سەلآحەدین بەهادین
94 جار بینراوە 7/12/2019 08:27 PM

سه‌ڵاحه‌دین به‌هادین: یەکگرتوو بەشێوەیەکی حەکیمانە هەرێمی لەچەندین شەڕی ناوخۆ پاراستووە



سنور میدیا

ئەمینداری گشتی یەکگرتوو دەڵێت "یەکگرتوو بەشێوەیەکی حەکیمانە هەرێمی لەچەندین شەڕی ناوخۆ پاراستووە".

 

ئەم وتانه‌ی سەلآحەدین بەهادین ئەمینداری یەكگرتوو لە كۆبوونەوەیەكی ناوخۆی حزبەكەیدا هات سەبارەت بە ئەنجامدانی كۆنفرانسی یەكگرتو، كە تێدا ئاماژەی كرد "یەکگرتووی ئیسلامی ماوەی ۲٥ ساڵە خزمەت بەکۆمەڵگەی کوردی دەکات و لەسەرەتای دامەزراندنیەوە توانی بەشێوەیەکی حەكیمانە کاری سیاسی بکات".

 

وتیشی: یەكگرتو هەرێمی كوردستانی لەچەندین شەڕی ناوخۆی و كاولكاری پاراست، وە لەڕابرووداو تاوەکو ئێستاش یەکگرتوو ڕۆڵ و کاریگەری بەرچاوی هەبوەو توانیویەتی بەشێوەیەکی میانڕەوانە لەکاروچالاکیەکانی بەردەوام بێت.

 

هەروەها سەلاحەدین بەهائەدین، بڕوای وابوو كە "ئەندامان و بەرپرسانی یەکگرتووی ئیسلامی کوردستان هیچ کاتێک لەهیچ بارودۆخێکدا سەنگەریان لەیەک نەگرتووەو یەکگرتووەکان بەرژەوەندی کۆی نەکرونەتەوە، بەڵکو پێکەوە ژیان و برایانە مامەڵەیان لەگەڵ گۆڕانکاریەکان کردووە".

 

ئەمینداری یەكگرتوو باسی لەوەشكرد كە "یەکگرتووی ئیسلامی بەو شێوەیەی کە لەماوەی ۲٥ ساڵی ڕابردودا خزمەتی کۆمەڵگەی کردوەو توانیویەتی بیکات، لەداهاتوشدا بەو شێوەیە بەردەوام بێت، بەڵام دەمانەوێت لە داهاتودا زیاتر گرنگی بە پەروەردەی تاک بدرێت و کاری ئاینی بەشێوەیەکی میانڕەوایانە بەردوامی پێدەدەین".

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure