م. كاروان عەزیز
590 جار بینراوە 22/5/2015 03:18 PM

ڕاپۆرتێك لەسەر چۆنیەتی شۆردنەوەی پارە



ئامادەكردنی :م. كاروان عەزیز
لەم ڕپۆرتەدا چەندین جۆری شۆردنەوەی پارە خراوەتە


ڕوو یەكەم: چەمك و رێگاكان و قۆناغەكانی شۆردنەوەی پارە:وەك دەزانین زاراوەی شۆردنەوەی پارە كۆمەلێك پێناسەی جۆراو جۆری هەیە ئەمەش بەهۆی جیاوازی رای ئابووری ناسانەوەیە بۆ ئەم بوارە, بەشێوەیەكی كشتی مەبەست لە شۆردنەوەی پارە بریتیە لە هەواڵەكردنی پارە یان گواستنەوەی پارە لە سەرچاوە نا مەشروعە كەیەوە بۆ شێوازیكی تر بۆ شاردنەوەی ئەو سەرچاوەیەی كە لێیەوە بەدەست هاتووە تاوەكو شێوازێكی مشروع و یاسایی وەربگرێت.یاخود بریتیە لە تێكەڵ كردنی ئەو پارەیەی كە لە سەرچاوەیەكی نا مەشروعەوە بەدەست هاتووە وەك دزی و گەندەڵی و بازرگانی بەمادە هۆشبەرەكان و بازرگانی بە چەك و بازرگانی كردن لە گەڵ رێكخراوە تیرۆرستیەكان و بازرگانی كردن بە ئافرەتان و منداڵان ....... هی تر. لەگەڵ پارەی تر كە سەرچاوەكەی مشروعە یان یاساییە.یاخود شۆردنەوەی پارە بریتیە لە كرداری شاردنەوەی ئەو سەرچاوە نا مەشروعە ی كە پارەكەی لێ‌ بەدەست هاتووە.

دووەم: رێگاكانی شۆردنەوەی پارە: شۆردنەوەی پارە بەچەند رێگایەك دەكرێت كە ئەمانەنەی خوارەوەن
1-هەواڵە كردنی بانكی:بریتیە لە بە بانك سپاردن و هەواڵە كردنی پارە لەو سەرچاوە نا مەشروعە ی پارەكەی لێوە هاتووە بۆ دامەزراوە داراییەكانی تر و هەواڵە كردنی بۆ چەند حسابێكی جیا بۆ چەند وڵاتێكی جیاواز بە ئامانجی بڕینی پەیوەندی لە نێوان پارەكەو سەرچاوە نا مەشروعەكە ی, ئەمەش لە رێگەی ئیغرا كردن و پێدانی رەشووە بە كارمەندانی ئەو بانكە یان هەڕەشەو تۆڵە كردنەوە .... هی تر, لە كارمەندانی بانكەكە
2-دامەزراوە داراییە تایبەتەكان:ئەمەش لە رێگەی دروستكردنی گروپ و رێكخراوی تاوانكەر و (مافیا) دامەزراوەی دارایی بۆ شۆردنەوەی پارە.
3-كۆمپانیای وەهمی: خاون پارە نا مەشروعەكان هەڵدە ستن بە دروستكردنی كۆمپانیای وەهمی بۆ ئەوەی پارە نا مەشروعە كانیان بشۆرنەوە.
4-نوسینگەی دراو گۆڕینەوە یان دەڵا ڵەكان:لە زۆربەی ووڵاتە پێشكەوتووەكان و ووڵاتانی تازە پێگەشتوو و دواكەوتووەكاندا دەتوانرێت پارە بشۆردرێتەوە لە رێگەی نوسینگەكانی دراو گۆڕینەوە یان دەڵا ڵە كانەوە, بۆ دوركەوتنەوە لە مامەڵە كردن لەگەڵ دامەزراوە داراییە تەقلید ییەكان بۆ دوركەوتنەوە لە ترسی ئاشكرا بوون و ئابڕوو چوون.

5-سیستەمی بانكی سینی:سیستەمی بانكی لە باشوری رۆژهەڵاتی ئاسیا كە بە سیستەمی بانكی سینی ناسراوە, ناچێتە چوارچێوەی بانكی بازرگانیەوە, ئەم سیستەمە بەرپرسە لە پارەداركردنی دارایی بۆ زۆربەی ئەو كەسانەی كە پارەی نا مەشروعیان بە دەست هێناوە ئەم سیستەمە بانكییە بەتەواوی سڕییەو ئاسایشی تەواوی هەیە بۆ ئەو كەسانەی كەمامەڵەی لە گەڵدادەكەن, لە رێگەی نامەو پەیوەندییە تەلەفۆنییە جفرەییە كانەوە بۆ هەواڵەكردنی پارە لە وڵا تێكەوە بۆ وڵاتێكی تر.

6-هەواڵە كردنی برقی:مافیاكانی شۆردنەوەی پارە پەنا دەبەنەبەر گواستنەوەی پارەكانیان بۆ دەرەوەی ووڵات بە بەكارخستنی هەواڵەكردنی برقیات لە رێگەی دامەزراوە داراییە ناوخۆییەكانەوە لە رێگەی رەشوەوە.

7-كڕینی عەقارات:ئەو پارەیەی دەویسترێت بشۆردرێتەوە دەتوانرێت بگۆڕدرێت بۆ كڕینی موڵك لە رێگەی عقارات و نادی شەوانە و یانەی قومار و وە كۆمپانیاكانی فلیمی سینەمایی و پێشانگای ئۆتۆمبیل.

8-كاغەزی یانسیب:دەتوانرێت ئەو پارەیەی كە لە سەرچاوەیەكی ناشەرعییەوە بەدەست هاتووە بگۆڕدرێت بۆ كاغەزی یانسیبی قازانجدار, وە دەتوانرێت ئەم كاغەزانە بفرۆشرێت بە پارە یان چەكی بانكی ئەمەش بەڕێكەوتن لەگەڵ ئەو دامەزراوانەی ئەم كاغەزانەیان دەركردووە.

9-بازاڕی مەزادی ئاشكرا:بازاڕی مەزادی ئاشكرا بە یەكێك لە گرنگ ترین ئەو رێگایانە دادەنرێت كە مافیاكانی شۆردنەوەی پارە پەنای بۆ دەبەن بۆ شۆردنەوەی پارە كانیان, ئەمەش لە ڕێگەی كڕینی تابلۆ هونەرییەكان و جواهرات و دراوە شوێنەوارییەكان.
10-كارتی پێدانی ئەلكترۆنی:ئەوانەی پارە دەشۆرنەوە پەنا دەبەنەبەر كارتی بانی ئەلكتۆنی بۆ سەرفكردنی پارەكانیان لە هەر ئامێرێكی پارە سەرف كردن بێت بەمەش شۆرەرەوەی پارە ئەتوانێت رابكات لەو مەرجانەی خراوەتەسەر هەواڵەكردنی بانك.

11-ئەنتەرنێت:تۆڕەكانی ئەنتەرنێت رۆڵێكی گەورەیان هەیە بۆ ئاسانكاری كردنی كرداری شۆردنەوەی پارە ئەمەش لە میانەی زانینی حساب و پرۆژە بانكی و داراییەكان لە وڵاتانی دوونیا, لەم ڕێگەشەوە دەتوانن هەواڵە كردنی جۆراو جۆر و سەفەقاتی بازرگانی گومان لێكراو ئەنجام بدەن.


سێهەم: قۆناغەكانی شۆردنەوەی پارە: كرداری شۆردنەوەی پارە بەسێ‌ قۆناغدا تێدەپەڕێت كەمانەی خوارەوەن.
1-قۆناغی بە بانك سپاردن:لەم قۆناغەدا خاوەن پارە نا مەشروعە كە هەڵدەسێت بە دانانی پارەكەی لە دامەزراوە داراییەكان (بانكەكان) چی لە ناوخۆ بێت یاخود لە دەرەوەبێت.
2-قۆناغی داپۆشین:لەم قۆناغەدا خاوەن پارەكە هەڵدەسێت بە ئەنجامدانی كۆمەلێك كرداری بانكی لەو پارەیەی كە لە بانك دایناوە بۆ جیاكردنەوە یان دابڕینی لەو سەر چاوەیەی كە لێوەی بەدەستی هێناوە, ئەمەش بە ئەنجامدانی كۆمەلێك كرداری دارایی جۆراو جۆر و ئاڵۆز كە دەبێتە هۆی شاردنەوەی ئەو سەرچاوە نامەشروعەی كە لێیەوە بەدەست هێناوە.
3-قۆناغی تەواو كاری:ئەم قۆناغە قۆناغی كۆتاییە دوای جیاكردنەوەی پارەكە بە تەواوەتی لە سەرچاوە نامەشروعەكەی وە دەبێت بە پارەیەكی مشروع, وەگەڕانەوەی پارەكە بۆ خاوەنەكەی دوای شۆردنەوەی لە ئابووری نەتەوەیدا یاخود لە دەرەوەی ئابووری نەتەوەیی. 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure