ڕێكان شه‌ريف4/8/2018 414 جار بینراوە

جێگری سەرۆک وەزیرانیت و بڕوانامەت هەیە و کارت جانتا هەڵگرتنە!،بێگومان لات ئاساییە منیش کارێکی تر بکەم!

 

هەفتەی پێشوو لە تویتەری خۆی بە ڕێنوسێکی هەڵە کە پێوەی دیار بوو چرکەیەک لە قوتابخانەیەکی کوردستان نەیخوێندووە ئەنوسێت :" من خوێندکار بوومایە بێ گوێدانە بڕوانامەکەم ، ئەچووم بە دوای کارێکی تردا دەگەڕام " ، ئەم وتەیەی قوباد جەلال تاڵەبانی رەخنەی زۆر لێگیرا بەڵام لای من زۆر ئاسایی بوو لەبەر ئەوەی خۆی نمونەیەکی ئەو وتەیەیە و خۆی ئەو وتەیەی بە پراکتیزە کردووە.

ئەم وتەیە ئەیسەلمێنێت خوێندن و خوێندەواری لە داهاتوودا چەند زەلیل ئەکرێت بە دەست ئەم جیلە نوێیەی دەسەڵاتەوە، ڕەنگە ئاساییی بێت ئەو بەڕێزە ئەم جۆرە لێدوانانە بدات چونکە نەهامەتی خوێندکارێکی کوردی لە قوتابخانە و زانکۆکانی کوردستانی نەبینیووە ئەو هەر لە ئەمریکا و ئەوروپا خوێندنی کردووە، ئەو غەدرەی نەبینیووە یەکێک ۱٦ ساڵ ئەخوێنێت لەبەر ئەوەی سەر بۆ کەس دانانەوێنێت بێکارە.

مەترسیەکی تری لێدوانی ئەم جیلەی کوڕ و برازاکانی جیلی پێشوو ئەوەیە کە لە ڕووی دنیا بینی خۆیانەوە ئەیکەن و زۆر بڕوایان پێیەتی، زۆر کات قسە و لێدوانی مام و باوکیان زۆر ئیعتیباری نەبوو و لێیان نەئەگیرا چونکە زۆر کات بیانویان بۆ ئەهێنرایەوە خوێنەواریان نیە یان کلتوری خوێندنگا و زانکۆکانی ئێرەیان وەرگرتووە یان ماوەیەکی زۆری ژیانیان لە شاخ بەسەر بردووە کەمتر تێکەڵ بە ڕۆشنبیری دنیا بوون، بەڵام کوڕ و برازاکانیان لە باشترین زانکۆکانی جیهان و لە خۆشترین وڵاتەکانی جیهان خوێندن و ژیانیان کردووە ئەو لێدوان و کردارانەی ئەیکەن بڕوای تەواویان پێیەتی و لە ڕووی نەزانیەوە نیە.

لە کۆتایدا ئەڵێم مادەم تۆ بڕوانامەت هەیە و پۆستێکی باڵات هەیە لە حکومەتدا و پێت ئاساییە کارێکی تر بکەیت هیچ پەیوەندی بە بڕوانامە و پۆستەکەتەوە نیە کە جانتاهەڵگرتنە، منیش لام ئاساییە کارێکی تر بکەم پەیوەندی بە بڕوانامەکەمەوە نەبێت.

 

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure