به‌رهه‌م مسته‌فا
1570 جار بینراوە 16/1/2016 09:24 PM

به‌رهه‌م مسته‌فا ، هۆشداری ده‌دات له‌ به‌رده‌وامی ئه‌م دۆخه‌ كاره‌ساتی گه‌وره‌ی به‌دوادابێت



سنور میدیا_ تایبه‌ت

ئه‌ندامێكی لیستی هاوبه‌ش له‌ سكرتارێتی یه‌كێتی مامۆستیان ده‌ڵێت ، به‌شێكی قه‌یرانه‌كه‌ پەیوەندی بەو ناعەدالەتی و ڕۆتینات و گەندەڵیەیە کە لە 24 ساڵی ڕابردوودا خۆیان دروستیان کردوە نەک خەڵکی و فەرمانبەران، بۆیه‌ ئەم وەزعە بەو جۆرەی ئێستا بەردەوام بێت کارەساتی گەورەی بەدوادا دێت .

به‌رهه‌م مسته‌فا ئه‌ندامی سكرتێری یه‌كێتی مامۆستیانی كوردستان  و ئه‌ندامی لیستی هاوبه‌ش به‌ سنور میدیایی ڕاگه‌یاند ،  ، هەرچەند ئەو کۆبونەوەیە ئێمە بەشدار نەبووین وەک لیستی هاوبەشی نێو یەکێتی مامۆستایانی کوردستان ، بەڵام هیوامان دەخواست چارەسەرێکی گونجاوی پێ بێت بۆ فەرمانبەران بەگشتی و مامۆستایان بە تایبەتی ،بەڵام بەداخەوە هیچ هەواڵێکی دڵخۆشکەری بۆ مامۆستایان پێ نەبوو.

 

وتیشی ، یەکێک لەو خاڵانەی باسکراوە ئەوەبوە کە حکومەت خەرجی زۆرترە لە داهات بۆ دەبێت ڕێگا چارە بۆ کێشەی ئابوری بدۆزرێتەوە و لە ئێستا نرخی نەوت دابەزیوە ،شەڕی داعش هەیە ..بەڵام من پێم وایە ئەگەر ئەوانەی باسکراون دیوێکی بابەتەکە بێت ئەوە دیوەکەی تری پەیوەندی بەو ناعەدالەتی و ڕۆتینات و گەندەڵیەیە کە لە 24 ساڵی ڕابردوودا خۆیان دروستیان کردوە نەک خەڵکی و فەرمانبەران.

 

به‌رهه‌م مسته‌فا ڕوونیشی كرده‌وه‌ ، ئەمە بەشێکی بێ پلانی ئەوانەیە لەڕابردوو تا ئێستاش حوکم دەکەن ، بۆیە ناکرێت بەناوی چاکسازیەوە دەست ببرێت بۆ قوتی موچەخۆران لەکاتێکا دنیایەک لایەنی تر هەیە کە چاکسازی تیابکرێت وەک موچە خۆری بن دیوار کە داهێنەرەکەی دوولایەنی سیاسی دیاریکراو پێشتر خوڵقاندویانە ، هەروەها حانەنشینی نایاسایی و شکستی ئابوری وڵات و کەمکردنەوەی وەزارەتەکان و چاکسازی لەسیستمی سیاسی ووڵات تادەگاتە کەمکردنەوەی خەرجی واتەخشان ن وپەخشانی پارەو شەفافی گرێبەستەکان و کەمکردنەوەی موچەی پلەباڵاکان و پێداچونەوە بە سیستمی خانەنشینی پلەباڵاکان و ئاپۆرای سەیارەی بەرپرسان و پاسەوانەکانیان و ...هتد ، دەکرێت کار لەمانەدا بکرێ نەک دەست ببەن بۆ موچەی موچەخۆران .

 

ئه‌و ئه‌ندامی لیستی هاوبه‌ش ئاماژه‌ی به‌وه‌ش كرد ، ، سەبارەت بەو قسەیەی دەگوترێت پێویستە (مامۆستا لە دۆخەکە تێ بگات ) ، پێم وایە پێچەوانەکەی ڕاستە چونکە مامۆستا باش لەدۆخەکە گەیشتوە و ماوەی دوو ساڵ و چەندمانگێکە ئەم وەزعەی قبوڵکردوە و ماوەی پێنچ مانگە موچەی وەرنەگرتووە و ئەرکی سەرشانی خۆی جێبەجێکردوە ، ئەوەی پێویستە تێ بگات ئەوە لایەنی حکومەتە تێنەگەیشتوووە و بێ باکە لەخەمی خەڵکی خۆی .

 

له‌كۆتایشدا ڕایگه‌یاند ، بۆیە ئەم وەزعە بەو جۆرەی ئێستا بەردەوام بێت کارەساتی گەورەی بەدوادا دێت و خەڵکی کوردستان لەو کەسانە خۆش نابێت کە ئەم دۆخەیان خوڵقاندوە.. 

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure