شه‌رڤانان
1435 جار بینراوە 21/11/2019 06:19 PM

هەسەدە هه‌واڵی سه‌ركه‌وتنی گه‌وره‌ی ڕاگه‌یاند



سنور میدیا

لە راگەیێنراوێکدا ناوەندی راگەیاندنی هەسەدە ئەنجامی شەر و بەرخۆدانی شەڕڤانان لە ماوەی ٢٤ کاتژمێردا راگەیاند.


لە راگەیەنراوێکدا رایگەیاندوە، هێرشى سەربازی وهێرشەکانی سوپای تورکیا و گروپە چەکدارەکان بۆ سەر ناوچەکە بەردەوامن و لە ناوچەی ئەبوو راسان بە تانک و تۆپ و فرۆکەی بێ فڕۆکەوان هێرشی گوندەکانی تل محمد و ئوم ئیشبە و باب ئەلخێریان کردووە.

 


لە ناوچەی تل تەمریش بە هەمان شێوە سوپای داگیرکەر و چەتەکانی بە چەکی قوڕس و بە پشتیوانی فرۆکەی بێ فڕۆکەوان، هێرشی گوندەکانی مەناخ و رەشەدییەیان کردووە. لە ئەنجامی وڵامی شەڕڤانان و ئەنجومەنی سەبازی سوریانی، بەرامبەر بە داگیرکەران، ژمارەیەک سەربازی سوپای تورکی داگیرکەر کوژراون و ژمارەیەکیشیان بریندار بوون. بەڵام ژمارەیان نەزانراوە.

 


لە لایەکی ترەوە لە ئەنجامی تۆپبارانکردنی ناوچەی سەرێکانی، گولەیەکی ئۆبوسی داگیرکەران لە ناو خۆیاندا تەقییەوەو لە ئەنجامدا ٦ سەرباز و چەتە کوژراون.

 


لە ڕاگه‌یه‌نراوه‌كه‌دا هاتووه‌ ناوچەی عین عیساش داگیرکەران بە تانک و تۆپ و فڕۆکەی بێ فڕۆکەوان گوندەکانی مشێرفا و سلیپ و هەروها کۆگاکانی گەنم لە قزعەلی و شەڕگرێک و رێگای (M4) یان تۆپباران کردووەو لە ئەنجامی وڵامێکی توندی شەڕڤاناندا ٧ سەربازی تورک و چەتەکانیان کوژراون و ژماریەکیشیان بریندار بوون.

 


بە پێی راگەیێنراوەکەی هەسەدە، لە گوندی قەرەنفیلیش فڕۆکەیەکی بێ فڕۆکەوانی سوپای تورکی داگیرکەر ئۆتۆمبیلێکی مەدەنییان کردووەتە ئامانج و لە ئەنجامدا ٢ هاوڵاتی مەدەنی کوژراون و ٣ کەسیش بریندار بوون.

 


بە کۆی گشتی لە ئەنجامی وڵامدانەوە شەڕڤانان و تەقینەوەی گولەیەکی ئۆبوس لە ناو چەتەکاندا، ١٥ سەرباز و چەتەی ئەردۆغان کوژراون و ژمارەیەکی زۆریشیان بریندار بوون.

 


هەسەدە هەروها رایگەیاند کە لە ئەنجامی بەرخۆدانی شکۆ و هێرشی داگیرکەراندا، بە گشتی ٢ شەڕڤان و ٢ هاوڵاتی مەدەنی شەهید بوون و ٣ هاوڵاتی تری مەدەنیش بریندار بوون.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure