موراد قەرەیلان
226 جار بینراوە 19/10/2019 06:55 PM

قەرەیلان: شەڕی نێوان کوردەکانمان بە شێوەیەک کە دووبارە نەبێتەوە داخستووه‌



سنور ميديا 

موراد قەرەیلان، فەرماندەی بڕیارگەی ناوەندی پاراستنی گەل رایگەیاند، شۆڕشی ڕۆژئاوا "دەستکەوتی نەتەوەییە، شەرەفی نەتەوەیە"، نرخی ئازادی جیهانە، پاراستنی ئەرکی نەتەوەیی هەموو کوردێکە، هەروەها پەیامێکیش ئاراستەی حکومەتی هەرێم و لایەنە سیاسییەکان دەکات.

 

موراد قەرەیلان، فەرماندەی بڕیارگەی ناوەندی پاراستنی گەل پەیامێکی بۆ 19مین کۆنگرەی ئاسایی کەنەکە بڵاوكرده‌وه‌ و رایگه‌یاند، "لە کاتێکدا کە لە چوارپارچەی کوردستان و ڕۆژهەڵاتی ناوەڕاست ڕووداوی نائاسایی ڕوودەدات، ئێمە 19مین کۆنگرەی کەنەکە ئەنجام دەدەین، بەهۆی بارودۆخەکە ناتوانین لەوێ بەشدار ببین، سڵاومان بۆ هەموو بەشداربووان هەیە، بڕوام وایە ئەنجومەنی گشتی کۆنگرەی کەنەکە دۆخەکە بە پێی هەستیارییەکان شیدەکاتەوە و گفتوگۆ دەکات و بە بڕیاری گرنگ لەبارەی تێکۆشانی دیموکراسی و ئازادی گەلی ئێمە و دیموکراسی ڕۆژهەڵاتی ناوەڕاست دەدات".

 

ئاماژه‌ به‌وه‌شده‌كات، "لەم کاتەدا کە کۆبوونەوەی ئەنجومەنی گشتی ئەنجام دەدرێت، دوژمنی کوردان دەوڵەتی تورکی فاشیست بۆ لەناوبردنی دەستکەوتەکانی بەڕێوەبەری خۆسەری باکور و ڕۆژهەڵاتی سوریا هیڕشی قورسی داگیرکەری ئەنجام دەدات، لە کەسایەتی ڕۆژئاوادا هێرش دەکاتە سەر دەستکەوتەکانی هەموو گەلی کورد لە ڕۆژهەڵاتی ناوەڕاست، دەیانەوێت جارێکیتر کورد بکەنە قوربانی بەرژەوەندی نێودەوڵەتی، بەڵام ئەمجارە سەرناکەون، گەلی کورد و ڕای گشتی جیهان و دۆستەکانمان لە دەوری جەنگی ڕۆژئاوادا بوونەتە یەکدەنگ و بەم شێوەیە ڕێگە بە سەرکەوتنی فاشیزمی دەوڵەتی تورک نادەن".

 

قەرەیلان له‌ په‌یامه‌كه‌یدا نوسیوویه‌تی، "ئێمە ئامادەین بۆ ئازادی گەلەکەمان بە هەموو شێوەیەک گیانمان بەخت بکەین و باج بدەین، بە پێشەنگایەتی گەلە قارەمانەکەمان لە باکور و ڕۆژهەلاتی سوریا و گەلەکەمان لە هەموو کوردستان و دەرەوەی وڵات بە تێکۆشانەکەیان مێژوویەکی نوێ دەنووسنەوە، هیوادارم کۆبوونەوە ئەنجومەنی گشتی کەنەکە دەبێتە هۆی ئەوەی لەدژی هێرشەکانی داگیرکەری فاشیستی تورک تێکۆشان لە دەوری شۆرشی ڕۆژئاوا فراوان ببێت، بە ناوی کەنەکە پێویستە ڕای گشتی جیهان لەدژی داگیرکەری هەستێنینە سەر پێ، شۆڕشی ڕۆژئاوا دەستکەوتی نەتەوەیە، شەرەفی نەتەوەیە، نرخی ئازادی جیهانە، پاراستنی ئەرکی نەتەوی هەموو کوردێکە".

 

فەرماندەی بڕیارگەی ناوەندی پاراستنی گەل باسی له‌وه‌كردووه‌، "هەندێک کەس دەڵێن پەکەکە دەیەوێت شەڕ بباتە باشور، بەڵام ئێمە دەستکەوتنی باشور وەک دەستکەوتی خۆمان دەبینین، ئێمە لە شەمزینانەوە تا دێرسم و زاگرۆس و سەرحەد لەدژی داگیرکەری دەوڵەتی تورک شەڕ دەکەین، ئێمە شەڕێکی زۆر سەخت بەڕێوەدەبەین، ئێمە شەڕمان نەهێناوەتە باشور بەڵکو دەوڵەتی تورکە کە شەڕی هێناوەتە باشور، لە لایەکیترەوە هەڵەیە پارچەکانی کوردستان لەیەکتری جیابکەینەوە".

 

ئه‌وه‌شی خسته‌ڕوو، "هەڵەیە هەموو پارچەکان وەک یەکتری ببینین، ئێمە وەک پەکەکە شەڕی نێوان کوردەکانمان بە شێوەیەک کە دووبارە نەبێتەوە داخستبوو، لە ئێستاشدا هەمان ڕامان هەیە بۆچی؟ بە هۆی ئەوەی ئێمە نەتەوەیەکین، چارەنووسمان یەکە، داوام لە حکومەتی باشوری کوردستان و پارتە سیاسیەکان ئەوەیە لەسەر ئەو بناغەیە نزیکی یەکتری ببنەوە، بە تایبەتی میدیای کورد، ڕۆشنبیر، نووسەر، هونەرمەند و رێکخستنەکانی کۆمەڵگای مەدەنی پێویستە ئاگادار بن و ڕۆڵەکێکی باش ببینن.

 

قه‌ره‌یلان رونیكرده‌وه‌، "لە عێراق لەدژی گەلەکەمان مەترسی بەردەوامە، لە باشوری کوردستان، بە تایبەتی لە کەرکوک تا شنگال لەدژی کورد پیلانی شاراوە هەن، پیلانی تورک ئەوەیە کەرکوک و هەندێک ناوچەی دیکە داگیر بکات، دەوڵەتی تورک باسی میساقی میللی دەکات، میساقی میللی باشوری کوردستان و باکوری سوریا دەگرێتەوە، لە ئێران قەیرانێکی گەورەی نێودەوڵەتی و ناوخۆیی هەیە، لە سوریا ئامانجی قێزەونی تورک بەردەوامە، بۆ ئەوەی هەموو ڕۆژئاوا داگیربکات بە هەموو هێزێکی هێرش دەکات، لە ڕۆژئاوا و باکوری سوری شانەی داعش هەن و تێکۆشان لەدژی ئەوانیش بەردەوامە".

 

ئه‌و سه‌ركرده‌یه‌ی په‌كه‌كه‌ هۆشداری ده‌دات و ده‌ڵێت، "لەم قۆناغەدا دوو مەترسی هەڕەشە لە کورد دەکات، یەکەم کورد پارچە پارچەیە و یەکێتی نەتەیان بەهێز نییە، لە سەرئاستی نەتەویش پێویستە ئێمە کێشەی یەکێتی لە یەکێتی حزبەکان جیابکەینەوە، لەبەرئەوەی نەتەوە بە تەنها لە حزبە سیاسییەکان پێک نایەت، هەموو لایەنە سیاسی، کۆمەڵایەتی، ئەتنیک، ئایینی و مەزهەبی و کەسایەتی کۆمەڵگا پێک دەهێنن و نەتەوەن، لە بەر ئەوەش ئەگەر خەباتی یەکێتی نەتەوەیی بەم شێوەیە بەڕێوەببرێت، هەم یەکێتی ڕاستەقینە دروست دەبێت، هەم وادەکات هێزە سیاسیەکان بەیەکەوە کۆببنەوە".

 

رونیشیكرده‌وه‌، "دووەمینیش ئەوەیە، کورد دۆزەکەیان بە تەواوەتی بۆ گۆڕەپانی نێودەوڵەتی ناگوازنەوە، لە گۆڕەپانی نێودەوڵەتی بە تەواوی پەیوەندی لەگەڵ هێزە سیاسییە دیموکراتەکان و گەلان دروست ناکەن، لە ڕاستیدا، مەسەلەی کورد لە سەرەتاوە مەسەلەیەکی نێودەوڵەتییە، لایەنەکانی پرسەکە بە تەنها دەوڵەتە داگیرکەرەکان نین، زلهێزەکانیش بەشێکن لە مەسەلەکە، ئەو کێشەی ئێستا دەبینرێت، ڕاستیەکە دەردەخات، زلهێزەکان لە ئێستادا پشتگیری لە دەوڵەتە داگیرکەرەکان دەکەن، لەبەرئەوەی بەرژەوەندیەکانیان بەو شێوەیە دەخوازێت، بەڵام بە تێکۆشانی گەلی کورد ڕەوشەکە گۆڕاوە".

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure