مه‌لا به‌ختيار
536 جار بینراوە 21/11/2019 04:46 PM

مه‌لا به‌ختيار هۆشدارى ده‌داته ئه‌م كه‌سانه‌ كه‌ له‌نێو يه‌كێتى هه‌ڵناسنه‌وه‌



سنور ميديا 

مەلا بەختیار پەیامێكی بڵاو كردەوە و دەڵێت هەڤاڵان یەكێـتی بە پارە رشتن و پیلان داڕشتن لەكۆنگرەدا هەڵناسێتەوە.

 

لە پەیامێکدا مەلا بەختیار كە بە بۆنەی رۆژی شەهیدانی یەكێتی بڵاوی كردۆتەوە نوسویەتی: كاتێك ئاوڕ لەو مێژووە دەدرێتەوەو ناشتنی كۆمەڵی كوردستانی، لەسەر سنوری دوو پارچەی كوردستان بیردەكەوێتەوەو بە دۆخی ئێستای یەكێتی بەراورد دەكرێ.. جیاوازی ئەو رۆژگارانەو ئێستا، ئاسمان و رێسمانە. رابوردومان ئاسمانێكی ساماڵی شۆڕشگێڕانە بوو. ئێستاشمان رێسمانێكی ناخ هەژێنە.

 

مەلا بەختیار لێپرسراوی كارگێڕی مەكتەبی سیاسی یەكێتی نوسویەتی "هەڤاڵان یەكێـتی بە پارە رشتن و پیلان داڕشتن لەكۆنگرەدا هەڵناسێتەوە".

 

بە وتەی ئەو: بەڵكو، بە ویژدان، بەرنامەی نوێ، رەخنە لەخۆگرتن و تێگەیشتن لە ئەركەكانی سەردەمی جیهانگیری، یەكێتی دەخرێتەوە سەر رێچكەی ئومێدی ناوخۆیی و متمانەی جەماوەری.

 

لە كۆتایدا ئەو بەرپرسەی باڵای یەكێتی دەڵێت "چاوی ئومێد بڕاوەتە كۆنگرە، ئومێدەوارین، لەیادی شەهیدی یەكێتیدا، یەكێتیەكان نائومێد نەكرێن. لەسەر كێل بە كێلی ئەم شەهیدانە، فرمێسك دەڕێژم".

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure