شاناز ئیبراهیم ئه‌حمه‌د10/12/2018 575 جار بینراوە

سیناریستێكی فاشل

 

 

چەند ڕۆژێكە بابەتێك واتە وتارێك لەژێر ناونیشانی "وەسیەتنامەی مام" لە هەندێك پێگە و سایتدا بڵاوكراوەتەوە كه‌ نەك هەر ناچێتە قاڵبی وەسیەتنامەوە، بەڵكو شێوازی نووسین و ناوەڕۆك و بۆچوونی نووسەرەكەشی، تەواو جیاوازە لە بیروبۆچوونی مام.


بێدەنگییم لێدەكرد گەر تەنها جیگەی بایەخی سایت‌و پەیجە بێ‌ دایك و باوك یان بەكرێگیراوەكان بووایە، بەڵام كە دەبێتە بایەخی ماڵپەڕێك كە خۆی بە پسپۆر لە بواری بەدواداچوونی ڕۆژنامەگەری و بەڵگەنامە لەقەڵەم بدات، ئەوە هەقە دوو قسەی لەسەر بكرێت. لە راستیا چاوڕوان نەبووم تا ئەو رادەیە ناپسپۆڕانە مامەڵە لەگەڵ نووسراوێكی ساختەدا بكات و كۆمەڵێك روونكردنەوەی بێ سەروبەریشی لەسەر بدات.


بەر لە هەموو شتێك، وەك هەمووان دەزانین ئەو سایتە پرۆفسشناڵەیش بیزانیایه‌ كە مام هیچ وەسیەتنامەیكی بەجێنەهێشتووە و هەرگیز ئامادەكاری بۆ جێهێشتنی دنیا نەكردبوو،سەیرە ئەو پێگە ئەلكترۆنییە بە جۆرێك باس لەو وتارە دەكات وەك ئەوەی كە نهێنی دروست كردنی بۆمبی ئەتۆمی و دابەشكردنی سەروەت و سامانی عێراقی بەسەر كەسوكارەكەی و بێبەش كردنی هەندێكی تێدا بێت كە دەڵێت "پێدەچێت نزیكترین كەسەكانی وەسیه‌تنامەكەیان شاردبێتەوە، یاخود هەر لە بنەڕەتدا بوونی ئەو وەسیەتنامەیەیان رەتكردبێتەوە.

 

من بەو فاشیلەی كە سیناریۆكەی نووسیوە، دەڵێم: ئاخر هەی نەفام ئۆتۆنۆمی چی؟ مام چۆن پاش ئەو هەموو خەبات و قوربانیدانە تازە دەگەڕێتەوە بۆ سەردەمی ئۆتۆنۆمی..؟ چۆن لەم دنیا پان و بەرین و پڕ لە نموونەیەدا (ئەسەد)ی هاوڕێی وەك نموونە بۆ میراتگری حوكمڕانیی بنەماڵەیی دەهێنێتەوە؟ چۆن پاش ئەو تەمەنە و ئەو هەموو كۆشش و ماندووبوون و هەوڵدانەی بۆ پتەوكردنی پەیوەندییەكان، ئا بەو شێوەیە دەنووسێت؟!

لە كەس شاراوە نییە كە كێ لەپشت نووسینی ئەو وتارەوەیە، چونكە بە تایپكراویش دەستوخەتی دەناسمەوە و دەشزانم مەبەست لە بڵاو كردنەوەی چییە؟ بەڵام ئەم برادەرە وەك نەریتی لێكردووە، هەر جارەو جۆرێك لە سیناریۆ دەهۆنێتەوەو وەك حەقیقەتی سەلمێنراو پێمان دەفرۆشێت.

 


هیوادارم ئەم نەریتە بەردەوام نەبێت‌و ئەو سیناریستە فاشیلە هەموو ڕۆژێك بابەتێكی ڕۆژنامەوانیم بە ناوی وەسیەتنامەی مامەوە بۆ بڵاو نه‌كاتەوە.
هەق وابوو ئەو زاتە ئەو كاتەی لەم یارییانە سەرفی دەكات، لە هەوڵی هێنانەوی متمانەدا سەرفیان بكات، چونكە ئەمە بۆ خۆی و بۆ ئێمەش باشترە.

٩-١٢-٢٠١٨

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure