سۆران عومه‌ر
1699 جار بینراوە 16/12/2019 12:21 AM

سۆران عومه‌ر كاره‌ساتێكى تر گه‌وره‌ له‌م هه‌رێمه‌ ئاشكرا ده‌كات



سنور ميديا 

ئەندامێکی پەرلەمانی کوردستان رایدەگەیەنێت، کەسێکی لوبنانی، ھەرێمی کوردستان پڕ دەکات لە مەوادی جوانکاری ئێکسپایەرو تەزویر، دەشڵێت، لە بەیروتەوە بەناوی لەناوبردنی مەوادی بەسەرچو دەیهێنێت بۆ زبڵدانی ھەولێر گوایە لەھەولێر تەلەفی دەکات.

 

سۆران عومەر، ئەندامی پەرلەمانی کوردستان لە نوسینێکدا لە فەیسبوکی خۆی بڵاویکردەوە، "کەسێکی لوبنانی، ھەرێمی کوردستان پڕ دەکات لە مەوادی جوانکاری ئێکسپایەرو تەزویر".

 

دەشڵێت" لە بەیروتەوە بەناوی لەناوبردنی مەوادی بەسەرچو دەیهێنێت بۆ زبڵدانی ھەولێر گوایە لەھەولێر تەلەفی دەکات، بەڵام لە کۆگایەک لەھەولێر ئێکسپایەرەکان دەسڕێتەوەو بەتەئریخی تازە دەیانخاتە بازاڕ".

 

سۆران عومەر راشیگەیاند، دوای ئەوەی لەلایەن دەزگای کۆنتڕۆڵی جۆریەوە ئەم کارە مەترسیدارە ئاشکرا دەکرێت و دەست بەسەر کۆگاو مەوادەکانی دا دەگیرێت، "بەداخەوە لێپرسینەوەی یاسایی نەکراوەو کابرا لەکارەکەی بەردەوامەو ھەوڵی ئازادکردنی مەوادە ئێکسپایەرەکانیشی دەدرێ".

 

باسی لەوەشکردوە" ئەوەی وێرانکردنی ئەم کۆمەڵگەیە بێ ڕێزیشە بە کوردستان و ھەولێر کەسێک بەو ناونیشانە مەوادی ئێکسپایەر بێنێ بۆ زبڵدانی ھەولێر گوایە لێرە تەلەفی دەکات".

 

ئەو پەرلەمانتارە ئەوەشی خستەڕو "خانمان دەزانن ئێوە زۆرینەتان بونەتە تاقیگەی مەوادی ئێکسپایەرو زیانبەخش بەناوی جۆرەھا کرێم و شامپۆی تەزویرو زیانبەخش؟ باجەکەشی تێکچونی پێست و روتانەوەی قژو توش بونە بەجۆرەھا نەخۆشی".

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure