سوارە سەدووبیستی15/1/2018 393 جار بینراوە

ئایە ئێمە تاچەندە تام و چێژی ماڤە بنەڕەتییە یەکسانی مان کردووە

بنەڕەتێکی یاسایی و سیاسییە کە دەبێ بەو پێیە، لە هەموو کاروبارێکی کۆمەڵایەتیدا هەموو کەس بە یەک چاو تەمەشا بکرێ، بێجگە لەوەی بۆ کردەوەیەکی دیاریکراو دەرهەق بە هەندێ کەس یان گرووپ بەڵگەی تایبەت بە دەستەوە بێت.

 

ئەم پرەنسیپە لەسەر ئەم گریمانە ڕاوەستاوە کە تەواوی خەڵک لە بابەت "مافی سروشتی" پێکەوە یەکسانن. ئەم بۆچوونە هۆی نالێکچوویی زەینی و جەستەیی نێوان خەڵک ئەگەڕێنێتەوە بۆ "بەروبوومی کۆمەڵایەتی" و "نایەکسانی دەرفەتەکان".

 

لە لایەکی ترەوە دژبەرانی یەکسانی، لەسەر ئەم باوەڕەن کە نالێکچوویی کەسەکان تا ڕادەیەکی زۆر زاتییە و تەکوزی و هایراکی کۆمەڵایەتی بە پێی ئەم دۆخە دروست ئەبێ.

 

بنەڕەتی یەکسانی زۆرتر ڕواڵەتێکی ئەخلاقی و مرۆڤ دۆستانەی هەیە و کەمترین خواستەکەشی ئەوەیە کە ئەبێ هەمووی خەڵک لە هەندێ مافی سەرەکی هاوبەش و دابینکردنی پێداویستییەکانیان بە یەکسان بەهرەوەر بن. بەڵام ڕادەی ئەم مافانە نادیارە و هەرچی خەباتی یەکسان خوازانەش بەربڵاوتر ئەبێت، ئەوانیش زیاتر دەبن.

 

مەسەلەیەکی تر پێوەندی نێوان یەکسانییەکانە، چونکە هەرکام لەوانە خۆبەخۆ یەکسانییەکانی تر لە خۆ ناگرن.

 

لانیکەم ۳۰۰ ساڵە ململانێی سیاسی و ئایدیۆلۆجییەکانی ڕۆژئاوا لەسەر کێشەی یەکسانی چەقی بەستووە و کۆڵینەوەی فرەلایەنی ئەم مەسەلەش بۆتە هۆی سەرهەڵدانی جووڵانەوەی سیاسی جۆربەجۆر لە سەدەی بیستەمدا.


ئەم باسە لە "یەکسانی لە بەردەم یاسا"وە کە دروشمی لیبرالیزم بوو، دەستی پێکرد و تا "یەکسانی دەرفەتەکان" کە دروشمی سوسیالیزمە، درێژەی پێدرا.

 

لە سەدەی بیستمدا جووڵانەوەی ڕاستگەرای گەورە بە دژی ئەم بیرۆکە بەرپا بووە.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure