ئەم پیاوەتان خۆش ئەوێت، ڕێبازەکەی پشتگوی مەخەن، کار بۆ گۆرانکاری و بەدیهاتنی خەونەکانی بکەن، فێرم ئەکردن وەک ئەو ئەخلاقی سیاسی و کۆمەڵایەتیان بەرز بێت و بۆ هیچ بەرژەوەندیەک نەچەمێنەوە.

 

فێرم ئەکردن جاشێک و خائنێکیش ئەتوانن فرمێسکی تیمساحی بۆ ئەم پیاوە هەڵبڕێژێن و وێنەکەی بدەن لە یەخەیان وقسەی گەورە گەورە بکەن و بچنە سەر مەزارەکەی و دژی دنیا بینیەکەیشی بن، بۆ شکاندنی دنیا مەعنەویەکەی هەوڵی نەزۆکانە بدەن.

 

بیرم ئەخستنەوە، ئەوەتا کاتێک بنەمالەی بارزانی سکالایان لەسەر تۆمار کردوە، دوان لە ئەندامانی جڤاتەکەی شایەت بون بەسەریەوەو نۆکەرو جاسوسی بنەمالەی بارزانی بون، ئێستایش ئەودوانە ئەمڕۆ ئەتوانن بە چەپکە گوڵەوە بچنە سەر مەزارەکەی.

 

ئەگەر لەسلێمانی بومایە خەلکم فێر ئەکرد، یەک ڕۆژ لە ساڵێکدا مەدەن بەم پیاوە، هەمو ڕۆژەکانی بەهارو هاوین وپایزو زستان،هەمو شەوڕۆژەکانی ساڵ،هەرکاتێک یادتان کرد، بە چەپکێ گوڵەوە سەردانی مەزارەکەی بکەن، پەیمان نوێ بکەنەوە بۆ خۆشگوزەرانی گەلەکەی تێبکۆشن، نەک تەنها بۆ چاولێکەری و وێنە گرتن.

 

فێرم ئەکردن، وەک هاوڕێیەک بیبینن و وەک ئەوەی تەمەنێک تێکۆشانی کردوە بۆ گۆڕانکاری و بەدیهاتنی ئاوات و ئامانجی تێکڕای کۆمەڵگا.

ئەگەر لەوێ بومایە !!!!......

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure