سنور ميديا
474 جار بینراوە 28/1/2020 11:49 PM

بەرپرسێک و کوڕەکەی لەسەر ڕووداوی تەقەكردنى ئەمڕۆ دەستگیرکران



سنور ميديا 

پۆلیسی هەولێر ئاشكرایكرد كە ئەمڕۆ لە بەهۆی روودانی تەقە كردن لە پۆلیسی هاتوچۆ دوو چەكدار دەستگیر كراون لەگەڵ بەرپرسێكدا كە باوكی یەكێك لە تەقە كەرەكان بووە.

 

لە راگەیەندراوێكدا پۆلیسی هەولێر رایگەیاند "ئەمڕۆ ئێوارە لەلایەن دوو چەکدار تەقە لە پۆلیسێکی هاتوچۆ کرا، کەوا ئۆتۆمبێلیان لە جۆری (BMW)، جام ڕەش، تابلۆی بیانی، لەسەرشۆستە وەستاندبوو، دواتر دەبێتە دەمەقاڵی لە نێوان دوو چەکدار و پۆلیسی هاتوچۆ لە ئاکامدا تەقە لە پۆلیسی هاتوچۆ دەکەن".

 

دەشڵێت "دەستبەجێ بە فەرمانی بەڕێوەبەری پۆلیسی پارێزگای هەولێر عەمی دلێر نەجات یاسین نەجار، هێزێکی تایبەتی پۆلیس پێکهێندرا بۆ ئەوەی ڕووبەڕووی ئەم تەقەکەرانە بنەوە، توانرا کەمتر لە (۱٥) خولەک دەست بەسەر دوو چەکدار و ئۆتۆمبێلەکە دابگیرێت".

 

ئاشكراشیكرد كە "یەکێک لە چەکدارەکان کوڕی بەرپرسێک هێزەکانی پێشمەرگە بوو، دواتر بەرپرسەکە دەچێتە شوێنی ڕووداوەكە و بەفەرمانی بەڕێوەبەری پۆلیسی هەولێر توانرا بەرپرسەکەش دەستگیر بکرێت".

 

لە كۆتاییدا رایدەگەنێت "هیچ کەسێک لە یاسا بەرزتر نیە، هەرکەسێک ڕووبەڕووی یاسا ببێتەوە ڕێککاری یاسایی بەرامبەر ئەنجام دەدرێت".

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure