ئارام ئەحمەد5/10/2018 820 جار بینراوە

بۆچی گۆڕان شکستی خوارد؟ چارەسەری چییە؟

بەشی یەکەم

سەرەتا ئەبێت ددان بەوەدا بنێم کە من خەتام کرد، وەک منداڵ پاک وبێگەرد لە ناو لیتاوێکا، فەسادێکی بێ ئاماندا، تاوان و کاری مافیاییدا، من وەک منداڵ تەنها راستیەکانم وت، ئەمویست پەپولە بم، چونکە سەرەتای لاویم بە هۆنراوە دەستم پێکردبوو، شاعیرانە لە سیاسەت و لەو زەلکاوەی لە باشور هەیە نزیک بوومەوە، جگە لەڕاستی هیچم نەوت، بە بێ ئەوەی تۆزێ هەوای ئەو نیشتیمانە بێتە سنگم، تەنها نانێکم پێببڕێت، خۆم لە دوری یادەوەریەکانم و لە دوری باوک و براو بنەمالەو خێزانەکەم دیقم کرد، هەموو بەیانیەک هەڵسام لەم دیوو پەنجەرەکەمەوە ئەوکاتەی پێڵوەکانم عەوقی فرمێسک ئەبوو، بیرم لە رابردو کەسو کارو خۆشەویستانم ئەکردەوە،زۆربەیان چون، بوون بە ڕابردوو، منی تامەزرۆو بە دیداریان چاوەڕوان مام، خۆ هەر خۆم نا، کەس وکارەکەیشم کردە قوربانی، ئێستا کە بیر ئەکەمەوەو ئەیان بژێرم، تەواوی کەسەکانم لەژێر هێڵی هەژاریەدا ئەژین، هەلوەدان بۆ ماڵێ بۆ سەرپەناێی، هەمووئەوانە تاوانی من بوو، کەسەکانم بۆ هیچ دائیرەیەک نەیان دەوێرا بڕۆن، وەک ئەوەی ئارامیان تاوانبار بێت، ئاخر بیان زانیایە کەسی منن هیچیان بۆ نەدەکردن هەتا کارە یاساییەکانیش لە دەرکردنی هەوێیەک،جنسییەک هتد، ئەوە ئیتر باسی چونە هەولیر ناکەم یاساخی یاساخ، سەرەڕای هەمووئەمانە، جوێن و سوکایەتی نەما پێم نەکرێت، بە خۆم و بنەماڵەم، هەتا کار گەیشتە بێحورمەتی بە مردوە بێگوناهەکانیشم، خۆ من چڵە دارێکی ئەو نیشتیمانەم نەشکاندبوەوە، گوڵێکم هەڵنەپروکاندبوو، لای خواو ئەرزو ئاسمان ئەلێم، دینارێکی نەهاتبوە گیرفانم لە هیچ ڕێگایەکەوە، تەنها ڕاستیم وت،ڕەجم کرام،راستە مەسیح لە خاچدرا، خوا دەزانێ هەزار هێندەی عیسا بزمار بە ڕۆح ودڵ وجەستەمەوەیە،لەم بازاڕی بێهودەییەدا،لەم دنیا بێڕەحمەدا، لە راستی وتن نەکەوتم، بەرگەم گرت، تازە گەرانەوەیشم نیەو تا کۆتایی ئەڕۆم،هەرچی بێت چەقۆی غەدر سەرت ببڕێ باشترە لەوەی بە چەقۆی غەدر خەڵک سەرببریت.،من ویستم بیسەلمێنم، لەم سەردەمی چەمانەوەیدا،پیاوێک هەیە ناچەمێتەوە،نە پارەو نە پۆست و نە زریان،نە خەمی گەورەو ژانو ئازاری تولانی،هیچ نایچەمێنێتەوە.

غەدری کاک نەوشیروان

 

کاک نەوشیروانی ڕەحمەتی غەدری لە سێ کەس کرد" خۆم،جەوهەر نامیق، ئەیوب بارزانی" لە کاتی خۆیشیدا ئەمانەم دەزانی تەنها کردمن بەژێر لێوەوە،کردمنە قوربانی ئەوەی گۆران بەرامبەر پارتی و یەکێتی سەرکەوێت.

 

جەوهەر نامیق لە پارتی هاتە دەرەوەو بەراستی بوو، هەوڵی دا بێتە ناو گۆران، دواجار کە لە سوید بوو قسەم لەگەڵ کرد وتی" لەگەڵ کاک نەوشیروان قسەم کردوە، بەداخەوە پێی وتووم هەرئاوا بمێنەرەوە بێتە لای ئێمە ماڵ بارزانی تورەدەکەی لێمان و زەرەری زۆرترە لە قازانجی" مەرگی جەوهەر تراژیدیا بوو، بێهیواو نائومێد، بێ پشت وپەنا،پاشان پارتی داوەتی کردەوەو لەوێ دەرمان خواردیان کردو دوای سێ مانگ لە ولاتی سوید مرد.

 

ئەیوب بارزانی ئامۆزای مەسعود بارزانیەو لە سویس دەژی، زاوایشی بوو،واتە خوشکی مەسعود ژنی بوو،دەیان ساڵە کێشەیان هەیەو مەسعود خوشکەکەی لێسەندەوەو زۆر دژی یەکن،پیاوێکی راستگۆو پاک و بەشەرەفە، چەند جار چوە لای کاک نەوشیروان تا بۆ گۆران کار بکات،هەمان قسەی کە بە جەوهەر نامیقی وت بەویشی وتبوو.

 

کاک نەوشیروان لە یەکەم هەلبژاردندا لە ماڵی مامۆستا جەمال سکرتێری جڤات بە تەلەفۆنی بە منی وت" کاک ئارام تۆ بەردەوام بەو وەک شێرو هەقت نەبێت خۆم ئەزانم چی دەکەم" منیش خۆم دایە دەستی ئەو قەدەرە، لە ماوەی دە ساڵدا نەیتوانی وابکات وەک هەر کەسێکی ئاسایی سەفەرێکی نیشتیمان بکەمەوە، خۆ ئەیتوانی و ئاوخواردنەوە بوو، بەڵام لەبەر مجامەلەی پارتی و سەرانی یەکێتی بوو.

 

بەلام کورد باشیان وتوە، دەستی شکاو کەبە خواری گیرایەوە تا ئەبەد خوار ئەبێت، سیاسیەکانی کوردسیاسەتیان وەک زانست نەکرد.

 

پیاو ئەبێت ڕاستگۆ بێت،ئێمە ئەم سیانەو هەزارانیتر قوربانی بووین،قوربانی بێگوناح بەکار هێنراین و توانیمان کۆمەلێ خەلک بکەینە ملیۆنیر،دواجاریش هەر لەو گردەوە کە کاک نەوشیروان داینا، هەزاران سوکایەتی و بێحورمەتیم پێکرا، ئەوسا زانیم وایییی لە ڕاستی وتن،،چ باجێکی گرانی هەیە!!.هەرچی بێت لەبەر خۆشەویستی بێسنورو پاکم بۆ کاک نەوشیروان،ئەو چوە جێگای خۆی،گەردنی ئازاد بێت و تا مابم ڕێزو حورمەتی لام باقیە،بەڵام هیچ کەسێک لەسەرو ڕەخنەوە نیەو،ئەبێت ڕاستگۆیانە مێژوو بنوسینەوە.

 

 

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure