قوباد تاڵەبانی
1283 جار بینراوە 13/11/2019 06:36 PM

قوباد تاڵه‌بانى هه‌ڵوێستى گرنگى ڕاگه‌ياند



سنور ميديا 

قوباد تاڵه‌بانی، جێگری سه‌رۆكی حكومه‌تی هه‌رێمی كوردستان رایگه‌یاند، زیندان شوێنی رۆژنامه‌نووس و ره‌خنه‌گران نیه‌ و ده‌بێت نووسین به‌ نووسین وه‌ڵام بدرێته‌وه‌، ده‌شڵێت: "هه‌وڵ ده‌ده‌ین كۆتایی به‌م جۆره‌ مامه‌ڵه‌ كردنه‌ له‌گه‌ڵ نووسه‌ران و رۆژنامه‌نووسان بهێندرێت".

 

لەسەر سكاڵایه‌كی کۆن کە پێشتر بە کەفالەت ئازاد کرابوو، ئەمرۆ چوارشه‌ممه‌ 13ی تشرینی دووه‌می 2019، دادگای کەلار کەفالەتەکەی هەڵوەشاندەوە و بریاریدا بە ده‌ستبه‌سه‌ركردنی ئازاد عوسمان، بەرێوەبەری رادیۆی دەنگ تا رۆژی دووشەممەی داهاتوو.

 

ئازاد عوسمان بەرێوەبەری رادیۆی دەنگ پێشتر لەسەر دۆسیەیەك بە كەفالەت ئازاد كرابوو، بەڵام ئەمڕۆ چوارشەممە دادگای کەلار کەفالەتەکەی هەڵوەشاندەوە، هەروەها دەستبەسەركردنی تا رۆژی دووشەممە 18ی تشرینی دووه‌می 2019 راگەیاند.

 

قوباد تاڵه‌بانی، جێگری سه‌رۆكی حكومه‌تی هه‌رێم له‌ باره‌ی ده‌ستبه‌سه‌ركردنی ئازاد عوسمان-ه‌وه‌ له‌ لاپه‌ڕه‌ی تایبه‌تی خۆی له‌ فه‌یسبوك نووسینێكی بڵاوكرده‌وه‌و رایگه‌یاند: "زیندان شوێنی رۆژنامەنووس و رەخنەگران نییە، بەڵکو شوێنی دز و پیاوکوژانە، نووسین بە نووسین وەڵام دەدرێتەوە، ئەگەر رۆژنامەنووسێکیش هەڵەیەکی کرد و بێ بەڵگە کەسێک و لایەنێکی تۆمەتبار کرد ئەوا یاسای کاری رۆژنامەگەریمان هەیە و دەبێت بەپێی یاسا مامەڵەی لەگەڵدا بکرێت، نەک پەنا ببرێت بۆ دەستگیرکردن و هەڕەشە و توندوتیژی".

 

قوباد تاڵه‌بانی، ئاماژه‌ی به‌وه‌شداوه‌: "لەماوەی داھاتودا کۆبوونەوەیەکی بەرفراوان لەگەڵ لایەنە پەیوەندیدارەکان و رۆژنامەنووسان رێک دەخەم بۆ ئەوەی رێوشوێنێک بدۆزینەوە بۆ چۆنیەتی کۆتاییهێنان بەم جۆرە مامەڵەکردنانە کە دواھەمینیان دەستگیرکردنی رۆژنامەنوس (ئازاد عوسمان)ە".

 

زۆرترین خوێندراوە

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure