كارزان صه‌باح30/1/2018 441 جار بینراوە

ڕۆژئاوا وەک ئاوێنەی ئەتاتورکیزم....

گرێدانی پەلاماری وەحشیانەی دەوڵەتی شۆڤێنی تورکیا بۆسەر عەفرین بەسایکۆلۆژیایی ئەردوگانەوە،بەهەڵەیەکی فیکری گەورە دەبینم ،لەبەر ئەوەی دواجار ئێمە دەبێت بگەڕێینەوە بۆئەو ئەفسانەو ئیدۆلۆژیایەیی کەدەوڵەتی هاوچەرخی تورکیایی لە سەر دامەزراوە ئەویش ئایدۆلۆژیایی ئەتاتورکیزم ە . ئەتاتورکیزم وەک ئایدۆلۆژیایەکی شۆفێنی بونی خۆی لە سەر ئەساسی چەپاندنی شوناس و کەینونەی نەتەوەیەک بونیاد ناوە کەئەویش نەتەوەی کوردە ،بێگومان ئەردوگان سەرەڕایی شوناسە دینییە ئیخوانییەکەی، لە پەیوەست بە ماف و قەزێی کوردەوە بە قوڵی هەڵگری مۆراڵی ئەتاتورکیزمە،ئۆردوگان ئەتاتورکێکە لە پۆشاکێکی دینیدا ،ئۆردوگان پاڵەوانی پاراستن و بەرگری کردنە لە ئایدۆلۆژیایی ئەتاتورکیزم ئایدۆلۆژیایەک وجودی تورک بوونی بەمانا شۆڤێنییەکەی ڕاگرتووە،بۆیە هەموو هەوڵێک بۆلەرزاندنی پایەکانی ئەم ئیدۆلۆژیاییە ،وەک مەترسییەکی گەورە وێنادەکرێت کەهەڕەشە لە ماناکانی تورک بوون دەکات،ئەمەش هۆکاری ئەو پاڵپشتییە گەورەیەی ڕای گشتی تورکیایە بۆ سیاسەتە بەربەرییەکانی ئۆردوگان بەرامبەر بە کوردانی باکورو ڕۆ ژئاواو دەستدریژییەکانی بۆسەر ئەفرین.چونکە ئەتاتورکیزم وەک بەهاو جۆریک لە ڕوانینی شۆڤێنی بۆتە بەشێکی بنەڕەتی و پێکهێن لە پێکهێنانی ڕوحی و زیهنی و ساێکۆلۆژی ئینسانی تورک ،هەر بۆیەش لە تورکیادا تۆ هەتاوەکو شۆڤیانەتر ئینکاری ئیرادە و وجودی کورد بکەیت ،زیاتر دە توانی کەسپی ڕای شە قام بکەیت،چونکە شێوازی ئیشکردنی pkk ئەوجیهان بینییە فەلسەفی و سیاسییەی ئۆجلان بەرهەمی هێناوە مۆدێلیکی تر لە کۆمەڵگاو ئینسان وحوکمڕانی کلتوری پێکەوەبوون پێشنیار دە کات کە لە بناغەوە پایەکانی ئیدۆلۆژیایی ئەتاتورکیزم هەڵدە وە شێنێتەوە ،ئێستاش که جیهانبینی ئۆجەلان لەڕۆژئاوادا خۆی مانیفیست دەکات شۆفێنیزمی تورکی بەتەواوی توشی هیستریاو فۆبیای ڕوو بە ڕوو بونەوەی مەرگ و لێک هەڵوەشان بۆتەوە،چونکە وەک شارەزایانی فیکری ئۆجەلان باسی دە کەن جیهان بینی و بیرکردنەوەی فەلسەفی وسیاسی ئۆجەلان لە پەیوەندییەکی پەیدەرپەیدا بە ئایدۆلۆژیای ئەتاتورکیزمەوە بەرهەم هاتووە ئاپۆ بە قوڵی هەوڵی داوە ئایدۆلۆژیای ئەتاتورکیزم بناسێت و شەنوکەوی بکات ئەمەش لە پێناوی ئەوەی جیهانبینی و کلتوری پەروەردەیی مرۆڤی کورد لە ژەهرەکانی شۆفێنزمی قەومی دەرباز بکات ، ئەمەش خاڵی جیاکەرەوەی pkk یە لە یەکێتی و پارتی چونکە شەڕی pkk لە گەڵ دەوڵەتی هاوچەرخی تورکیادا پێش هەمووشتێک شەڕی جیهان بینی ومۆڕاڵە واتە جیهان بینی ئۆجەلان بەرمەبنای ئاڵانگارییەکی ئەخلاقی و فیکری ئایدۆ لۆژیای ئەتاتورکیزم لە دایک بووە ،هەربۆیەش کاتێک ئەم جیهان بینییە لە ڕۆژئاوا لە ڕووی سیاسییەوەخۆی مانفیست دە کات بەتەوای لە ئاستی بەڕێوەبردنی کۆمەڵگاو
شێوازی ئینسجامی کۆمەڵایەتی و سیاسی ومامە ڵە کردن لە گەڵ پێکهاتە ئتنیکی و کلتوریەکاندا بە تەواوی جیاوازە لە مۆدیلە سیاسییەکەی ئەتاتورکیزم .بەڵام چونکە لای خۆمان شەڕی بزوتنەوەی سیاسی کوردی لە گەڵ شۆڤێنزمی عەرەبی و بەعسیدا بە تەنهاشەڕێکی سیاسی ڕووت بوو، وە بەرمەبنای هیچ جۆرە جیهانبینییەکی فەلسەفی و فکری نەبوو ،بۆیە لە یەکەم ئمتحانیدا بەپەڕو باڵەوە کەوتە نێوتەڵەکانی کلتورو ئایدۆلۆژیایی بەعسیزمەوە....

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure