سۆران عومه‌ر
1157 جار بینراوە 21/1/2020 11:27 PM

سۆران عومه‌ر فه‌زاحه‌تى زۆر گه‌وره‌ و نوێ ئاشكرا ده‌كات



سنور ميديا 

سۆران عومەر، پەرلەمانتاری كۆمەڵی ئیسلامی رایگەیاند،"تەندەرێک لەسەر کاغەز زەرەر دەکات، بەڵام لەجێبەجێکردندا مانگی 3 ملیۆن دۆلار قازانج دەکات".

 

ئەو پەرلەمانتارەی كۆمەڵ لە هەژماری تایبەتی خۆی لە تۆڕی كۆمەڵایەتی فەیسبوك نوسیویەتی،"ئەم تەندەرە لە 12/1/2020ەوە جێبەجێ بوە، بۆ گواستنەوەی کۆندیسێت لە داناگاز لەکۆرۆمۆرەوە بۆ خورمەڵە، کۆمپانیایەک ئەم کاری گواستنەوەی بۆ دەرچوە بۆ ھەر تەنێک بە 15 دۆلارو 40 سەنت."

 

سۆران عومەر نوسیویەتی،"ئەوەی سەیرە کرێی گواستنەوەی تەنێک لەو مادە لەنێوان کۆرۆمۆرو خورمەڵە 17 دۆلارە. مەسروفاتی ستاف و پێدانی سەرانە بەو چەکدارانەی دەتپارێزن پارەیەکی زۆری دەچێتە سەر زیانی ھەر تەنێک بەپێی تەندەرەکە 4 دۆلارە. بەمپێیە مانگی 200 ھەزار دۆلار زیان دەکات. کەچی ئەم کارە نەک زەرەر ناکات، بەڵکو مانگی 3 ملیۆن دۆلار قازانج دەکات".

 

دەشڵێت،"ئەمە مەتەڵی گەندەڵی و چۆنێتی قازانجکردنە بەفێڵ و دزی! وردەکاریەکە لەگەڵ لایەنی پەیوەندیدار دەخەمەڕو کە چۆن ئەم کارە بەزەرەر وەردەگرن، بەڵام بەقازانجی خەیاڵی لێی دەرەچن".

 

ئەو پەرلەمانتارەی كۆمەڵ دەڵێت،"وەزارەتی ناوخۆ دو لیوای پاراستنی نەوت و گازی ھەیە، بەڵام ببینن چۆن ئەم پرۆسەی گواستنەوەی کۆندێسێتە ئەنجامدەدرێ بە چەکدارەوە بە دۆشکەو بیکەیسی دەپارێزێ. ئەم مەسەلەم گەیاندۆتە ئەنجومەنی وەزیران چاوەڕێی ھەڵوێستیانم بزانم راستە چاکسازی؟"

 

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure