سنور ميديا
184 جار بینراوە 16/10/2019 07:05 PM

وه‌زاره‌تی دارایی خشته‌ی دابه‌شكردنی مووچه‌ی سه‌رجه‌م مووچەخۆرانی راگه‌یاند



سنور ميديا 

وه‌زاره‌تی دارایی و ئابووری حكومه‌تی هه‌رێمی كوردستان خشته‌ی دابه‌شكردنی مووچه‌ی سه‌رجه‌م وه‌زات و فه‌رمانگه‌كان و خانه‌نشینانی مه‌ده‌نی و سه‌ربازی راگه‌یاند.

 

وه‌زاره‌تی دارایی و ئابووری حكومه‌تی هه‌رێمی كوردستان له‌ خشته‌یه‌كدا دابه‌شكردنی مووچه‌ی سه‌رجه‌م وه‌زاره‌ت و ده‌سته‌كان و خانه‌نشینانی سه‌ربازی و مه‌ده‌نی راگه‌یاند.

 

به‌پێی خشته‌كه‌ رۆژی یه‌كشه‌ممه‌ 20ی تشرینی یه‌كه‌می 2019، وه‌زاره‌ته‌كانی داد، سامانه‌ سرووشتییه‌كان، ئه‌وقاف و كاروباری ئاینی، خوێندنی باڵا، ناوخۆ، به‌ڕێوه‌به‌رایه‌تی گشتی ره‌گه‌زنامه‌، لیوای نه‌وت، زێره‌ڤانی، به‌رگری و فریاكه‌وتن، ده‌زگای ئاسایش و ئه‌نجومه‌نی ئاسایشی هه‌رێم مووچه‌ی مانگی ته‌مموزی ئه‌مساڵ وه‌رده‌گرن.

 

هه‌ر به‌پێی خشته‌كه‌، رۆژی دووشه‌ممه‌ 21ی تشرینی یه‌كه‌می 2019، وه‌زاره‌ته‌كانی شاره‌وانی و گه‌شت و گوزار، كاره‌با، گواستنه‌وه‌و گه‌یاندن، پلاندانان، كشتوكاڵ و سه‌رچاوه‌كانی ئاو، دیوانی چاودێری دارایی، ده‌سته‌كانی مافی مرۆڤ، ناوچه‌كانی ده‌ره‌وه‌ی هه‌رێم، ژینگه‌، ده‌سته‌ی وه‌به‌رهێنان، ده‌سته‌ی ده‌ستپاكی، كۆمسیۆنی هه‌ڵبژاردن، دەزگای مین مووچەی مانگی تەمموزی ئەمساڵ وەردەگرن.

 

وەک لە خشتەکەدا ئاماژەی پێدراوە، رۆژی سێشه‌ممه‌ 22ی تشرینی یه‌كه‌می 2019، ئه‌م وه‌زاره‌تانه‌ مووچه‌ی مانگی ته‌مموزی 2019، وه‌رده‌گرن، وه‌زاره‌تی پیشه‌سازی و بازرگانی، وه‌زاره‌تی رۆشنبیری و لاوان، وه‌زاره‌تی ئاوه‌دانكردنه‌وه‌و نیشته‌جێكردن، سه‌رۆكایه‌تی هه‌رێم، سه‌رۆكایه‌تی په‌رله‌مان، سه‌رۆكایه‌تی ئه‌نجومه‌نی وه‌زیران.

 

رۆژی چوارشه‌ممه‌ 23ی تشرینی یه‌كه‌می 2019، مووچه‌ی خانه‌نشینانی سه‌ربازی و رۆژی پێنجشه‌ممه‌ 24ی تشرینی یه‌كه‌می 2019، مووچه‌ی خانه‌نشینانی مه‌ده‌نی دابه‌شده‌كرێت.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure