سنور ميديا
116 جار بینراوە 3/11/2019 03:58 PM

ئاسایشی گەرمیان ڕاگەیەنراوێكى ڕاگەیاند



سنور ميديا 

پاش ئەوەی لە چەند مانگی ڕابردوودا لە لایەن هێزەکانی بەرێوەبەرایەتی ئاسایشی گەرمیانەوە توانرا دەست بە سەر چەند ئۆتۆمبیلێکی جۆری ترێلەی بارهەڵگردا بگیرێت کە بە شیوەی شاراوەو قاچاخ و نایاسایی کۆمەڵێک زۆر دەرمانی پزیشکيیان بارکردبوو و هێنابوویان بۆ سنووری هەرێمی کوردستان.


لە سەر بڕیاری بەرێز دادوەری لێکۆڵینەوە لیژنەیەک لە سەندیکای دەرمانسازان بۆ دەرمانەکان پێکهێنرا و بەچەند قۆناغێک لە لایەن لیژنەکەوە بڕیار لە سەر چارەنووسی دەرمانەکان درا و قۆناغی یەکەم بەشێکی زۆری دەرمانەکان کە کێشەی یاسایی و تەندروستیيان نەبووە ڕادەستی خاوەنەکانیان کرایەوەو قۆناغی دووەم بەشێک لەو دەرمانانە بە بڕیاری بەرێز دادوەری لێکۆڵینەوە و لە سەر پێشنیاری لیژنەی پسپۆری دەرمانسازی بۆ خزمەتی گشتی دابەش کرا بە سەر نەخۆشخانەکانی هەرێمی کوردستان و قۆناغی سێهەم بەشێک لەو دەرمانانەی کە شیاوی بەکارهێنان نەبوون و ماوەکەیان بە سەرچووبوو و لە بازاڕدا قەدەغەکرابوون بە شێوەی سوتاندن لە بەرواری31/10/2019 لە لایەن لیژنەی پسپۆڕی سەندیکای دەرمانسازانی کوردستان و بە ئامادەبوونی نوێنەری بەرێوەبەرایەتی ئاسایشی گەرمیان لە ناوبران و ئەو دەرمانانەش بریتی بوون لە..

 

(Neurica 3888 box 75 mg +Neurica 900 box 40 mg+Torix 3450 box 90 mg).

هەروەها لە سەر هەمان دۆسییە پێشتر کۆمەڵێکی تر دەرمانی ماوە بەسەرچوو و قەدەغەکراو لە سەر بڕیاری هەمان لیژنە بە شێوەیە سوتاندن لە ناوبراون.


قۆناغی چوارەم ئەو دەرمانانەی کە ماون لە لایەن لیژنەی ناوبراوەوە نموونەیان نێردراوە بۆ تاقی کردنەوەو بڕیاردان لە چارەنووسی ئەو دەرمانانە.


جێی ئاماژەیە لە لایەن بەرێز دادوەری لێکۆڵینەوەوە چەند تۆمەتبارێک بە پێی ماددەی (50)ی دەرمانسازی دەستگیرکران و تا رۆژی دادگایی کردنیان بە کەفالەت ئازادکراون و لێکۆڵینەوەش لەو بارەیەوە بەردەوامە.


بۆ ئاگاداریتان.. لەگەڵ رێزدا

 


بەرێوەبەرایەتی ئاسایشی گەرمیان


ڕاگەیاندن و پەیوەندیەکان

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure