سنور ميديا
361 جار بینراوە 1/11/2019 03:59 PM

سه‌ركرده‌یه‌كی باڵای داعش زانیاری مه‌ترسیداری ئاشكرا كرد



سنور میدیا

سەركردەیه‌ك لە ڕێكخراوی داعش و یاریدەدەی ئەبو بەكر بەغدادی بووه‌، ڕایگەیاندووە، هێزەكانی سەر بە ڕێكخراوەكەی فەرمانیان لە ڕەجەب تەیب ئەردۆغانسەرۆكی توركیا وەرگرتووە بۆ هێرشكردنە سەر ناوچەی كۆبانێ‌ لە ساڵی 2014.

 

ئاژانسی فورات نیوز یڵاوی كردوه‌ته‌وه‌ كه‌ تەها عەبدولڕەحیم عەبدوڵڵا سه‌ركرده‌ی داعش و یاریده‌ده‌ری ئه‌بو به‌كر به‌غدادی لە دانپێدانانەكانیدا بۆ هێزەكانی سوریای دیموكرات و لە میانی لێكۆڵینەوەكان لەگەڵیدا ده‌ڵێت "بەغدادی لە ساڵی 2014 خۆی بۆ هێرشكردنە سەر دیمەشق ئامادەكردبوو، بەڵام لە دواساتدا پلانەكەی گۆڕی بەرەو شاری كۆبانێ‌".

 

بەوتەی سەركردەكەى داعش كە ئێستا لە زیندانەكانی هەسەدە دایە"بەغدادی داوای لێكردووە، هێرشبكاتە سەر كۆبانێ‌، ئەوان ڕێگرییان نواندووە، بەڵام ڕازایی نەبووە، پاشان زانیيان گۆڕانكارییەكە لە پلانەكەدا لەسەر داوا و پێداگریی ئەردۆغان بووە".

 

ئەو سەركردەیەی داعش كە یاریدەدەری ئەبو بەكر بەغدادی بووە وتیشی "هێرشكردنە سەر كۆبانێ‌ و گەمارۆدانی لە مانگی ئەیلولی 2014 تا كانوونی یەكەمی 2015 كە بووە مایەی ئاوارەبوونی دەیان هەزار كورد بەرەو باشووری توركیا، لەسەر فەرمانی ئەردۆغان بوو".

 

یاریدەدەرەكەی بەغدادی، زانیاریی تەواوی لەبارەی هێرشەكەی سەر كۆبانێ‌ ئاشكراكردووە كە لەلایەن ڕێكخراوەكەوە لە 13ی ئەیلولی 2014وە دەستیپێكرد و ڕایگەیاندووە"توركەكان داوایان لێكردی ئاراستەی جەنگەكەيان بەرەو كۆبانێ‌ بگۆڕن، پێداگریى زۆر هەبوو لەلایەن خودی ئەردۆغانەوە، دوای ئەوەش فەرماندەی شەڕەكە كە ئەبو یاسری عیراقی بوو، ڕەوانەی عیراق كرا بۆ بێدەنگكردنی، بەڵام یاسری بە باشی دركی بە ڕاستییەكە كرد".

 

دوای ئەوەی بۆ ماوەی چەند مانگێك شاری كۆبانێ‌ لە ڕۆژئاوای كوردستان لەلایەن چەكدارانی ڕێكخراوی داعشەوە گەمارۆدرا، یەكینەكانی پاراستنی گەل بە پاڵپشتی هێرشە ئاسمانییەكانی هاوپەیمانی نێودەوڵەتی بەسەركردایەتی ئەمریكا، توانییان لە 26 و 27ی كانوونی دووەمی 2015، بە تەواوەتی ناوچەكە كۆنترۆڵ بكەن، دوای ئەوەی داعش ناچاربوو پاشەكشەبكات.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure