سنور ميديا
896 جار بینراوە 25/10/2019 01:35 PM

سەعدی ئەحمەد پیرە ڕاگەیەندراوێكی بڵاوكردەوە



سنور ميديا 

نوسینگەی ڕۆژنامەوانی سەعدی ئەحمەد پیرە ڕوونكردنەوەیەكی بڵاوكردەوە، كە تێیدا ئەو بەڵگە ڤیدیۆیانە بەناڕاست وەسف دەكات، كە بە وتەی ئەو لەتۆڕە كۆمەڵایەتییەكان بڵاوكراونەتەوە.

 

سەعدی ئەحمەد پیرە، ئەندامی مەكتەبی سیاسی یەكێتی لەڕوونكردەوەیەكدا ڕایگەیاند، دەستێكی ڕەشی گێرەشێوێن بەسود وەرگرتن لە تەكنەلۆژیای سەردەم و ئەو پێشكەوتنانەی كە تەكنەلۆژیای دەنگ و ڕەنگ بەخۆوەی بینیوە، دەیانەوێت وەك ئامڕازێكی ئاژاوەگێڕی بەخراپی و بە مەبەست بەكاری بهێنن.


دەقی ڕوونكردنەوەكە:

روونكردنەوەیەك لە نوسینگەی ڕۆژنامەوانی سەعدی ئەحمەد پیرە


‎لە كاتێكدا هەنگاوەكان بەرەو بەستنی كۆنگرەی چوارەمی یەكێتی نیشتمانی كوردستان چڕتر دەبنەوە و لەوادەی ئەنجامدانی كۆنگرە نزیك دەبینەوە ،


‎بەداخەوە چەند ڕۆژێكە لە چەند ئەكاونتێكی بەمەبەست دروستكراو ، چەند كورتە ڤیدیۆیەك و هەندێك دەنگی دروستكراوی تێكەڵكراو لە تۆڕە كۆمەڵایەتییە جیاجیاكاندا بڵاوكراوەتەوە .

 

‎هەموو لایەك ئاگادار دەكەینەوە كە ئەم بابەتە دوور و نزیك پەیوەندی بە هەڤاڵ سەعدی ئەحمەد پیرە ئەندامی مەكتەبی سیاسی یەكێتی نیشتمانی كوردستانەوە نیە .

 

‎بەداخەوە هەست دەكەین دەستێكی ڕەشی گێرە شێوێن بەسود وەرگرتن لە تەكنەلۆژیای سەردەم و ئەو پێشكەوتنانەی كە تەكنەلۆژیای دەنگ و ڕەنگ خۆوەی بینیوە دەیانەوێت وەك ئامرازێكی ئاژاوەگێڕی بەخراپی و بە مەبەست بەكاری بهێنن.

 

‎بە ئاسایی دەبینین.

‎ لە نێو هەموو كۆمەڵگەیەكدا كەسانێك هەبن دڵ پڕ لە قین و ئاژاوە گێڕبن بەتایبەتی لەسەروبەندی گۆڕانكاری و هەنگاونان بەرەو قۆناغێكی تری ژیانی سیاسی كە لە ئێستادا یەكێتی نیشتمانی كوردستان بەو قۆناغەدا تێدەپەڕێت و لەسەر وبەندی ئامادە سازییە بۆ كۆنگرەی چوارەم .


‎دەمێكە پیرەمێردی شاعیر بۆ وەڵامی ئەو جۆرە كەسانە لە دێرێك لە شیعرەكانیدا دەڵێت
‎پەلی بەرد بۆ پەلی بەرزە
‎لەقەش بۆ سەرپەلی بەردار

‎لەگەل ڕێزماندا
‎نوسینگەی ڕۆژنامەوانی سەعدی ئەحمەد پیرە

 

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure