پارتى
352 جار بینراوە 7/12/2019 07:48 PM

پارتى ڕووبه‌ڕووبوونه‌وه‌ى دژى گه‌نده‌ڵى ڕاگه‌ياند



سنور ميديا 

فراکسیۆنی پارتی رایگەیاند، پشتیوانیی ته‌واوی پڕۆژه‌ی چاكسازی ده‌كه‌ن، کە له‌ حكومه‌ت ورده‌كارییه‌كانی ته‌واو بووه و‌، ئه‌و به‌ڵێنه‌ی له‌ هه‌ڵبژاردنه‌كاندا به‌ خه‌ڵكیان دا، جێبه‌جێی ده‌كه‌ن و له‌ رێگه‌ی پڕۆژه‌ی چاكسازییەوە ڕووبه‌ڕووی گه‌نده‌ڵی ده‌بنه‌وه‌.

 

پێشه‌وا هه‌ورامانی، وته‌بێژی فراکسیۆنی پارتی له‌ په‌رله‌مانی كوردستان، رایگه‌یاند: "ورده‌كارییه‌كانی پڕۆژه‌ی چاكسازی له‌ حكومه‌ت به‌كۆتا گەیشتووه‌، به‌م زووانه‌ ده‌گاته‌ په‌رله‌مان و فراکسیۆنی پارتی ئاماده‌ییه‌كی ته‌واوی كردووه‌، بۆ پێشوازی له‌ پڕۆژه‌ی چاكسازی له‌ فراکسیۆنه‌كانی تری ناو په‌رله‌مانیش تا ئێستا هیچ فراکسیۆنێك نه‌یگوتووه‌ پشتیوانیی پڕۆژه‌كه‌ ناكه‌ن".

 

هه‌ورامانی وتی: "پڕۆژه‌ی چاكسازی خاڵی سه‌ره‌كی حكومه‌تی هه‌رێم و فراکسیۆنی پارتییه‌ له‌ ماوه‌یه‌كی زۆر نزیكدا بگاته‌ په‌رله‌مان و كاری جددیی له‌سه‌ر بكرێت، پارتی له‌ كاتی بانگه‌شه‌ی هه‌ڵبژاردندا دروشمی رووبه‌ڕووبوونه‌وه‌ی گه‌نده‌ڵیی هه‌ڵگرتبوو، بۆیه‌ ئێستا ئه‌و دروشمانه‌ به‌كردار جێبه‌جێ ده‌كه‌ین".

 

وته‌بێژی فراکسیۆنی پارتی بۆ ماڵپه‌ری فه‌رمی حزبه‌كه‌ی زیاتر وتی: "له‌ رێگه‌ی پڕۆژه‌ی چاكسازییەوە رووبه‌ڕووی گه‌نده‌ڵی ده‌بینه‌وه و‌ به‌ یاسا رووبه‌ڕووی به‌هه‌ده‌ردانی پاره‌ و سامانی وڵات ده‌بینه‌وه و بەو شێوەیە گەورەترین شەڕی گەندەڵی دەکەین و، رووبه‌ڕووبوونەوەی گه‌نده‌ڵی خواستی هه‌موومانه‌".

 

ئه‌مه‌ له‌كاتێكدایه‌ كه‌ تا ئێستا پڕۆژه‌ یاسای چاكسازی ره‌وانه‌ی په‌رله‌مانی كوردستان نه‌كراوه‌ بۆ ئه‌وه‌ی كاری له‌سه‌ر بكرێت و بخرێته‌ بواری جێبه‌جێكردنه‌وه‌.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure