فایەق سەرچناری15/1/2018 500 جار بینراوە

ڕاگرتنی پارسەنگی هێز چەکە یا دیموکراسی

 

دیارە ئەوەی ڕون وئاشکرایە هەموو ئەو وڵاتانەی کە دیکتاتۆری سەری تیا هەڵداون لێرەوە دەسەڵاتی تێکڕای جومگەکانی بڕیاردان و بەڕێوەبردن لەدەست ژمارەیەك کەسدا یان بەدیاریکراوی تێکڕای پرسە گرنگە چارەنوس سازەکان بنەماڵەیەك یا چەندێك زەوتیان کردوون، کاری لەپێشینەی ئەم جۆرە دەسەڵاتە لەوێوە دەست پێ ئەکات کە هەوڵی تەواو ئەدەن بۆ بەحیزبی کردنی خەڵك و ئەو سەروەت و سامانەی کەدەستی بەسەرا ئەگرن بڕێکی ئەخەنە پێناو کڕینی خەڵکەوەو لەناویشیاندا گروپی چەکداری پێ دروست ئەکەن بۆ ئەوەی لەهەر حاڵەتێکدا بەکاریان بەرن بۆ مانەوەی پێگەو جێگەیان وهەمیش پاراستنی سەروەت و سامانەکانیان

ئەوەی ئاشکرایە هەموو ئەو ڕاستیانە لەهەرێمی کوردوستاندا بونیان هەیەو بەردەوامیش ئەم ڕێکارانە گیراونەتەبەر لەمێژووی حوکمڕانی کوردیدا، ئەوەتا شەهید کردنی چەندین ڕۆژنامەنوس،بێسەروشوێنکردن و گرتن و ئازاردان و نانبڕین وچەندین کاری نادیموکراسیانەی تریش ئەو ڕاستیانە ئەسەلمێنن، لەلایەکی تریشەوە داخستنی پەڕلەمان وکودەتا بەهێزی چەك بەسەریدا،هەرکاتێك ویستبێتیان بریاری حیزبییان بەسەر حکومەت و دامودەزگاکاندا سەپاندوەو هەرکاتێکیش ناڕەزایی خەڵك سەری هەڵدابێ ئەوا هیچ کات نەوەستاون لەکوشتن و بریندارکردنی خۆپیشاندەران و بەهێزی چەك کۆتاییان پێهێناوە

جگە لەهەموو ئەمانەش هەرکات زۆریان بۆ هاتبێ زۆر بەئاسانی هێزی دوژمنیان هێناوەتە سەر هەرێم و بۆ مانەوەو بەرگری لە دەسەڵاتی خۆیان ئەو کارەیان ئەنجامداوە،بەبێ ئەوەی هەستیان بەشعوری خەڵك وبەرپرسیارێتی مێژوویی کردبێ، ئەم جۆرە لەحوکمڕانی درێژخایەن ڕۆژ بەڕۆژ کارەساتی ترسناکتر بەدوای خۆیدا دروست ئەکاو لێرەوە ئەم هێزگەلە بڕوایان بەدیموکراسی بەرەو لاوازبونی تەواو ئەچێ لەگەڵ ئەوەشدا سەرهەڵدانی دیکتاتۆری پەرە ئەسێنێ، ئەوکات ئەوەی باجەکەی ئەدا تەنها میللەتە، کەچۆن ئەمڕۆ باجدەری ئەو هەموو هەڵە سیاسی و ئیداریانەیە کەئەم دەسەڵاتە خولقێنەریەتی وسەپاندویەتی بەسەریدا،لێرەو لەوێش ئەکەونە هەڕەشەی ڕاستەوخۆ لەپرۆسەی دیموکراسی و زۆر بەڕونی ئەوە ئەڵێنەوە کەپارسەنگی هێزی چەك نەگۆڕەو دۆڕان لەهەڵبژاردنیش قودرەتی ئەو هێزە زاڵبوە تەسلیم بەیاسا ناکا

ئەوەی پێویستەو ئەرکی هەموومانە لەم چەند دێڕەدا ئەیخەمەڕو:ڕاستە گرتنەبەری گۆڕینی ئەم سیستەمە بەشێوازی دیموکراسی ومەدەنی پرۆسەیەکی درێژخایەن و دورمەوداترەو بەشێکی بەستراوەتەوە بە سیاسەتی ئەقلیمی ونێودەوڵەتی بەڵام لەهەمان کاتیشدا ئەگەر میللەت خوازیاربێ بۆ سەرخستنی ئەوا دڵنیاین دەوڵەتانیش پشتگیری تەواوی ئەکەن،لەهەمان کاتیشدا پرۆسەیەکی زۆر سەرکەوتوترو بەرهەمدارتر ئەبێ و ئەتوانێ ببێتە سەرهەڵدانی ئاشتی و ئاوەدانی بۆتێکڕای خەڵك بەبیروڕای جیاوازی ئاینی و ڕەگەزو حیزبیشەوە، بۆیە ئەوەی ئەرکی تەواوی خەڵکە ئەوەیە چیتر متمانە بەم سیاسیە فاشلانە نەدەنەوە کەچەندین ساڵە لەهەوڵی چەوسانەوەدان بۆ ئەوەی درێژە بەدەسەڵاتیان بدەن و ئەوەی بەلایانەوە جێی بایەخ نەبوبێ ڕۆڵەکانی ئەم نیشتیمانەیە کە بەدرێژایی مێژوو خوێنیان بەخشیوە بۆ ئەوەی خەڵکەکەی بەئاسودەو سەربەرزانە بژین، پێویستە هەمومان ببینە چرایەك بۆ تێکشکاندنی تاریکی شەوە زەنگەکان وڕوناکی سەرچاوەبگرێ، ئیتر کاتی ئەوە هاتووە بونی خۆمان بسەلمێنین و بەو بەڵێنانەی کەلەماوەی چارەکەسەدەیەك ئەیدەن وپێچەوانەکەیان جێبەجێ کردوە فریو نەخۆین با هەموومان پێکەوە خەممان خەمی نیشتیمانێك بێ کە لەسەر دەستی ئەوان نابوت وناشیرین کرا

 

 

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure