بزوتنه‌وه‌ى گۆڕان
218 جار بینراوە 21/1/2020 03:56 PM

دوو ژنه‌ په‌رله‌مانتاری گۆڕان خانه‌نشینی په‌رله‌مانتاریان ره‌تكرده‌وه‌



سنور ميديا 

هه‌ردوو ژنه‌ په‌رله‌مانتاری گۆڕان شیرین ئەمین و شایان کاکە ساڵح لە پەرلەمانی کوردستان خانەنشینی پەرلەمانتارییان رەتکردوە و دەڵێن، ئەوان نوێنەری گەلن و نایانەوێت لە سەر ئەرکی چوارساڵ پەرلەمانتاری خانەنشین بکرێن.



لە راگەیەندراوێکدا ئەو پەرلەمانتارانەی گۆڕان، بەڵگە نامەیەکیان بڵاوکردوه‌تەوە، کە ئاڕاستەی پەرلەمانی کوردستانیان کردوە و داوایانکردوە خانەنشین نەکرێن و دەگەڕێنەوە سەر کاری پێشوویان.

 

ئەو دوو پەرلەمانتارە راشیگەیاندوە، رەتکردنەوەی خانەنشینی پابەندبونیانە بەو بەڵێنەی کە بەدەنگدەرانیان داوە، کە خانەنشین رەتبکەنەوە.

 

پڕۆژەیاسای چاكسازی له‌خانه‌نشینی مووچه‌و ده‌رماڵه‌و به‌خشین و ئیمتیازاته‌كانی تر، له‌ دانیشتنی ژماره‌ (15)ی ئاساییی خولی پایزه‌ له ساڵی یه‌كه‌می‌ خولی پێنجه‌می هه‌ڵبژاردن رۆژی پێنجشه‌مه‌‌ 16ی كانوونی دووه‌می 2020، به‌ده‌نگی 89 ئەندامی پەرلەمانی کوردستان په‌سەندكرا و دوێنێش یاساکە رەوانەی‌ سەرۆکی‌ هەرێم کرا.

 

پێشتری چوار په‌رله‌مانتاری فراكسیۆنی نه‌وه‌ی نوێ و په‌رله‌مانتارێكی پارتی فۆڕمی ره‌تكردنه‌وه‌ی خانه‌نشینیان پێشكه‌شی سه‌رۆكایه‌تی په‌رله‌مانی كوردستان كرد، هه‌روه‌ك دوێنێش هه‌ریه‌كه‌ له‌ مه‌م بورهان قانع، دیاری ئه‌نوه‌ر، سیروان بابان، فۆڕمی ره‌تكردنه‌وه‌ی خانه‌نشینان پڕكرده‌وه‌ و ئاڕاسته‌ی سه‌رۆكایه‌تی په‌رله‌مانیان كرد.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure