مه‌حمود سه‌نگاوی
3998 جار بینراوە 3/10/2019 05:08 PM

سه‌نگاوى دواجار له‌سه‌ر ڕێگريه‌كه‌ى هاته‌ ده‌نگ



سنور ميديا 

مەحمود سەنگاوی، ئەندامی مەكتەبی سیاسی یەكێتی نیشتمانی كوردستان رایگەیاند، بەندە لەسەر فەرمانی سەركردایەتی یەكێتی لەبەرانبەر گێڕانەوەم لەبازگەی سماقولی بێدەنگیم هەڵبژاردووە.

 

ئەوە یەكەم جارە مەحمود سەنگاوی لەبارەی رێگری لەچوونی بۆ هەولێر قسە دەكات، دوای ئەوەی سەرەتای ئەم مانگە رێگەی پێنەدرا بچێـتە شاری هەولێرەوە، كە كاردانەوەی گەورەی دروست كرد.

 

مەحمود سەنگاوی راشیگەیاند، جەنابی مام هەرگیز لەگەڵ شەڕی برا كوژیدا نەبووە، لەو پێناوەشدا زۆر تەنەزولمان كرد، كە بەرامبەرەكانمان بەداخەوە وا تێدەگەن، كە ئەوە لە لاوازیماندایە.

 

ئەو ئەوەشی راگەیاند، "ڕۆژێك پێش گێڕانەوەی من كاك مەسعود بارزانی بە كاك دكتۆر بەرهەمی گووتوە (من پیاوێكی بچووكم ئیشی گەورەم پێ ناكرێت)".

 

لەبارەی دەست لەكاركێشانەوە كاك قوباد تاڵەبانییشەوە، ناوبراو رایگەیاند، دەست لەكاركشانەوەی هەروا شتێكی سادە و ئاسان نییە و مانادارە، لە ئەگەری بە سێبەر كردنی سەرجەم جومگەكانی دەسەڵات لەلایەن مەسرور بارزانییەوە یەكێتی نیشتیمانی كوردستان ڕەنگە تەحەمول نەكات.

 

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure