كاروخ عومه‌ر25/1/2019 284 جار بینراوە

پەیکەرتاشی پۆپۆلیزمەکان


زۆر جار نوسینەکانی پەیکار عوسمان دەخوێنمەوە، تا ڕادەیەکی باش لەڕۆحی تێکستەکانی تێگەیشتوم، بەو پێیەی پەیکار بەردەوام دەنوسێت و وجودێکی باشی لەتۆڕی کۆمەڵایەتی فەییسبوک دا هه یە، خەوشێکی ئەخلاقی ونەنگیەکی گەورەیە من بمەوێ سفری بکەم ویان بڵێم خوێنەری نیە، پێدەچێ هه رئەم غروریەتە وای لێکردبێ ئیدی خوێنەر بەمنیشەوە بۆپشتی تێکستەکان و ناو مەغزی بگەڕێ و کنەبکا و ئینجا شیکارێکی جوان بۆ دەقەکانی بکات، پەیکەر لەنوسێنێکدا دەیەوێ پەیکەری بەرائەت بۆ حزبێکی کۆنە معارەزە و مەعشوقێکی ئێستای پارتێکی دەسەڵاتتدار دابتاشێ و جارێکی تر چۆن بەرگی پۆپۆلیزمیان لەبەر کرد بۆ ئەوەی بگەنە دەسەڵات و دەنگدەر و بەڵێنەکانی خۆشیان بیرکرد، ئاوا دەیەوێ سادە وساکار پەڕەی ئەستۆپاکیان بۆ بنوسێ، گوایە نەوشیروان مستەفاش ئەەی ویستوە کەئێستا گۆڕان دەیکات.


ئەم منەوەرە، تەنها یەک ڕاستی بدراکانداییە ئێستا نوسینەکەی نەسخ نەدەبو، بەواتاییەی نوسینەکەی لەسەر بنەمایەکی پوچ هه ڵچنیوە بۆیە منیش بەم وەڵا دەمەوێ بەتەنها فوویەک بیڕۆخێنم، نەوشیروان مستەفا بەمەبەستی دیالۆگ ودیبەت بۆ سەری ڕەش نەدەچو بەڵکو هه ر بڕواشی بەو وەفدو وەفدکارییە نەبو، ئەو بەئاشکرا لای چەند گۆڕانخوازێک وتبوی نەمانتوانی دیواری دەسەڵاتتدارێتی یەکێتی وپارتی بڕۆخێنین بەڵام لەئێستا بەدواوە دەمانەوێ کونی بکەین!بۆئەوەی بتوانین بچینە ژورەوە، گومان لەوەدا نیە دیوار بەدەرزی و سوژن ناڕۆخێ، بەڵکو بەدڕێڵ و چەکوش یا بە چەکی تەکنەلۆژی، واتا نیەتی ڕوخاندنەکە پێش کەرەستەکان مەوجود بو ئێستا کاک پەیکەر سەردەمی نەوشێروان مستەفابە سەردەمی پێکەوە ژیانی مەڕو گورگ تێدەگا، گۆڕان بۆ ڕوخاندن دروستبو، حەتمەن ڕوخاندنی سیستەمێکێ گەندەڵ وفاشیی، ئیتر ئەم هه مو ئینشاو ئیعراب و سیفە موشەبەهه و یاریکردن بەپیت و بەوشەکان ناوێ کەبەڕێزتان دانی پێدا دەنێن ئەم دەسەڵاتە هۆکاری هه مو عەیبوعاروبیماری و خوێنبەربونێکیشە بۆ کوردبون ومرۆڤبون بەڵام مادام ناڕۆخێن بەقەولی تۆ وەکو کۆنە معارەزەکان تەسلیم بون چارەسەرە!


ئەوەی ئێستا گۆڕان دەیکا هاوبەشیی نیە، تێگەشتن و چونە قۆناغێکی مەدەنی وحکومڕانی نیە، بەڵکو شکست و کەوتنێکی ئەبەدییە، هه ڵگەڕانەوەیە لەبەڵێن ودەنگدەر و هه مو دروشمێک، دەقاودەق بەرجەستەبونی واقیعی ڕۆمانی مەزرای ئاژەڵانە، ئەم دۆخە، دوای کەوتنی گۆڕان، حەتمەن بەحوکمی ئەوەی مێژوو ناوەستێ، هێزی تر لەهه ناوی کۆمەڵگەوە پەیدا دەبێ، هه مو هێزێکی نۆیش بەمەنتیق و ئەرگێۆمێنتی مێژوو، بەدیل بۆ بۆشاییەکان پڕ دەکاتەوە، لەخاڵی لاوازی ئەوانی ترەوە دەستپێدەکات، هه مو نویەکیش حەتمەن دژایەتیکی وێرانکارانە دەکرێ، بەڵام هێزی ڕەسەن و عەقڵانی ونزیک لەخەڵک ئەوەیە ناچار نەبێ تەنازول لە ئەسڵ ونەسەبی خۆی بکات و بۆ ئیمتیاز ومانەوەیەکی ناڕەسەنانە هاوبەشی نەیارێکی بێ خۆی لەپێناو ڕوخاندنیدا دامەزرابێ..

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure