سۆران عومه‌ر
390 جار بینراوە 18/1/2020 01:25 PM

به‌وێنه‌ : سۆران عومه‌ر جگەرە لە ناو قوتووی بەهارات دەدۆزێتەوە



سنور ميديا 

ئه‌ندامێكی په‌رله‌مانی كوردستان وێنه‌ی بیبه‌ری وشكراوه‌ی له‌ قوتونراو بڵاوده‌كاته‌وه‌ كه‌ پاشماوه‌ی جگه‌ره‌ی تێدایه‌ و داوا ده‌كات، چاودێریی زیاتر بخرێته‌ سه‌ر كارگه‌كانی به‌رهه‌مهێنانی خۆراك، خاوەنی کارگەکەش رەتیدەکاتەوە و دەڵێت: لە ناو کارگەکەیاندا بە هەموو شێوەیەک جگەرەکێشان قەدەغەکراوە و رەنگە یە کێک لە رکابەرەکانمان ئەو کارەی کردبێت.

 

سۆران عومەر، ئەندامی فراکسیۆنی کۆمەڵی ئیسلامی لە پەرلەمانی کوردستان، لە هەژماری تایبەتی خۆی لە تۆڕی کۆمەڵایەتی فەیسبووک، وێنەی بەهاراتی ئالینی بڵاوکردووەتەوە و نووسیویەتی، ئەمه‌ ئەو بیبه‌ری وشككراوه‌یه‌ كه‌ پاشماوه‌ی جگه‌ره‌ی تێدایه‌! بۆ خۆم وێنه‌م گرتووه‌ و هه‌ڵنه‌بچڕاوه‌".

 


ئەو پەرلەمانتارە داوا دەکات، چاودێریی زیاتر بخرێته‌ سه‌ر كارگه‌كانی به‌رهه‌مهێنانی خۆراك.

 

بەڕێوەبەری کارگەی بەهاراتی ئالین، قسەکانی سۆران عومەر رەتناکاتەوە، بەڵام دەڵێ" پێدەچێت رکابەرەکانمان بۆ شکاندنی ئێمە وایانکردبێت" شوان کانەبی، بەڕێوەبەری کارگەی بەهاراتی ئالین بە (ژیان)ی راگەیاند، بە هیچ جۆرێک شتی وانییە، لە ناو کارگەکەی ئێمەدا بە هەموو شێوەیەک جگەرەکێشان و بەکارهێنانی مۆبایلیش قەدەغەیە، ماوەی دوو ساڵ دەبێت سکیوریتییەکی باشمان داناوە، هەر کەسێک بێتە ژووەرەوە دەپشکندرێت.

 

سەبارەت بەو پاشماوەیەی سۆران عومەر باسی دەکات ئاماژەی بەوەشکرد"ئێمە ژمارەیەک رکابەرمان هەیە، رەنگە ئەوان وایانکردبێت، بەڵام بەڵگەی پێویستمان نییە، بۆئەوەی سکاڵایان لەسەر تۆمار بکەین، لە رابردووشدا چەند حاڵەتێکی دیکەی وا بەرامبەر کارگەکەمان ئەنجامدراوە بۆ ئەوەی لە بەرهەمەکانمان بدەن".

 

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure