يه‌كێتى
638 جار بینراوە 10/12/2019 08:03 PM

په‌رله‌مانتارێكى يه‌كێتى له‌ به‌غدا نامه‌ى ده‌ست له‌ كاركێشانه‌وه‌ى پێش كه‌شى حزبه‌كه‌ى ده‌كات



سنور ميديا 

رێبوار تەها ئەندامی پەرلەمانی عیراق لەسەر لیستی یەكێتی نیشتیمانی كوردستان نامەی دەست لەکارکێشانەوەی داوەتە مەڵبەندی یەکێتی لەپێناو دانانی کەسێکی كوردی كاكەیی لەشوێنەکەی.

 

رێبوار تەها دەڵێت " لەڕوانگەی هەستکردن بە بەرپرسیارییەتی و بڕوابوون بەشداریپێکردنی پێکهاتەکان لە ناوەندەکانی بڕیاردا، لە ماوەکانی ڕابردوو بەفەرمی داواکارییەکم ئاراستەی بەڕێز لێپرسراوی مەڵبەندی دووی ڕێکخستی کەرکوکی(ی.ن.‌ك) کردووە، تێیدا ئامادەیی خۆم نیشانداوە کە دەستبەرداری مافی ئەندامییەتی ئەنجومەنی نوێنەرانی عێراق بم و شوێنەکەم بەهەڤاڵێکی تری کوردانی کاکەیی پڕبکرێتەوە، بەو پێیەی کوردانی کاکەیی بەشێکی ڕەسەنی کەرکوک پێک دەهێنن، پێشووتریش لەچەندین کۆبوونەوەدا جەختم لەوە کردووەتەوە کە دەبێت کوردانی کاکەیش نوێنەریان هەبێت لەپەرلەماندا."

 

دەشڵێت "هەرچەندە ڕەزامەندبوون یان ڕەتکردنەوەی ئەو داوایەم لە دەستی حیزبەکەمدایە بەڵام لەئەگەری ڕەزامەندبوونیاندا ئامادەی جێبەجێکردنیم ، بۆیە لێرەوە هەمووان دڵنیا دەکەمەوە ئەو دواکارییەم بەڕەزامەندی خۆم بووە و مەبەستیش لێی بوونی نوێنەرێکی کوردانی کاکەیی بووە لەپەرلەماندا".

 


دەقی نامەکەی رێبوار تەها...

بەناوی خوای گەوەو میهرەبان

خەڵکی دڵسۆز و نیشتمانپەروەری شاری کەرکوکی خۆشەویست ، کەسوکاری سەربەرزی شەهیدان ، ئەندام و لایەنگرانی (ی.ن.ك) ، دەنگدەرانی ئازیز و بەئەمەك ...

 

لەڕوانگەی هەستکردن بە بەرپرسیارییەتی و بڕوابوون بەشداریپێکردنی پێکهاتەکان لە ناوەندەکانی بڕیاردا، لە ماوەکانی ڕابردوو بەفەرمی داواکارییەکم ئاراستەی بەڕێز لێپرسراوی مەڵبەندی دووی ڕێکخستی کەرکوکی(ی.ن.‌ك) کردووە، تێیدا ئامادەیی خۆم نیشانداوە کە دەستبەرداری مافی ئەندامییەتی ئەنجومەنی نوێنەرانی عێراق بم و شوێنەکەم بەهەڤاڵێکی تری کوردانی کاکەیی پڕبکرێتەوە، بەو پێیەی کوردانی کاکەیی بەشێکی ڕەسەنی کەرکوک پێک دەهێنن، پێشووتریش لەچەندین کۆبوونەوەدا جەختم لەوە کردووەتەوە کە دەبێت کوردانی کاکەیش نوێنەریان هەبێت لەپەرلەماندا.

 

هەرچەندە ڕەزامەندبوون یان ڕەتکردنەوەی ئەو داوایەم لە دەستی حیزبەکەمدایە بەڵام لەئەگەری ڕەزامەندبوونیاندا ئامادەی جێبەجێکردنیم ، بۆیە لێرەوە هەمووان دڵنیا دەکەمەوە ئەو دواکارییەم بەڕەزامەندی خۆم بووە و مەبەستیش لێی بوونی نوێنەرێکی کوردانی کاکەیی بووە لەپەرلەماندا.

 

لەکۆتاییدا دەڵێم کە بەندە لەپەرلەمانبم یان نا ئەوە هەمیشە خۆم بەخزمەتکاری منداڵێکی کەرکوك دەزانم.


ڕێبوار تەها


۲۰۱۹/۱۲/۱۰

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure