ئاسايش
103 جار بینراوە 1/11/2019 11:31 AM

سزادان



سنور ميديا 

پاش ئەوەی هێزەکانی بەرێوەبەرایەتی ئاسایشی گەرمیان بە تۆمەتی بەکارهێنانی ماددەی هۆشبەرو بەکارهێنانی دراوی ساختە و وەرگرتنی (بەرتیل) لە شۆفێری بارهەڵگرەکان (7)حەوت تاوانباری دەستگیرکرد.


سەرۆکایەتی دادگای تاوانەکانی کەرکوک/گەرمیان هەر (7) حەوت تاوانبارەکەی سزادا.


لە چوارچێوەی هەڵمەتە بەردەوامەکانی هێزەکانی بەرێوەبەرایەتی ئاسایشی گەرمیان سەبارەت بە پاراستنی سەرو ماڵی هاوڵاتیان و پاراستنی سنوورەکە لە هەر دیاردەیەکی نەخوازراو و دەستگیرکردنی تاوانباران و ڕووبەڕووکردنەوەیان بە دادگا.


پاش ئەوەی لە چەند مانگی ڕابردوودا توانرا لە لایەن هێزەکانی بەرێوەبەرایەتی ئاسایشی گەرمیانەوە بە تۆمەتی بەکارهێنانی ماددەی هۆشبەر و بە کارهێنانی دراوی ساختە و وەرگرتنی (بەرتیل) لە شۆفێری بارهەڵگرەکان (7)حەوت تاوانبار دەستگیر بکرێن و پاش ئەوەی دۆسیەکەیان خرایە بەردەم بەرێز دادەوری لیکۆڵینەوەو هەروەها پاش چەندین دانیشتنی دادگا و خستنەڕووی تەواوی بەڵگەکان و دانپیادانانی تاوانباران بە تاوانەکانیاندا کە لە خوارەوە ئاماژەیان پێ دراوە سەرەنجام لە لایەن سەرۆکایەتی دادگای تاوانەکانی کەرکووک/گەرمیان بەم شێوەیە سزا دران.


1- /ع ا ج ا لە دایک بووی(1989)و دانیشتووی قەزای کفری لە بەرواری لە 17/6/2019 بە تۆمەتی بەکارهێنانی ماددەی هۆشبەر لە ناحیەی کۆکس دەستگیرکراوە و لە بەرواری9/10/2019 بە پێی ماددەی(14/2)ی هۆشبەر بە (3)سێ ساڵ زیندانی و بڕی(100,000)سەد هەزار دیناری عێراقی پێ بژاردن سزا درا.


2- ب ع م ا لە دایک بووی(2006) دانیشتووی ناحیەی رزگاری و بە تۆمەتی بازرگانی بە ماددەی هۆشبەر لە ناحیەی رزگاری دەستگیرکراوە و لە بەرواری10/10/2019 بە پێی ماددەی(14/1)ی هۆشبەر بە (1)یەک ساڵ زیندانی سزا درا.


3- م ن ا ن لە دایک بووی(1978) دانیشتووی ووڵاتی ئێران لە بەرواری لە 7/4/2019 بە تۆمەتی بەکارهێنانی ماددەی هۆشبەر لە پەروێزخان دەستگیرکراوە و لە بەرواری21/9/2019 بە پێی ماددەی(14/2)ی هۆشبەر بە (2)دوو ساڵ زیندانی و بڕی(100,000)سەد هەزار دیناری عێراقی پێ بژاردن سزا درا.


4- س ب ف ن لە دایک بووی(1991)و دانیشتووی ناحیەی (کۆکس) لە بەرواری 3/7/2019 لە ناحیەی (کۆکس) دەستگیرکراوە و لە بەرواری28/10/2019 بە پێی ماددەی(14)ی هۆشبەر بە (2)دوو ساڵ زیندانی و بڕی(100,000)سەد هەزار دیناری عێراقی پێ بژاردن سزا درا.


5- محمد برزان احمد لە دایک بووی(1996)و دانیشتووی قەزای کەلار لە بەرواری 10/10/2019 لە قەزای کەلار بە تۆمەتی بە کارهێنانی دراوی ساختە دەستگیرکراوەو لە بەرواری13/10/2019 بە پێی ماددەی(281)ی س بە (6) شەش ساڵ زیندانی سزادرا.


6- ع ح م لە دایک بووی (1974) و دانیشتووی قەزای(شارەبان)سەر بە پارێزگای دیالە لە بەرواری 14/8/2019 لە قەزای کەلار بە تۆمەتی بە کارهێنانی دراوی ساختە دەستگیرکراوەو لە بەرواری14/10/2019 بە پێی ماددەی(281)ی س بە(7)حەوت ساڵ زیندانی سزادرا.


7- ع ا ع خ لە دایک بووی 1976 دانیشتووی قەزای خانەقین بە تۆمەتی پارە وەرگرتن لە شۆفێری بارهەڵگرەکان لە بەرواری8/4/2018 لە گوندی(کۆکس) دەستگیرکراوەو لە بەرواری26/8/2019 بە پێی ماددەی(260)ی س بە دوو ساڵ زیندانی سزا دراوە پاشان لە بەرواری13/10/2019 بە هەمان ماددەی یاسایی له دۆسێیەکی تردا بە (2)دوو ساڵی تر زیندانی سزا دراوە.


دواتر بۆ بەرسەربردنی ماوەی سزاکانیان(6)شەش لەو تاوانبارانە ڕەوانەی بەرێوەبەرایەتی چاکسازی گەورانی سلێمانی کران و ناوبراوی خاڵی(2)بە هۆی تەمەنەکەیەوە ڕەوانەی چاکسازی ژن و منداڵان کراوه.

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure