مه‌لا به‌ختيار
223 جار بینراوە 6/11/2019 04:16 PM

مه‌لا به‌ختيار نوێترين هه‌ڵوێستى ڕأگه‌ياند له‌سه‌ر حكومه‌ت و حزبه‌ سياسيه‌كان



سنور ميديا 

بەرپرسى دەستەى کارگێڕى مەکتەبى سیاسى یەکێتى دەڵێت، هێشتا لە هەر چوار بەشەکەی کوردستاندا، هێزە سیاسیەکان، تەنانەت حکومەتی هەرێمیش، چارەکێکی سیاسەت و دەسەڵاتیان بەپێی ئەرکەکانی سەردەمەکە نەگۆڕیەوە.

 

لە وتارێکدا مەلا مەلا بەختیار یەکێتى بەرپرسى دەستەى کارگێڕى مەکتەبى سیاسى یەکێتى کە نزیکەى ساڵێکە لەماڵەوە دانیشتووە نوسیویەتى"لە (٢٠١١)وە، بەناو بەهاری عەرەبی سەری هەڵداوە، ئەوەتا قۆناغی دووەمی راپەڕینەکان جەزائیرو لوبنان و سودان و عیراقیشی گرتۆتەوە. دروشمی خۆپیشاندەران دیارە، کە رەنگدانەوەی گۆڕانکاریەکانی سەردەمەکەن و لە ژێر کاریگەری سۆسیال-میدیان و سەر بە حیزب و مەزهەب و دەسەڵاتداران، رەت دەکەنەوە، کەچی هێشتا، لە هەر چوار بەشەکەی کوردستاندا، هێزە سیاسیەکان، تەنانەت حکومەتی هەرێمیش، چارەکێکی سیاسەت و دەسەڵاتیان بەپێی ئەرکەکانی سەردەمەکە نەگۆڕیەوە".

 

مەلا بەختیار ئاماژەى بەوەشکردوە، هێشتا گەندەڵان نەگلاون و مشەخۆران بەدەنگی بەرز ئەمشێنن و هەلپەرستی بۆتە دەمڕاستی.

 

هەروەها ناوبراو باسى لەوە کردوە، زۆربەی لایەنە سیاسیەکان‌و کاربەدەستان، هێشتا قۆناغی گوتاری (ئەی رەقیب)یان جێ نەهێشتوە،ئەگەر شارەزایەک سەد گوتاری سیاسیەک، یان کاربەدەستێک، لەناو حیزبەکان و حکومەت، لە ساڵانی رابوردو هەڵبسەنگێنێ، بە ئاسانی دەتوانێ بیسەلمێنێ، کە ناوەرۆکی وتارەکانیان، یەک مەبەست و یەک ئاڕاستەیە.. ئەویش ناوەرۆک‌و ئاڕاستەی گۆتاری سواوی کلاسیکیە.

 

هەروەها مەلا بەختیار وەک تانەیەک لە حزبەکانى هەرێم دەڵێت"بۆ خۆدەرخستن، مەنێرن بە دوای ئۆرگانەکاندا قسەی سواوی بۆ بکەن، کرێی سەیارە مەدەن هەتا شوێنیكۆبونەوەكان قەرەباڵغ بكەن، ئەمڕۆ بواری دیكە زۆرە بۆ ئەوەی گوتارەكانتان بگەیەنن، بە كورتی دەڵێین گوتارە سواوەكان واز لێ بهێنن، كارتان بەوە تەواو نابێ، دەڵاڵی فەیسبوك بەكرێ بگرن بۆ ئەوەی وێنەو هەواڵەكانتان بڵاوبكەنەوە".

بەرپرسى دەستەى کارگێڕى یەکێتى ئەوەش رووندەکاتەوە، ئەو کاربەدەستانەی لە بەغداد و جەزائیر و سودان و لوبنان، دەڵاڵی فەیسبوکیان هەبوو یان هێزی چەکداری تایبەتیان هەبوو یاخود تەکەتولیان هەبوو ئەوەتا چارەنوسیان دەبینین چیان بەسەر هاتووە.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure