سنور ميديا
581 جار بینراوە 21/1/2020 03:44 PM

وێنه‌ .. له‌ هه‌ولێر ده‌ست ڕێژى گولله‌ له‌ پێشمه‌رگه‌يه‌كى يه‌كێتى كرا



سنور ميديا 

ئەمڕۆ پێشمەرگەیەکی دیکەی ئەو حزبە دەستڕێژی گولـلەی لێدەکرێت و بە سەختی بریندار كرا، به‌پێی زانیارییه‌كانیش پێده‌چێت رووداوه‌كه‌ به‌هۆی كێشه‌ی كۆمه‌ڵایه‌تییه‌وه‌ بووبێت.

 

ئەمڕۆ سێشه‌ممه‌ 21ی کانوونی دووەمی 2020، لە شاری هەولێر سەلام رەزا، کە ناسراوە بە سەلام مەنتک و کارمەندی وەزارەتی پێشمەرگەیە له‌سه‌ر پشكی یەکێتی، دەستڕێژی گولـلەی لێکراوە و بە سەختی بریندارە.

بە گوێرەی زانیاییەکان، ئەمڕۆ سەلام رەزا ویستویەتی سەردانی ماڵی خوشکێکی بکات لە هەولێر، بەڵام پێش ئەوەی بگات تەقەی لێكراوه‌.

 

هاوكات سەعید مەسیفی، ئەندامی ئه‌نجومه‌نی گشتی سەرکردایەتی یەکێتی نیشتمانی كوردستان راگەیاندووه‌، بەپێی زانیارییەکانی ئەوان کێشەکە کۆمەڵایەتییە.

 

لە ئێستادا ئەو ئەفسەرەی یەکێتی بە سەختی بریندارە و لە نەخۆشخانەیەکی هەولێر نەشتەرگەری بۆ دەکرێت و له‌ ژێر چاودێری ورددایه‌.

 

لە چەند رۆژی رابردوودا، لە زیندانی ئاسایشی هەولێر، پێشمەرگەیەکی یەکێتی گیانیلەدەستدا و بەرپرسانی یەکێتیش گومانیان لە گیانلەدەستدانی ئەو پێشمەرگەیە هەیە و لە سلێمانیش سەرلەنوێ توێکاری بۆ جەستەی ئەو پێشمەرگەیە دەکرێت، کە دەوترێت خۆی کوشتووە.

 

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure