سنور ميديا
152 جار بینراوە 4/11/2019 03:20 PM

دوو نووسەر لەسەر بەرگریكردن لە ئەدەب دەدرێنە دادگا



سنور ميديا 

هەردوو نووسەر و رەخنەگری گۆڤاری شیعر، كە گۆڤارێكی رەخنەییە و تا ئێستا(8) ژمارەی لێدەرچووە. (زانیار محەمەد و ئارام سدیق) پاش ئەوەی یەكی وتارێك لەسەر خراپی و كرچوكاڵی نووسینەكانی نووسەرێك بەناوی (توانا ئەمین)وە دەنووسن، ناو براویش بە مادەی خراپ بەكار هێنانی مۆبایل شكاتیان لێدەكات و رووبەرووی بنكەی پۆلیسیان دەكاتەوە.


هەردوو نووسەر (زانیار محەمەد و ئارام سدیق) لەماوەكانی رابردوودا یەكی وتارێك لەسەر خراپی ئەدەبی ناوبراو دەنووسن، كە ئەدەبێكی كرچوكاڵ و زڕ و بازارییە و، كاریگەری خراپی دەبێت لەسەر ئەدەبی جدی. هەرپاش نووسینی وتارەكانیان، ناوبراو لەبری وەڵامدانەوەی رەخنەكانیان تا بیسەلمێنێت ئەدەبەكەی كرچوكاڵنییە و ئەدەبێكی جدییە، بۆ بەرگریكردن لە خۆی داوای یاسایی لەسەر هەردوو نووسەرەكە تۆمار دەكات و كێشەی رەخنەگرتن لە نووسینەكانی دەباتە دادگا.


ئەمڕۆ 4_11_ هەردوو نووسەرەكە دەچنە بنكەی پۆلیسی (ئیبراهیم ئاحمەد) و پاش ئەوەی (ئیفادە)یان لێوەردەگیرێت بە كەفالەتی(300)هەزار ئازاد دەكرێن. لەماوەی چەند ساڵی رابردوودا ئەمە یەكەمجارە نووسەری رەخنەگری دەقی ئەدەبی، لەسەر رەخنە لە دەق، داوای یاساییان لەسەر تۆماربكرێت و لەسەر بەرگریكردن لە ئەدەبی جددی و رەخنە گرتن لە ئەدەبی ناجددی و كرچوكاڵ بدرێنە دادگا.


دوو نووسەرەكە لە وتارەكانیاندا رەخنە لەو جۆرە ئەدەبە دەگرن هیچ مانایەك و قوڵییەكی تێدانییە و، بە ئەدەبێكی زڕ و خراپ وێنای دەكەن و بە جۆرێك لە ئەدەبی نمایشی باسیدەكەن كە كاریگەری خراپی لەسەر ئەدەبی جدی هەیە، و بەشێوەیەكی گشتی لەوتارەكانیاندا بەرگری لە ئەدەبی جددی دەكەن لە بەرامبەر ئەدەبی بێكەڵكدا، كە ئەو ئەدەبە بێكەڵكە هیچ نییە جگە لە قسەی كرچوكاڵی رۆژانە. ئەم رەخنانەی نووسەرەكان لەبری وەڵامدانەوەیان رووبەرووی دادگایان دەكاتەوە.


هەردوو نووسەرەكە پێانوایە: شوێنی رەخنەگرتن لە ئەدەب و هەڵسەنگاندنی ئەدەب بنكەكانی پۆلیس نییە و، جێگای سەر سوڕمانیانیانە كەسێك نەتوانێت بەرگری لە ئەدەبە خراپەكەی خۆی بكات، نووسەران بەرەو بنكەكانی پۆلیس و دادگان ببان. پاشان بە مەترسیدەزان كە رەخنەی ئەدەبی بگوازرێتەوە بۆ ناو بنكەكانی پۆلیس و هۆڵەكانی دادگا لەكاتێكدا شوێنی یەكلایكردنەوەی ئەدەبی جددی لە ئەدەبی كرچوكاڵ ناو گۆڤارە رەخنەیی و ئەدەبییەكانە، لەوەش مەترسیدار بە مادەییەكیش داوایان لەسەر تۆماربكرێت ئەو مادەیە هیچ پەیوەندی بەنووسین و نووسەرانەوە نییە و، مادەیەكە تەنها بەرپرسەكان بەكاریاندەهێنا بۆ سەركوتكردن و بێدەنگكردنی نووسەران و رۆژژنامەنووسان، ئەمڕۆ كەسێكیش بەناوی بەرگریكردن لە ئەدەبی زڕو كرچوكاڵەكەیەوە بەهەمان سلۆكی بەرپرسەكانەوە بەو ماددەیە رەخنەگرەكان رووبەروی دادگا دەكاتەوە و دەیەوێت بەم ماددەیە بەرگری لە نووسینە خراپ و كروچو كاڵەكانی بكات، چونكە توانای نییە رەخنە بە رەخنە جواب بداتەوە و نووسین بە نووسین جواب بداتەوە، بۆ بەرگریكردن لە ئەدەب وێرانەكەی بە ماددەی خراپ بە كارهێنانی مۆبایل هەوڵدەدات كەس ئەدەبە كرچوكاڵە و زڕەكەی كەشف نەكات.

 

2019124112019_343.jpg

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure