ئارام ئەحمەد1/9/2018 763 جار بینراوە

سیو یەکی ئاب و مەنجەڵ لە کورە گەرمتر!

لە سیویەکی ئابی 1996 وە تا ئەمڕۆ،هەموساڵێک لەم یادە ڕەشەدا بکەرەکانیم ڕسوا کردوە، بەلام ئەمساڵ وشەیەکم نەوت، زۆرلە هاوڕێیان نامەیان ناردوەو ئەلێن، بابەتەکەی پار ساڵت واتە 2017 بڵاو بۆتەوە، بەڵام بۆ بابەتی تازەت نیە،لێرەدا وەلامی ئەو ئازیزانە ئەدەمەوە.

 

سەرەتا ئەبێت هەموکورد بزانن، پارتی ویەکێتی دوهێزی خائین و دژە نیشتیمانی و دژە گەلین، ئەوان ئەوەتەی هەن، جگە لە خیانەت، کورد کوژی، نیشتیمان فرۆشی، چەتەیی و دزی،هیچی تریان نەکردەوە، خیانەتی ئەمانە نە لە 16 ی ئۆکتۆبەرەوە دەست پیێدەکا،نەلە 31 ی ئابەوە، زۆر پێشتر تا لوتیان غەرقی خیانەت و کورد کوژی بوە، شەڕەکانی شەستەکان و حەفتاکان،سوتاندنی ئەوڕەحمانی ساڵحی خلە لە کانی ماسی بەدەستی باندەکانی مەلا مستەفا، تا شەڕی قیادەی مۆقەتە شان بەشانی سوپای پاسداران بۆ سەرکوتی کوردانی ڕۆژهەڵات، تا کارەساتی هەکاری و شەهیدکردنی ئیبراهیم عەزۆو هاوڕێکانی، پێشتریش دکتۆر شڤان و هاوڕیکانی، سڵیمان موعەینی و سەدان کارەسات و خیانەتی تر.

 

سیویەکی ئاب بەرهەمی شەری بەینی جەلالی ومەلایی، واتە پارتی ویەکێتی، شەڕەکەیش لەسەر پارەی ئیبراهیم خەلیل بوو کە پارتی دەستی بەسەردا گرتبو، نەک لەسەر نیشتیمان و داواکانی خەلک، ئەوپارەیە ڕۆژانە ئەچوە گیرفانی بنەماڵەی بارزانی و نە بەشی یەکێتی ئەدا نە خەڵک، یەکێتیش دەمی لیکی کردبوو بۆ ئەو هەموشینە دۆلارە، خۆ ئەم پارەیە،وەک ئێستا چۆن سامانی نیشتیمان و خەلک لە گیرفانی ئەواندایەو بۆخەلک نیە، ئەوکاتەیش بەیەکەوە بیان خواردایە"کە ماوەیەک خواردیان" یان بەتەنها، هەر بۆ خۆیان بوو، کەواتە شەڕەکە شەڕی خەڵک نەبو،خەڵک کەوتبوە بەینی ئاگری ئەمانە کەلەسەر پارە کوری خەڵکیان بە کوشتن ئەدا.

 

لەسەردەمی بەرەی کوردستانیەوە هەمو حیزبەکان سەرقاڵی ئاودیوکردنی هەمو ئەو کەرەسەو ئۆتۆمبێلە گەورەو بچوکانە بون،هەموئەمەیش دزی بوو بۆ گیرفانەکانی خۆیان، جگە لە ئەرزە داگیرکردن و کردنەوەی ڤێلاو خانوی گەورەو هتد،بەلام دیسان یەکێتی بەشی خۆیی لە پارەی برایم خەلیل ئەویست و پارتیش نەیەدایە، پەلاماری یەکێتی بۆ هەولێرو دەرکردنی پارتی بۆ پارە بوو.

 

هەرچی پارتیشە کە زانی یەکێتی خەریکە لە دهۆکی توند ئەکات، پەنای بە بەعس بردو بە ئۆردوی بەعس یەکێتی تەفرو تونا کردو تا سنورەکانی پێنجوین و سەیرانبەن چنگ لەسەرشان راوی نان.

 

دوای تەنها 39 ڕۆژ یەکێتی هێزە پەرەوازەکانی کۆکردەوەو تا دوکان سوپای پاسداران یارمەتیان دان، توانیان پارتی و هێزە فشەڵەکەی ئا ودیوبکەن، پارتی دوقاچی کردبو بە چوار قاچ بۆ ڕاکردن، ئەگەر ئەمریکا نەبایە لە ترسی نفوسی ئێران، ئەوا پارتی نەک لەهەولیر، لە دهۆکیش خۆی نەئەگرت، مەگەر ئەوەی یەکێتی خۆی وازی لێبهێنایە.

 

ئەوانەی کە لەوشەرەدا کوژراون چ یەکێتی و چ پارتی، خۆیان دوای سەرانی ئەم دوحیزبە کەوتون، کوژرانیان، مال کاولییان، تاوانی خۆیان بوەو زۆرن ئەوانەیش ئێستاش ئامادەن خۆیان بۆ ئەم سەرە دزانە بدەنە کوشت، کەواتە مشکیلەی خۆیانە،بۆچی ئێمە نەچوین ئەو شەڕە بکەین؟ چونکە شەڕی قازانجی دو باندی مافیایی"پارتی و یەکیتی" بوو.

 

من بۆیە ئەم ساڵ باسم نەکرد، سیو یەکی ئاب لە یەکێتی کراوە، ئەوەی کوژراوە زۆربەی هێزەکانی یەکێتین، کاتێ یەکێتی خۆی باسی ناکا، کاتێک سەرانی پارتی و یەکێتی لەم ڕۆژەدا بەیەکەوە دادەنیشن و شەریکە دزن، من بۆچی باسی بکەم؟ کاتێ یەکێتیە تەعدا لێکراوەکە خۆی قبوڵیەتی، ئێمە بۆ خۆمان هیلاک بکەین؟ خۆسیویەکی ئاب دەرهەق بە ئیمە نەکراوە، بەرامبەر یەکێتی کراوە، کاتێک ئەوان خۆیان بوونەتە پاشکۆی قارەمانەکانی سیو یەکی ئاب و قسە ناکەن، ئێمە هەقمان چیە؟ خۆ ئەمە مەنجەڵ لە کورە گەرمتر نیە.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure