ئارام ئەحمەد10/7/2018 2931 جار بینراوە

لە ئارام ئەحمەدەوە بۆ خانەوادەی ڕەوانشاد" مام جەلال"

 

بەندە وەک هەڵسوڕاوێکی یەدەکی بزوتنەوەی گۆران،بە ناوی خۆم و تەواوی هەڵسوراوانی بزوتنەوەی گۆرانەوە زۆر سوپاستان ئەکەم کە سالانێکە مانگانە لە دەمی خۆتانی ئەگرنەوە، لەو پارەی تەنکەرە نەوتانەی لە باشماخەوە ئاودیوو ئەبن و ئەوسامانەی خەلک کە لاتانە، 250 هەزارشینە دۆلارتان داوە بە بزوتنەوەکەمان.

 

ئەم چاکەیەی ئێوە هەرگیز فەرامۆش ناکەین وهیوادارم هەروا بەردەوام بێت،ئیوە وەک بنەمالە بەڕێزە لە گوڵ پاکترەکەتان ئەوەتان بۆ دنیا سەلماند، کە ئامادەن پارە بدەن بە بزوتنەوەیەکی ئۆپۆزسیۆن بۆ ڕوخاندنی خۆتان!.

 

ئێمە لە گردی زەرگەتەوەو ئێوەیش لە گردی دەباشانەوە هەمیشە برای یەک بووین و چل ساڵ هاوڕێیەتی هەردو ڕەوانشاد" مام جەلال و کاک نەوشیروان' شاهیدن کە ئێمە هەمیشە گیانێک بووین لە دوو جەستەدا.

 

هەموو ئەوانەیشی ئەم سالانە لە ناو بزوتنەوەکەمەندا دژایەتیان کردوون عەمبەروەریدیان خوارد بە هەردوو چنگ،ڕاستیەکەیشی ئەگەر قسەیەک بۆدز بکەین، ئەو خەلکە تاوانیان نیە، چۆن بیانزانیایە ئێوە لە ژێرەوە وەک بران،ئاخر خۆ قاوە گرەوە نین و چۆن بیانزانیایە هێندە دڵسۆزو بەخشندەن پارە ئەدەن بە بزوتنەوەکەمان، چۆن بیانزانیایە ئێوە ڕێکن و ئەوە هەڵسوڕاوان و لایەنگرانی گۆران و کادران وئەندامانی یەکێتین،خوا کەری کردون بۆتان و گەوجانە سوکایەتی بەیەک ئەکەن و یەک ئەشکێنن، ئێوەیش بەیەکەوە شەراب نۆش ئەکەن وبە دەم قریوەی پێکەنینەوە بە لایەنگرەکانتان پێئەکەنن.
ئەوەیش ئەزانم ئەگەر بەندە دە دیناری علوجی لێوەربگرتنایە،هەموو گۆرانەکان فەیسبوکیان فول ئەکرد لە جوێن و سوکایەتی و ئەیان وت خۆی فرۆشتووە، بەڵام لە مێژوە وتویانە پارە بۆ لای پارە ئەچێ و ئەوەیش شمولی ئێمەومانانی نەکردوەو ناکات.

دوێنێ لەگەڵ حەمە تۆفیق گفتوگۆم کردو بڕیارمان دا ئەو پێنچ ئەندام پەرلەمانەی قەرارە بیان نێرینە بەغدا بۆ گوخواردن، ئێوە پێنچ کادری خۆتان لە جێگایان بنێرن بۆ گوڵ خواردن، ئاخرجگە لەوەی هەردولامان برای یەکین و بەشە پارەی خۆمان وەرئەگرین، هەرچی بێت گوڵ خواردن لە گو خواردن باشترە.

 

سلاوم بگەیەنن بە مەلا بەختیاری پۆست مۆدێرن، کە ئێمەی هەڵسوراوانی پۆست گوێدرێژ، دڵی لە پەرەی گوڵ ناسکتریمان ڕوشاندووە، لەم سالانەی رابردودا.

 

ئیشەڵا ئەم گەرمایە ڕۆیشت و هەر کە گەلاوێژ کەوت، بەندەیش ئەگەڕێمەوە سلیمانی و یەکەم کارم سەردانی گۆڕی ڕەوانشاد مام جەلال ئەبێت.

 

ئارام ئەحمەد
هەڵسوراوی یەدەکی بزوتنەوەی گۆران


09/07/2018

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure