کاوسین بابەکر27/6/2018 225 جار بینراوە

سیاسەتی ترەمپ لەنێوان گاڵتەو ڕاستیدا

 

لەوەتەی ترەمپ هاتۆتە سەر حوکم،سیاسەتەکانی ئەمریکای تووشی تەم ومژ کردووە،یان ڕاستر بڵێم کەس نازانێ کام بڕیارەیان ڕاستەو کامەیان هەر بۆ خەرجی ڕۆژ وهەر بەهەوەنتە فڕیدراوە،دیتمان ترەمپ لەقسە کانیدا پیداگری لەمانەوە لەسوریا دەکرد،دواتر لەناکاوو زۆر بەپەلە بڕیاری پاشەکشەی دا،دواتر جارێکی تر پەشیمان بۆوەو ووردەووردە بێدەنگەی لێکرد،لەعەفرین چاوی لەداگیرکاری تورکیا وئەو هەموو زۆرداری وپێشێلکاریە پۆشی بەرانبەر بەکورد ویەپەگەوهەسەدەوئێستاش دەرگای مەنبەجی بۆ واڵادەکات وبە هەسەدەی دۆستی ووتووە بۆیان چۆڵکە!لەولاشەوە بەردەوام چەک وجبەخانە دەخاتە بەردەست هەسەدەو یەپەگەو وهەڕەشەش لە ئەسەدی سەرۆکی سوریا دەکات ئەگەر بێت وهێرشیان بکاتە سەر بێدەنگ نابێ!


ئەم سیاسەتە شل وتوندەی ئەمریکا لەناوچەکە عێراقیشی گرتۆتەوە لەوەی پشتی کوردی نەگرت لەهێرشی بەغدا بۆسەر کەرکوک ویاری ئێرانیەکان لەوکاتەداودوای شەڕەکەش بەردەوام باسی پشتیوانی لەهەرێمێکی بەهێزدەکات و لەپێکهێنانی حکومەتی نوێی بەغداش زۆر بەتوندی هاتۆتە سەر خەت بۆ دوور خستنەوەی دۆستانی ئێران،نەرمی نواندن بۆ تورکیاوشل وتوندەلەگەل کورد،دەری دەخات ئەمریکا یاریەکی گەورەترو ئامانجێکی گرنگتری لەناچەکە هەیە ئەویش بچوک کردنەوەی ئێرانە.


هەڵوەشاندنەوەی ڕێککەوتنامەی ئەتۆمی هەنگاوی یەکەمی ئەو یاریە بوو،هەربۆیەش تورکیا ی ئەندامی ناتۆ گرنگە بێتە ناویاریەکەو لەولاشەوە جڵەوی ئیسرائیل کەڕەنگە نەخشی سەرەکی هەبێ لەم یاریەدا شلکردووەو کوردیش کەخاکەکەی مەیدانی یاریەکە دەبێ،لانیکەم هەوڵی پاراستنیان دەدا بەڵام لەسنورێکی زۆر تەسکدا،ئەگەر کۆتایی یاریەکەش بەدڵی ئەمریکابوو ڕەنگە لەکێکەکە بەشی کوردیش بدرێ،بۆیە ترەمپ گاڵتەکانیشی دیوێکی تری ڕاستیەکەیە،ئەگەر لەگەل کۆریا لەم ڕێکەوتنەدا سەرکەوتوبێ،بەتەواوی مەیدانی یاریەکەی لەگەڵ ئێران بۆ واڵادەبێ ونەک دەستی خۆی دەیان دەستی تریشی بۆ بەتاڵ دەبن ورەنگە کۆتایی یاریەکەش ئاگری جەنگێک بێ کەس نازانێ ماڵی کێ دەسوتێنێ و کەسیش بەئاسانی براوەی پێ دیاری نەکرێ،روسیا ئاماژەکانی ئەم جەنگە دەبینێ بۆیە ئێرانیەکانی ئاگادار کردووە کە خواروی سوریا بەجێبهێڵن.لەکۆتایی هەموو جەنگێکیشدا کورد قوربانی بووە،پێش ناچێ بەبێ جەنگ لەم قوربانی بوونە دەرچێ،ئاواتی جەنگ ناخوازم بەڵام ئێمەهەر لەجەنگداین وهەر قوربانین،ئەگەر جەنگێک کۆتایی بەم جەنگە بەردەوامەی کورد بێنێ،رەنگە ناوچەکە بخاتە ئارامیەوە،ئەوەش ئاواتی سەرجەم نەتەوەو پێکهاتەکانی ناوچەکەیە.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure