مه‌لا به‌ختيار
144 جار بینراوە 18/11/2019 01:19 PM

مەلا بەختیار بۆ سەڵاحەدین دەمیرتاش: هەتا بڵێی بیرم لاتە



سنور ميديا

مەلا بەختیار لێپرسراوی دەستەی کارگێڕی مەکتەبی سیاسیی یەکێتیی نیشتمانیی کوردستان نامەیەک بۆ سەلاحەدین دەمیرتاش دەنێرێت و دەڵێت، پیرۆزبایی خەڵاتی زیندانیی ئازات لێدەکەم و هەتا بڵێی بیرم لاتە.

 

مەلا بەختیار، لێپرسراوی دەستەی کارگێڕی مەکتەبی سیاسیی یەکێتیی نیشتمانیی کوردستان لەڕێگەی نامەیەکی دەستنووسەوە پیرۆزبایی خۆی ئاراستەی سەلاحەدین دەمیرتاش دەکات بە بەبۆنەی وەرگرتنی خەڵاتی بوێریی سیاسیی ساڵی 2019.

 

لە نامەکەدا مەلا بەختیار دەنووسێت "هاوڕێم، سەلاحەدین دەمیرتاش، لە باشوورەوە گەرمترین سڵاوی هاوڕێیانەت لێدەکەم، هەتا بڵێی بیرم لاتە، لە هەمان کاتدا سەرمان پێت بەرزە، لە دڵەوە پیرۆزبایی خەڵاتی زیندانیی ئازات لێدەکەم، گەرچی خەڵاتی گەورەتر شایستەتە، دڵنیام زیاتر سەرمان بەرز دەکەی".

 

هاوكات نوسیویەتی ئومێدی ئازادبوون لە زیندان بۆ دەمیرتاش دەخوازێت و دەشڵێت "چاوە پڕ لە ئومێدەکەت ماچ دەکەم، گومانم نییە، دەزانیت کونجی زیدانت کردووەتە خەڵوەتی خەبات و بەرخودان، چاوەڕێی ئەو رۆژەم لە ئامێزی ئازادیت بگرم".


رۆژی 15-11-2019 لە سوێد خەڵاتی بوێریی سیاسیی بۆ ساڵی 2019 درا بە سەلاحەدین دەمیرتاش، لە کاتی خەڵات كردنەكەدا هاوژینی سەلاحەدین دەمیرتاش ئامادەی رێوڕەسمەکە بوو.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure