سه‌در
439 جار بینراوە 25/1/2020 05:11 PM

رەوتی سەدر هۆکاری کشانەوەی لە گۆڕەپانەکانی خۆپیشاندان روندەکاتەوە



سنور ميديا 

ژمارەیەک لە پەرلەمانتار و سەرکردەکانی رەوتی سەدر رایانگەیاند، رابەری رەوتەکەیان لە دوا پەیامیدا رونیکردوەتەوە ئەو پشتیوانی لە چالاکییەکانی داهاتوی ناڕەزاییەکاندا ناکات و پێویست دەکات لە هەمو دۆخێکدا بەرژەوەندی عێراق لەبەرچاوبگیرێت، بەو هۆکارەش لایەنگرانی سەدر لە گۆڕەپانەکان کشاونەتەوە.

لەوبارەیەوە حاکم زاملی سەرکردە لە رەوتی سەدر بە ماڵپەڕی هەواڵی عێراقی راگەیاندوە، "کاتێک سەدر پشتیوانی لە خۆپیشاندانەکان کردوە هێزەکانی سەرایا سەلام و لایەنگرانی سەدر و هەروەها پشتیوانانی لۆجستی هۆکارێکی بەهێزی خۆپیشاندانەکان بون، بەڵام لە دواین پەیامیدا سەدر دەڵێت لە پێناوی بەرژوەندی عێراق لەناڕەزاییەکانی داهاتودا بەشدار نابێت".

 

هاوکات غایب عەمیری پەرلەمانتاری هاوپەیمانی سائیرون بە ماڵپەڕەکەی راگەیاندوە، "سەدر لە کۆتا راگەیەندرایدا سێ نامەی گەیاندوە کە یەکەمیان سوپاسی خۆپیشاندەرانی کردوە کە بونی هێزەکانی ئەمریکایان لە بەغدا رەتکردوەتەوە".

 

ئاماژەی بەوەشکردوە، "هۆکاری دوەم پەیوەندی بە سەرنجی خۆپیشاندەرانی پارێزگاکانی عێراقەوە هەبو کە گومانیان لە داواکارییەکەی سەدر هەبو بۆ خۆپیشاندانی ملیۆنی، لە کاتێکدا هەمو لایەک دەزانن سەدر خۆی و بڕیارەکانیشی عێراقین و دەخوازێت دۆخی عێراق لەبەرچاو بگیرێت".

 

ئەو پەرلەمانتارە ئەوەشی خستەڕو، "پەیامی سیێەمی رابەری رەوتی سەدر، ئەو نامەیە بو کە بە زمانێکی توند ئاڕاستەی سیاسییەکانی کرد و داوای پەلەکردن لە پێکهێنانی حکومەتی کاتی دەکات، ئەگەر ئەوەش رو نەدات ئەو خۆی لە چینی سیاسی عێراق بێبەری دەکات".

 

لەلایەکی دیکەشەوە سەفا تەمیمی وتەبێژی هێزەکانی سەرایا سەلام بە ماڵپەڕی هەواڵی عێراقی راگەیاندوە، "بەشێکی زۆری خۆپیشاندەران نامەکەی سەدریان خوێندوەتەوە و لەسەر ئەو بنەمایە لە گۆڕەپانەکان کشاونەتەوە و ئێمە فەرمانمان بۆ کشانەوە دەرنەکردوە".

 

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure