كه‌ش و هه‌وا
183 جار بینراوە 23/10/2019 01:46 PM

کەشناسی هەرێم چەند رێنماییەکی بۆ خۆپاراستن لە هەورەبروسكە بڵاوکردەوە



سنور ميديا 

كەشناسی و بومەلەرزەزانی هەرێمی کوردستان چەند رێنماییەکی بۆ خۆپاراستن لە هەورەبروسكە بڵاوکردەوە و رێنمایی هاوڵاتیان دەکات لەکاتی رودانیدا پەیڕەوی بکەن.

 

بەڕێوەبەرایەتی کەشناسی و بومەلەرزەزانی هەرێمی کوردستان رایگەیاندوە، "زۆرجار وا رێكدەكەوێت لەكاتی نزیكبونەوەی گێژەڵوكەی بروسكدا لە دەرەوەی ماڵدابیت، لەوکاتەدا دەستبەجێ تەلەفۆن و مۆبایلەكەت دابخە".

 

ئاماژەی بەوەشکردوە، "ئەگەر لە ژێر یان نزیك دارێكی درێژو تەنهانە بوی خێرا لێی دوربكەوە، هەروەها لە نزیك ستونەكانی كارباو تەلەفۆن و تاوێرەكانی پەیوەندی و گەیاندن دوربكەوە و لە شوێنی بەرزیشدا مەوەستە".

 

کەشناسی باسی لەوەشکردوە، "ئەگەر لە ناوچەیەكی كشتوكاڵی بیت ئەوا تا بكرێت دوربكەوە كە لەو شوێنانەی كە داری بەرزی لێیەو هەوڵبدە بگەیتە ناوچەیەكی دەشتایی و نزم كەە درەختی باڵا نزمی لێبێت".

 

کەشناسی رێنمایی هاوڵاتیانیش دەکات بەوەی، "تا بكرێت نەچینە روبەرە كراوەكان، ئەگەر بە ناچاری لە شوێنێكی وا بویت، دەستبەجێ لەسەر روی زەوی پاڵكەوە، یان لایەنی كەم دابنیشەو نەڕۆیتت تا گێژەڵوكەكە دور دەكەوێتەوە یان كۆتایی دێت".

 

کەشناسی رونیکردوەتەوە، لە كەلوپەل و ئامێری ئاسنینی وەك تەلبەندەكان و هەرچی جۆرە بارستە كانزایەكی كەڵەكەبو بێت دوربكەوە، هەروەها لە كەناراوەكانی وەك دەریاو دەریاچەكان و چەم و ناوچە شێدارەكان دوربكەوە.

 

لە یەکێکی دیکە لە رێنماییەکانیدا کەشناسی ئەوەی خستوەتەڕو، لە دەرەوەی ماڵەوەو لە كاتی نزیكبونەوەی گێژەڵوكەی بروسك ئامێرە کارەباییەکان بەکارنەهێندرێن، هاوکات ئەگەر لەناو ئۆتۆمبیل بویت، ئەوا دامەبەزە، چونكە پەیكەری ئۆتۆمبیلەكەت جۆرێك لە پارێزگاریت پێ دەبەخشێ.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure