به‌كر صدیق9/5/2018 547 جار بینراوە

یەكێتی و پارتی یەكدەگرن وەڵامێك بۆ عزەت سابیر و فرسەت سۆفی و گەورەكانیان

لەسەرو بەندی كۆتایی هەلمەتی هەلبژاردنەكان ، فرسەت سۆفی و عزەت سابیر بەجوتە ، بە شێوەیەكی چەواشەكارانە ، داتاو زانیاریەكان ،ئاراستەدەكەن ، بۆئەوەی وەك سالانی رابوردو بە گەوجاندنی رای گشتی دەرفەتی ساختەكاری برەخسێنن و وەك جاران ، بواری شەراكەت و برابەشی و خزم خزمێنەی ئەو دو حیزبە ، برەخسێتەوە . لە م نوسینەدا خوێنەر ماندو ناكەین بە خستنەروی ژمارەو داتاو ئینجازاتە گەورەكانی دكتۆر بەرهەم لە هەردو كابینەكەی سایمانی و كابینەی شەشی بەناو یەكگرتوی هەولێر ، بەلكو بۆ ئەو دوو جوت پەرلەمانتارە ، ئەم وەلامانەمان هەیە كە دەنگدەر دەكەینە حەكەم :

 

1-كاتێك دكتۆر بەرهەم و هاودیدان ومیدیای هاو پەیمانی ، باس لەو كارو خزمەتگوزاریە گەورانە دەكەن كە لە دەورانی بەرپرسیارێتی دكتۆردا ، لە كابینەكەی سلیمانی و لە حكومەتی ئیتیحادی و كابینەی شەشدا پێشكەشی خەلكی كردوە ، لە گیرفانی خەلك و لە خانوەكانی لادی و شارەكانی كوردستان و لە هاوسەرگیری گەنجان و تواناسازی خوێندكارنی كوردستان و قەرزی بچوكی گەنجانی بێكاردا ، تۆمارن .بەلام پێش هەلبژاردنەكان یەكێتی و پارتی و بەدیاری كراوی مالباتی دەسترۆیشتوی پاوانكاری یەكێتی ، سودیان لە قینی مەلا بەختیار بینی و دنەیاندا ، كە شكستی حوكمی جوت حیزب و خزمە سولتانیەكان ، بخاتە ئەستۆی كابینەی شەش بۆ ئەوەی رای گشتی بگەوجێنێ ، بەلام كە لە وەلامی ئەم پیلانە دا راستیەكان خرانە روو ، ئەم گروپە بەجوتە ، توشی شلە ژانێكی دەرونی گەورە هاتن .

 

2-ئەو سەرو بەندەی كەدكتۆر بەرهەم دەزانێ بواری ئەوە نەماوە ، یەكێتی بەكەلكی ئەوەبێت ، ئەو بەرنامەی خەونی پێوە دەبینێ بۆ چاككردنی سیستمی حوكمرانی و رێگرتن لە دابەشكاری داهات و دەسەلات و پاوەر ، و چاككردنی گوزەرانی مامۆستاو فەرمانبەرو گێرانەوەی پارەی بە هەدەردراوو ، شاردراوەی ، ولاتەكەمان ، تاوی دایە بەر دروستكردنی قەوارەی هاو پەیمانی و ، یەكێتی بۆ ئەو گروپە جێهێشت كە خەریكی كۆكردنەوەی پارەو بە خزمكردنی ئەو حیزبەن . ئەگەرچی لە ترسی دۆرانیان ، هەم پێشتر لە گەرمەی ململانێكانی ناو یەكێتیدا ، مەلا بەختیار بە دكتۆر بەرهەم دەڵی من تۆ بە مسئولی خۆم دەزانم و وەرە سكرتێری یەكێتی بە و لە چارەكی یەكەمی پێش هەڵبژاردنەكانیشدا ، گروپی دەسترۆیشتوی خیزانی بالادەست لە ناو یەكێتیدا ، دكتۆر بەرهەم داوەت دەكەن و هەموو بژاردەیەكی لە پۆستە حیزبی یەكان بەسكرتیری یەكێتی و سەرۆكایەتی كۆماری عیراقیشەوە دەخەنە بەر دەستی ، بەلام دكتۆر بەرهەم هەمو ئەم پرسە كەسیانە رەت دەكاتەوە .

 

3-كاتێك ، دەسەلاتی جوت حیزب و خزم هەست دەكەن ، هێرش بۆ سەر دكتۆر بەرهەم دێنن ، لە رێگەی بێ بایەخكردنی هەموو خزمەتگوزاریە ژیاریەكانی كابینەی شەش و بەهۆكاردانانی ئەو كابینەیە بە قەیرانە دروستكراوەكانی كابینەی حەوت و هەشت و ئەم هەژاربونەی خەلك و زەلیلبونی پێگەو دەسەلاتی هەریم لە بەرامبەر بەغداو ولاتانی دەرو دراوسێدا ، هەردوو لا هێرشەكانیان بۆ سەر حیزبەكانی تر رادەگرن و ، لە میدیاو سیاسەتیاندا دەكەونە هەلەكە سەما بۆ نەیارەكانی دوێنێیان و هەموو تەركیزیان دەخەنە سەر وەصفێكی هەڵگەراوە بۆ كابینەی شەش بەم جۆرە :

 

أ-لە كۆرو سیمینارە ، چەند كەسیەكانی مەلا بەختیارو لە كۆبونەوەكانی قوباد تالەبانی لە هۆلە حیزبیەكاندا لەگەل هیزەكانی پێشمەرگەو هیزەئەمنیەكان لە بەرگی مەدەنیدا ، لە بەشی یەكەمی ئەو چالاكیانەیاندا ، دەیان ووت دكتۆر بەرهەم هیچی نەكردوە ، كەچی لەم ئاخرو ئۆخرەدا ، دەڵین زۆر شت كراوە بەلام هەم بە یاسا كراوە هەم كابینەكانی پێش و پاش كابینەی شەش كردویەتی و لە پیلانی میدیایی یەكەم پەشیمان دەبنەوە .

 

ب-عیزەت سابیر دێننە سەر شاشەو بەلاسایی كردنەوەی علی حەمەصالح ، عیزەت سابیر ، ئەو داتایانە دەخاتە روو كە پێشتر و لە سەردەمی هەلبژاردنەكانی 2014 دا خۆی بە مەدح و سەناوە دەیكردنە دەستكەوت و پاساوی رەت دانەوەی علی حەمەصالح . بەلام ئەمجارە بۆ شاردنەوەی ئەو درەختە خێزانیەی كە دەستیان بەسەر یەكێتی و سامانەكەیدا گرتوە بشارێتەوە ،دێت ئەو داتایانە دەخاتە رو كە خۆیان پێی تۆمەتبارن ، بەنمونە كە باس لە موچەی ئەوانەدەكات كە ئیستا هاودیدی هاو پەیمانین هەمووئەوانەی لە پاشماوەی یەكێتیدا ماون ، هەمان موچەدارو هەورازترن و بە ئیمزای مەلا بەختیاریش زۆری تر پلە دارو موچەدار كراون و ئەم پاشماوە لە یەكێتی گروپێكە لە لە شكرێك موچە خۆر بە ئیمتیاز .

 

ج-لە كۆبونەوفراوانەكەی پارتیدا لە سلیمانی ، كاتێك تانە لە كابینەی شەش درا ، هیچ رنگدانەوەو متمانەیەكی بەو گوتارەی پارتی لە ناو خەڵكدا دروست نەكرد ، فرسەت سۆفی لە شیكردنەوەیەكی نامەدروسدا ، شەرحی یاسای بودجەو سەر گوزشتەی یاسامان بۆ دەكات ، تاوەك پاساوێك مۆركی خزمەتگوزاریە گەورەكانی دكتۆر بەرهەم لە دەورانی حوكمی ئیدارەی خۆیدا ، لە و پیاوە دا بمالێ و یاسای بودجە بكاتە خاوەنی ئەو دەستكەوتانە . لە كاتێكدا دوسالی كابینەی شەش ئەم هەموو خزمەتانە دەگەیەنێتە خەڵك ، كەچی حیزبەكەی فرسەت سۆفی بە حەڤدەسال حوكمرانی ، جگە لە ستەمی پاشەكەوتی موچەو ، لە دەستدانی نیوەی خاكی كوردستان و بە فیرۆدانی قوربانیەكانی شەری داعش و كوشتن و شەقتێهەلدانی خۆپیشاندەران هیچی تری لێ شین نەبوو .

 

4-عیزەت سابیرو فرسەت سۆفی و كمال كەركوكی و مەلا بەختیار ، دژی جنابی مام جلال دەوەستن كاتێك دەیانەوێ ئینجازاتی دكتۆر بەرهەم رەتبكەنەوە چونكە جەنابی مام جەلال ، لە چەندان بۆ نەدا مەدحی كابینەكەی دكتۆر بەرهەمی كردوە و دیكومینتەكان لای ئێمەو لای عیزەت سابیر و فرسەت سۆفیش عەیانن .

 

5-لەهەمووی ناشیرنتر بۆ عیزەت سابیرو فرسەت سۆفی و مەلا بەختیارو هاو قینەكانیان ، ئەوەیە كە باسكردن لە كاری گەندەلی هەر بەر پرسێك لە هەلمەتی هەلبژاردندا ، بەرپرسیارێتی و گەندەلیەكە بۆ ئەوان دەگەرێتەوە لە بەر ئەم هۆكارە یاساییانەی خوارەوە كە تەحەدایان دەكەم پێچەوانەی ئەم پاساوانەبسەلمێنن كە بریتین لەمانەی خوارەوە :-

 

أ-هەر كاتێك پرسێكی گەندەلی هەبوو ، هەم دەسەلاتی جێبەجێكردن هەلدەستی بەروبەروو بونەوە و قەلاچۆكردنی لە رێگەی چاودێری دەسەلاتی ئیدارەو حكومەتەوە ، كە بریتیە لە راگرتنی هەموو تەصەروفاتێكی ئیداری و دارایی كە بواری ئەو جۆرە لە گەندەلی دەرەخسێنێ . بۆ یە ئەگەر حیزبەكانی عیزەت سابیر و فرسەت سۆفی و مەلا بەختیار پێیان وایە جامیعەی امریكی و پاركی شار گەندەلین بۆ دكتۆر بەرهەم ، ئەدی بۆ حكومەتەكان و كابینەكانی عیزەت سابیر و فرسەت سۆفی و مەلا بەختیار ئەو دۆ پرۆژە هەلناوەشێننەوە یان رێكاری ئیداری و مالی ناگرنە بەر ، خۆ ئەو كارە ترسناكتر نیە لە كوشتن و تێهەلدانی خۆپیشاندەران . تومەزم لە لایەك دەزانن بوختانە ، لە لایەكی ترشەوە ، ئەگەر ئەو كەیسانە بجولێنن ، ئەوا دەبێ بە هەموو ئەو ئاپارتمان و كۆمپانیاو لقەبانكیەكانیان و هەموو ئەو پرۆژەزەبەلاحانەی سەرچاوەی داهاتی مالباتەكانن بكەنە بەر رەحمەتی لە هەللادانەوە . بۆیە لە سێبەری ئەم پاوانكاری و چەواشەكاری و حوكمی فیرعەونیانەی ئەم گروپە سولتانیەدا ، تەنها بۆ شێواندنی رای گشتی ، خەلكی پێ ئیزعاج دەكەن .

 

ب-ئەگەر دەسەلاتی تەنفیژی بەم ئەركە لە روبەرو بونەوەی گەندەلیدا هەلنەستی ، ئەوا دادگاكان و دەسەلاتی دادوەریی بەرپرسە لە جولاندنی كەیسەكانی گەندەلی ، لەرێگەی داواكاری گشتیەوە ، بەلام لەبەر ئەوەی كەیسەكانی گەندەلی لە بوارەكانی نەوتەوە تا دەگاتە بوارەكانی داگیركردنی مولكی گشتی و بەهەدەردانی سامانی گشتی و هتد ، بۆ خاوەن نفوزەكانی گروپی پاوانكاری حیزب و خزم دەگەرێتەوە ، وە دەسەلاتی دادوەری و داواكاری گشتی توانای ئەویان نیە رێگەلەو گەندەلیانە بگرن ، چونكە حیزب خاوەنی هەمو دامەزراوەكانی دەسەلاتەو دەسەلاتی دادوەری و داواكاری گشتی لە هەرێمدا ، بۆیە دەسەلاتی داوەری و داواكاری گشتی ، دەستەوستانن لەرێگری و قەلاچوكردنی ئەو بوارانەی گەندەلێ .چونكە نە دەسەلاتی دادگا نەداواكاری گشتی سەر بەخۆیە . دەنا ئەگەر ئەو دوو دەسەلاتە سەر بەخۆبن و حیزبە حاكمەكان و خزمەكان ، لە سەروی ئەوانەوە نەبن ، ئەوا بابەتی هەلمەتی هەلبژاردنەكانی ئەم گەلەی ئێمە ، ئەم كەیسانە نەدەبون ، لەبەر ئەوەی لە سێبەری سەربەخۆییدەسەلاتی دادوەری و حوكمی قانوندا ، هەم كەیسەكانی گەندەلی بەحوكمی قانون بۆ بەردەم داگاكان لە لایەن داواكاری گشتیەوە دەجولێنرین و هەم دادگاكانیش حوكمیان بۆ دەردەكەن ، بەو حوكمەی بریارە دادوەریەكان رەگەزی سزایان تێدایە . هەموو كەیسێكی گەندەلی ساغ دەبێتەوە و ناگاتە ئەو جێیەی بكرێنە مادەی میدیایی و هەلمەتی و بانگەشەی هەلبژاردنەكان .

 

ج-كاتێك راگەیندنەكان و پارتەموعارەزەكان كەیسەكانی گەندەلی ئیسارە دەكەن ، یان ئەوەتا ، بۆ ئەوەیە رای گشتی دروست بكەن بۆ ئەوەی حكومەت ، بەئەركی خۆی هەلسێ یان داواكاری گشتی بیانجولێَنن ، ئەگەر دەسەلاتی دادوەریش رۆلی لاواز، نەبوبێ ، ئەوا تەنها رای گشتی لە دژی دەسەلات ، پێ بەهێزدەكەن ، ئەمەش بە شێكە لە چاودێری سیاسی . بەلام كاتی حیزبە دەسەلاتدارەكان تۆمەتی گەندەلی بخەنە پال كەسان و حیزبە نەیارەكانی دەسەلاتەوە ، ئەوە تەنها ئەو مانا یاساییە دەدات بە دەستەوە ، كە هەم ئەو كەیسانە دروستكراوو بوختانن ،هەم نیشانەی ئەوەیە ئەو دەسەلات و ئەو جۆرە لە سیستمی حوكم ، ئەو پەڕی نا قانونی و نادادپەروەرییە و ، ئەوپەڕی پاوانكارو داپلۆسێنەرە .

 

6-دوا پاساو بۆ عیزەت سابیرو فرسەت سۆفی و گەورەكانیان ، ئەوەیە كە هەردوكیان ، یەك ئامانجیان هەیە ئەویش ئەوەیە كە ئەو چانسە لە كیسی خەلك بدەن كە بۆیان دروستبوە تا لە دەستی نادادی ئەم گروپە لە حیزب و خزم قوتاریان بێت و هەردو ك حیزبەكە درێژەبەشەراكەتی نەوتی و مالی خۆیان بدەن . دەنا ئەگەر ئەوانە راست دەكەن ، با لە ئێستاوە هەموو ئەوانەی یەكێتی پارتی و لایەنەكانی ئۆپۆزسیۆن و خەلكی بێلایەن ، بە كەیس گەندەلی دەزانن ، بابیاندەینە دەستی دادگاكان و داواكاری گشتی بە زەمانەتێكی عیراقی و نێو دەولەتی ، بۆ ئەوەی لەو رێگەیەوە ، كەیسەكانی گەندەلی یەكلایی بكرێنەوە ، ئەو كاتە ، هەموو لایەك ناچاردەكرێن داتاو دفوعات و بەلگەكانیان بخەنە بەردەم دادگاكان و دادگا ساغی دەكاتەوە گەندەلی هەیە یان نا وە ئایا سامان و مولك ومالی گشتی بە هەدەر دراوە یان نا ؟ دەنا بە پێچەوانەوە ئیسارەكردنی ئەو بابەتانە لە لایەن گروپی دەسەلاتەوە لە ماوەی هەلمەتی هەلبژاردنەكان ، نیشانەی نیەتێكی ترسناكەو تیرۆری میدیایی دەگەیەنێ چونكە داتاو زانیاریەكان بۆ ئیسپاتی هەر مەلەفێكی گەندەلی ، ئەگەر لە میدیاكانیشەوە بێت ، دواجار دەبێ بخرێنە بەر دەم دادگا بە زەمانەتی دەسەلاتی سەر بەخۆی ئەو دەسەلاتەوە . بۆیە با عیزەت سابیرو فرسەت سۆفی بفەرمون هەموو كەیسەكانی گەندەلی بواری خستنەرویان لە بەر دەم دادگادا بۆ برەخسێ و هەمومان مەمنونیانین ، دەنا بابێدەنگ بن چیتر زاتی بوختانی سیاسی نەكەن بۆ كەسێك كە تاكە ئومێدی گەلێكی هەژاری سەردەمە لە چنگ گروپێكی ، پاوانكاری حیزب و خزم لە كوردستاندا .ئیتر بەسە چەواشەو بوختان و درۆ كاكە عیزت و كاك فرسەت .

 

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure