محه‌مه‌د غه‌زالی10/2/2018 513 جار بینراوە

(پاس ئامادەیە بۆ ئەو باشورییانەی کە دەیانەوێ تەڤلی بەرخۆدانی ڕۆژئاوا ببن....!)

 

حزبان ئەگەر وەسیلە بن بۆ هێنانەدی ئامانجی نەتەوەیی و نیشتیمانی، دەبێ کورد تاماوە سواڵی حزبێکی دەسەڵاتدار بکات، تا بیکاتە ئامرازێک بۆ گەیشتن بەو ئامانجانە...! هەنگاو دوای هەنگاو لە ئێستا دەیسەلمێنن کە کەوتونوتە چ پوچگەرایێک...! ئەمان ڕازی نیین بەوەی تەنیا خۆیان لە دەریای حەماقەتی خۆیان مەلە بکەن، بەڵکو دەیانەوێ تاک بە تاکی خەڵکی باشور پەلکێش بکەن....!! تۆ سەیری لە نوێترین پێشهات، دیسان دەسەڵاتدارەکان، ئەوانەی تەنیا بۆ من و تۆ دەسەڵاتدارن و هانگاوێک دوورکەونەوە لە سنور، کەس ناڵێت ماڵتان لەکوێ...؟ ئەمانە دیسان دەبنەوە سپۆنسەری، بەرهەمهێنانی بیری نیشتیمانی و نەتەوەیی کوێرانە....!!

(پاس ئامادەیە بۆ ئەو باشورییانەی کە دەیانەوێ تەڤلی بەرخۆدانی ڕۆژئاوا ببن....!)

 

جارێ پێش هەموو شتێک لە پێش و دوای ڕێفراندۆم ـ یش، خەڵکی باشور ئەزموونییان کرد کە لینکەکانی بازرگانی و ئابووری تورکیا و هەرێم هێندە زۆر و پێویستن نەک ناتوانیین، بەڵکو لە ژەمی بەیانی تا سەری مانگ خواردنی تورکی لێدەرکە، بەدخۆراکی لەباشور بڵاودەبێتەوە، جل و بەرگی تورکی بایکۆت بکە، تا سەری ساڵ خەڵکێکی زۆر دەبینی بە ڕووتی........ و زۆر شتی تر
نەخوێندنەوەی ئەم حەقیقەتانە و بەکەم سەیرکدنی بەرانبەر و سواربوون لە ئەسپە کوێری نیشتیمانی، خەڵکی باشوری گەیاندە قۆناغێک، کە پێی دەگوتڕێ قۆناغی دوای ڕێفراندۆم.....!!! چ پێویست دەکات تۆ ئەمڕۆ بچیتە هاوکێشەیەک کە تا دوێنێ بە(خەندەق و داڵدەدانی گرووپەکانی دژ بە خۆسەری و دانانی باج لەسەر سنور و...هتد)...! ئەمڕۆ ١٨٠ پلەی پێچەوانە، بە بەرچاوی تورکیا و مێدیاکان، بانگەشەی گواستنەوەی خۆبەخش بکەیت بۆ عەفرین... !!!


ئەگەر بۆ سواڵی دەنگە...! فەرموون دەیاها وەسیلەی دیکە هەیە. ئەگەر خۆ فەرزکردنە بە هەبوونی ئینتیمای نەتەوەیی و نیشتیمانی.! فەرموون ئەوە سەدەها کەیسی غەدر و خیانەت هەڵیدەنەوە.....!!! ئێوە کە ڕوبعە مووچەی پێشمەرگەتان پێ نەدرێت، چیتان داوە لەم خەڵکە هەژارەی ٢٧ساڵە دەیگەوجێنن..؟ چ پێویست دەکا خەڵکی بەشمەینەتی باشور بکەیتە (X و Y) لەناو هاوکێشەی شەڕی (تورکیا و ڕۆژئاوا)، ئەویش بە ئاشکرا و بە ڕۆژی ڕوناک...! بێویژدانی بە هەستی ئەم میللەتە بێچارەیە بکەن و وایان لێبکەن تا ماون بەدواتانەوەبن.....!؟ ئەرێ ئەمانە هەر لە وجوددا ئاوا پاڵەوانن..؟یان تۆ بڵێ پێشە پرسە نەکرابێت، بۆ ئەنجامدانی بانگەشەی لەمجۆرە....؟!

 

خەڵکی باشور دەبێ بزانن کە:


١ـ پێگەی کورد لەڕێی ئەم جۆرە حوکمڕانییە خێڵەکییە هەتا دێت لاوازتر دەبێت، هێندە لاوازین ناتوانیین تەنانەت وەک دامەزراوە و حکومەت بۆ عەفرین ببینە سەرباز، کردنیشی خۆ کوژی و خەڵکوژییە، ئەگەر بەجدی بیکەین زیانی زیاترە، دەبێ خەڵک و حزبەکانی باشور فشارەکانییان تەنیا شارستانی و مەدەنی بن، هاوکارییە سەریازییەکانیش ئەگەر هەبن نهێنی بن). هەر حزب و گروپێکیش بە ئاشکرا ئەمە بکات حەتمەن بۆ موزایەدە و پێشتر پرسی بە ئاغاکەی کردووە...!!



٢ـ (نیشتیمان و نەتەوە) لە زهنی حزبانی دەسەڵاتداری باشور بوونەتە کاڵا: )سنەوبەرێک، نەمامێک، شۆستەیەک، لیترێک ئاو، چڵێک زەیتوون... )بچێنرێت ئەمان دێن (تغلیف)ی دەکەن بە نیشتیمانپەروەری، قەڵەمە کرێگرتەکانیشییان ڕانک و چۆغەیەکی نەتەوەیی بۆ دروست دەکەن و ئەینێرنە سەرچۆپی...! ئەرێ ئەوە چ حەماقەتێکە..؟ وێڕای یاریکردن بە چارەنوسی ملیۆنان کوردی باشور، ئەمڕۆ لە کاتی عەتفدا بێی غەدرێکی دی لە هەستی بکەیت و خۆت وێنا بکەیت بەوەی تۆ دەتوانی شتێک بکەی...؟کە ناتوانی هیچ بکەی. ئەگەر حکومەت و حزبانی دەسەڵاتداری باشور بە ئاشکرا خەڵک تەڤلی بەرخۆدانی عەفرین بکەن و لەو مەسەلەیە جدی بن، تۆبڵێی تورکیا دەستەوەستان بێت...؟! یان دیسان مەسەلەی سندوقەکان نزیک بۆتەوە، یان ئەوەتا کەس نایەوێ خشەی لێوە بێت........!!؟

 

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure