سنور ميديا
2225 جار بینراوە 10/10/2019 01:00 PM

په‌كه‌كه‌ جوڵه‌ ده‌كات



سنور ميديا 

کۆمیتەی بەڕێوەبەرایەتی پارتی کرێکارانی کوردستان (پەکەکە) رایگەیاند، لە دژی هێرشەکانی دەوڵەتی تورکیا هەمو ماڵ و کۆڵانێک دەبێتە بەرەیەکی شەڕ، داواشی لە هێزەکانی هەپەگە و یەژاستار کرد لە باکوری کوردستان چالاکیەکانیان دەستپێبکەنەوە.

 

کۆمیتەی بەڕێوەبەرایەتی پارتی کرێکارانی کوردستان (پەکەکە) لە راگەیەندراوێکدا رایگەیاندوە، لە کاتێکدا سوپای تورکیا هێرشدەکاتە سەر ئیدارەی باکوری سوریا و "دەخوازێت ئەوەی داعش پێینەکراو، ئەوان تەواوی بکەن" بەوەش جارێکی دیکە مێژو ئەو ئەرکەی پێداون کە بۆ شەرەف و مرۆڤایەتی و ئازادی تێبکۆشن.

 

ئاماژە بەوەشکراوە، سوپای تورکیا لە رێگەی ئەو ئۆپراسیۆنەوە دەخوازێت خەڵکی ناوچەکانی رۆژهەڵاتی فورات ئاوارە بکەن و سەر لە نوێ "چەکدارانی داعش زیندو بکەنەوە" کە لەسەر دەستی هەسەدە لەناوبران.

 

لە راگەیەندراوەکەی پەکەکەدا ئەوەش خراوەتەڕو، تورکیا دەخوازێت بەوهێرشەی دەستکەوتەکانی گەلانی باکور و رۆژەهەڵاتی سوریا لە ناوببات و ئەو هێزەی داعشی تێکشکاندا لاواز بکات، بەڵام "لە باوەڕ و بڕیاری ئێمەدا سەبارەت بە سەرکەوتنمان هێچ گومانێکمان نیە".

 

پەکەکە دەشڵێت، "داوا هێزەکانی هەپەگە و یەژا ستار دەکەین لە هەر کوێیەک بون چالاکییە گەریلایەکانیان لە دژی دەسەڵاتی فاشیزمی ئەکەپە-مەهەپە زیادبکەن".

 

رونیشیکراوەتەوە، "داواش لە گەنجانی هەر چوار پارچەی کوردستان دەکەین لە بەرامبەر هەوڵەکانی داگیرکاریدا دەست بەچالاکی بکەن و لە دەوری سەرکەوتنی رۆژئاوادا کۆببنەوە".

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure