مه‌سرور بارزانى
500 جار بینراوە 7/10/2019 04:35 PM

مەسرور بارزانى: پڕۆسەى چاکسازى بە جۆرێک دەبێت مووچە پارێزراو دەبێت



سنور ميديا 

ئەمڕۆ دووشەممە بەسەرپەرشتی مەسرور بارزانی سەرۆکی ئەنجومەنی وەزیرانی هەرێم و ئامادەبوونی قوباد تاڵەبانی جێگری سەرۆکی ئەنجومەنی وەزیران، لیژنەی هەماهەنگی نێوان پەرلەمان وحکومەتی هەرێمی کوردستان تایبەت بە پڕۆژە یاسای چاکسازیی لە مووچە و دەرماڵە و خانەنشینی وئیمتیازاتەکانی دیکە کۆبووەوە.


بەپێى راگەیەنراوێکى ئەنجومەنى وەزیران، لە کۆبوونەوەکەدا گفتوگۆی پێویست دەربارەی یاسای چاکسازی کرا و چەخت لە سەر گرنگی ئامادەکردنی یاساکە و ناردنی بۆ پەرلەمانی کوردستان کرایەوە.
مەسرور بارزانی رایگەیاندوە، بە گرنگی ئەنجامدانی چاکسازی کرد کە تەوەرێکی گرنگی هێڵە گشتییەکانی کارنامەی کابینەی نۆیەمی حکومەتی هەرێمی کوردستانە .

 

لەمبارەیەوە سەرۆکی ئەنجومەنی وەزیران وتی" خواست و ئیرادەمان بۆ ئەنجامدانی چاکسازی زۆر بەهێزە و بە هاوکاری پەرلەمانی کوردستان ئەنجامی دەدەین ئامانجی چاکسازییش بەدیهێنانی دادپەروەی و بەدامەزراوەییکردنی دامودەزگاکانی هەرێمی کوردستانە و پرۆسەی چاکسازیش دەبێ لە خزمەتی بەرژەوەندی گشتی و زۆرینەی خەڵکی هەرێمی کوردستان بێت ".


لە کۆبوونەوەکەدا جەخت لەوە کرایەوە کە گفتوگۆی زیاتر دەربارەی پڕۆژە یاساکە بکرێت و کۆبوونەوەکان لەمبارەیەوە بەردەوام دەبن تا گەڵاڵەکردنی رەشنووسی کۆتایی و ناردنی بۆ پەرلەمانی کوردستان.

 

هەروەها ئەوەشخرایەروو کە پرۆسەی چاکسازی بە جۆرێک دەبێت کە دادەپەوەری لە بەرچاو دەگیرێت و مووچەخۆری شایستە ، ماف و شایستە داراییەکانی بە پێی یاسا و رێنماییەکان پارێزراو دەبێت.

 

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure