گۆڕان ئه‌نزبات
264 جار بینراوە 3/11/2019 03:17 PM

په‌رله‌مانتارێكی گۆڕان كه‌یسێكی گه‌نده‌ڵی به‌ ورده‌كاریه‌وه‌ ئاشكرا ده‌كات



سنور میدیا

پاش چەند سەردانێکمان بۆ بەڕێوەبەرایەتی گشتی ڕۆشنبیری و هونەر لە سلێمانی و وەزارەتی ڕۆشنبیری ، بۆمان دەرکەوت کە ئەو بڕە پارەیەی پایتەختی ڕۆشنبیری کە هەرکەس و لایەنێک نابەرپرسانە هەڵدەستن بە لێدوان و نوسین، بەبێ زانیاری وردو بەدواداچون هەڵەن و دورن لە ویژدان و حەقیقەت و لێپرسراوەتیەوە....


ئەرکی ئێمەی پەرلەمانتارە داکۆکی لە مافی هاوڵاتی بکەین و نەهێڵین مافی بخورێت.. بەڵام نابێ ڕێگاش بدەین ناوی کەس بەناهەق بزڕێنرێت چونکە ئەوەش دەبێتە پێشێلکردنی ماف و ناحەقیە .
مافی میلەت وەک بودجە و مافی پاراستنی کەسێتیەکان، بە ئەرک و کاری سەرەکیمان دەزانین.


لەو بەدوادا چونەدا ئەم ڕون کردنەوانە دەدەم:

 

۱- لەو 20 ملیارەی پایتەختی ڕۆشنبیری بڕی ۱۸٫٥(هەژدە ملیار و نیو)ی پێش بەڕێز بابەکر دڕەیی بەئیمزای وەزیرەکان و بەڕێوەبەرەگشتیەکانی پێشتر سەرف کراوە.

 

۲- بڕی ۱٫٥ (یەک ملیار و نیو) لەو 20ملیارەی پایتەختی ڕۆشنبیری بە ئیمزای بەڕێز بەڕێوەبەری گشتی سەرف کراوە بۆ هونەرمەندانی سلێمانی و شارەکانی تر وەک ، سید سادق ـ ڕانیە ـ چەمچەماڵ ـ پێنجوێن ـ شارەزور ـ دوکان ـ دەربەندیخان قەڵادزێ، و شوێنە پێویستەکانی تری سەربە بەڕێوەبەرایەتی گشتی...

 

۳- لەئێستادا ڕاپۆرتی خۆمان وەک لیژنە ی ڕۆشنبیری و ورزش ولاوان و کۆمەڵگەی مەدەنی بەرزکردۆتەوە بۆ سەرۆکایەتی پەرلەمان و ئەوانیش بە دەستەی دەست پاکی و دەزگای چاودێری دارایی سپاردوە ، لە ئێستادا سەرقاڵی وردبینی و بەدواداچون و لێکۆڵینەوەن لەو پارەیەیی پێشو کە سەرف کراوە، بۆیە ئێمە چاوەڕوانی بڕیاری دەزگای چاودێری دارایی دەستەی دەست پاکی دەکەین .

 

٤- ئێمە وەک پەرلەمانتار ڕێگە نادەین کەس حەقی میلەت بخوات و بەهەمو هەوڵێکەوە لێبڕاوانە بەدوای مافی خەڵکەوە دەبین و توانامان وەگەڕ دەخەین، لەهەمان کاتدا هەر هەوڵێک بۆ ناو زڕاندن و لەکەدارکردنی هەر کەس و لایەنێک تاوانەو کەسان و لایەن و تەنانەت ڕاگەیاندنەکانیش ڕوبەڕوی بەرپرسیارێتی ئەخلاقی و یاسایی دەبنەوەو لە حاڵەتی بەردەوامبونی شکانی یەکتریدا، سلێمانیش وەک پایتەختی ڕۆشنبیری زیانی لێدەکات و سومعەی ناشرین دەبێت...


هیوادارین میللەتەکەمان متمانەی بە نوێنەرەکانی هەبێت و دڵنیا بن کە ئێمە وەک نوێنەرانی میلڵەت باز بەسەر کەسدا نادەین و لە کۆتاییدا ڕاستیەکانیش هەر دەخرێنە ڕوو...
2/11/2019 گۆران عمر

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure