مه‌لا مه‌زهه‌ر
325 جار بینراوە 21/1/2020 10:57 PM

مەلا مەزهەر: لەسەر بانگەشە بۆ فرەژنی بەردەوام دەبم



سنور ميديا

دوای ئەوەی تۆمەتبار كرا لەسەر پرسی بانگەشەكردن بۆ فرەژنی، ئەمڕۆ سێ شەممە 21 ی كانوونی دووەمی 2020 لەسەر سكاڵای زیاتر لە 300 ڕێكخراو و چالاكی مەدەنی لە هەرێمی كوردستان، مەلا (مەزهەر خۆراسانی) لەبەردەم دادگا ئامادەبوو.

 

مامۆستا مەلا مەزهەر خۆراسانی، لەكۆنفڕانسێكی ڕۆژنامەوانیدا ڕایگەیاند، بەتۆمەتی بانگەشەكردن بۆ فرەژنی لەسەر داوای 300 ڕێكخراو و چالاكی مەدەنی دراومەتە دادگا، ئەمڕۆش لەدادگا ئامادەبووم.

 

دەشڵێت: "پرسی فرەژنی باسێكە زیاتر شەرعیە و خوای گەورە ڕێگەی بە موسڵمانان داوە لە ژنێك تا چوار ژن بهێنن، بۆیە وەك مامۆستایەكی ئایینی لەسەر بانگەشە بۆ فرەژنی بەردەوام دەبم"، هۆكاری بەردەوام بوونیشی گەڕاندەوە بۆ زۆربوونی قەیرە كچ لە كۆمەڵگەدا، ئەنجامدانی پڕۆسەی هاوسەرگیریش لەكۆمەڵگادا تەواو خاو بۆتەوە، ئەمەش ئەركی ئەوانە لە ڕێگەی شەرعییەوە بانگەشە بۆ فرە ژنی بكەن.

 

مەلا مەزهەر خۆراسانی ئەوەشی خستەڕوو، بڕیارە ۲۷ی كانوونی دووەم دادگا بڕیاری خۆی بدات لەبەر ئەوە جارێكی تر لەبەردەم دادگا ئامادە دەبێت بۆ بڕیاری دادگا و بەرگری لە خۆی دەكات.

 

لەبەشێكی تری قسەكانیدا مامۆستا مەزهەر خۆراسانی وتی، "یەكێك لە چالاكانی مەدەنی ژنان، كە داوای یاسایی لەسەر من تۆماركردووە بەبیانووی بانگەشە بۆ فرەژنی، پێشتر لەسەر سكاڵایەكی من بەبڕیاری دادگا بە بڕی 5 ملیۆن دینار سزا دراوە، بەڵام تا ئێستا ئامادەنییە سزاكەی بدات، بۆیە دەڵێم ئەو ڕێكخراوانە، كە بەناوی یاسا قسە دەكەن، بەڵام خۆیان لە سەرووی یاساوەن".

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure