شاسوار عەبدولواحید
1395 جار بینراوە 2/10/2019 09:20 PM

شاسوارعەبدولواحید داواى خۆپیشاندان لە شارەکانى هەرێم دەکات



سنور ميديا 

سەرۆکى جوڵانەوەى نەوەى نوێ بانگەشەى خۆپیشاندان لە شارەکانى هەرێمى کوردستان دەکات هاوشێوەى ناوەڕاست و شارەکانى خوارووى عێراق.


لەپەیامێکدا پۆ پشتیوانیکردن لە خۆپیشاندانەکانى بەغدا شاسوار عەبدولواحید سەرۆکى نەوەى نوێ رایگەیاندوە"هەمو ئەو گوزەران خراپیەی هاوڵاتیان و دزیینی سەروەتی وڵات لە لایەن بەرپرسان، ناعەدالەتیی و نەبوونی خزمەتگوزاریی کە لە بەغداد و باشووری عێراق هاوڵاتییان باسی لێوە دەکەن، ئەوە لە هەرێمی کوردستان زۆر بەزیادەوە بوونی هەیە.


ئاماژەى بەوەشکردوە، لە هەرێمی کوردستاندا نەک ئەوانە هەن، بەڵکو موچەی فەرمانبەرانیش نادەن و هاوڵاتییان و کاسبکارانی ناو بازاڕ لە دۆخێکی ئەوپەڕی خراپییدان.


سەرۆکى جوڵانەوەکە راشیگەیاندوە، کوردستان "بێ ساحیبە" و ئەوەی هەیە ئەوەیە کە هەر بەرپرسە و دەستی گرتووە بەسەر بازرگانیی و بزنسێکدا و قووتی میلەتیان گرتووە و خەریکی خۆیان و مناڵەکانیانن دەوڵەمەندیان کەن.


هاوکات شاسوار عەبدلواحید دەشڵێت"ئایا ئەگەر ئێستا خەڵک ڕانەپەڕێت و ناڕەزایەتیی دەرنەبڕێت و داوای مافی خۆی نەکات، ئەوە کەی دەیکات، من بەش بە حاڵی خۆم لەگەڵتانم، ئامادەم خۆم لەگەڵتان بێمە سەر شەقام و داوای مافی خەڵکی بەشخوراوی وڵاتەکەمان بکە".


باسى لەوەشکردوە، دەبێت مامۆستا و كاسبکار، فەرمانبەر و دانەمەزراو، چینی هەژار و مام ناوەند، رۆشنبییر و هاوڵاتیی ئاسایی، هەموو پێکەوە پشتی یەکتر بگرن و پێکەوە بێینە سەر شەقامەکان..


شاسوار عەبدولواحید ئەوەش دەخاتەڕوو، پارتیی و یەکێتیی پێیانوایە خەڵک هیچ ناکات و نارەزایی دەرنابڕێت. بەلام بەوتەى خۆى تەنها چوونیان بۆ سەر شەقام و دانیشتنیان لەسەر جادەکان، پەیامێکی زۆر ڕوونە بۆ دەسەڵات و گۆڕانکاریی گەورە بە دوای خۆیدا دەهێنێت.


ئەم بانگەشەیەى شاسوار عەبدولواحید هاوکاتە لەگەڵ بەرێوەچوونى خۆپیشاندانى هاوڵاتیان لە بەشێک لە شارەکانى ناوەڕاست و خوارووى عێراق کە چەند رۆژێکە دەستی پێکردوە بەهۆى نەبوونى خزمەتگوزارییە سەرەتاییەکان و دانەمەزراندنى دەرچوان و گەنجانەوە.

زۆرترین خوێندراوە

  • یەک ڕۆژ
  • یەک هەفتە
  • یەک مانگ

بۆ زانینی سەرپێچی ئوتۆمبێلەکەت کلیک بکە

سلێمانی هەولێر دهۆک

ڕاپرسی

كام جۆری سیستەمی حوكمڕانی بۆ هەرێمی كوردستان دەگونجێت ؟




    
Copyright © 2015 Snur Media. Developed by Avesta Group and powered by Microsoft Azure